ಭೂಷಣ ಮಾಡಲು ಹಿಗ್ಗೇನೋ ಜನ
ದೂಷಣಮಾಡಲು ದು:ಖೇನೋ ಪ
ದೋಷನಾಶ ಜಗದೀಶ ಕೇಶ ತನ್ನ
ದಾಸರಭಿಮಾನ್ಯೆಂದು ಶಾಶ್ವತರಿತವರಿಗೆ ಅ.ಪ
ವಂದನೆಮಾಡಿ ಕೊಡುತಿಹ್ಯರೇನೋ ಮತ್ತು
ನಿಂದೆಯನಾಡಿ ಕಸುಕೊಳ್ಳುವರೇನೋ
ನಿಂದೆವಂದನಗಳೊಂದೇಯೆಂದು ಆ
ನಂದನಕಂದನ್ನಾನಂದದಿ ಭಜಿಪರ್ಗೆ 1
ಸತಿಸುತರೊಲಿದರೆ ಬಂತೇನೋ ಮತ್ತು
ಹಿತದಪ್ಪಿ ನಡೆದರೆ ಹೋಯ್ತೇನೋ
ಗತಿಪ ಕ್ಷತಿಯ ಹಿತಾಹಿತಸ್ಥಿತಿ ಸಮವೆಂದು
ಪತಿತಪಾವನ ಸತತದಿ ನುತಿಪರ್ಗೆ 2
ನೀತಿವಂತನೆನೆ ಬಂದ ಭಾಗ್ಯೇನೋ ಜಗ
ಪಾತಕನೆನೆ ಬಂದ ಕುಂದೇನೋ
ಪಾತಕಹರ ಭವಭೀತಿವಿನಾಶ ಜಗ
ನ್ನಾಥ ಶ್ರೀರಾಮನ ಪ್ರೀತಿ ಪಡೆದವರಿಗೆ 3