ಈ ವಿಬುಧರ ಸಂಗವೆ ಮಹಾಪ್ರಮೋದ
ದುರ್ಲಭ ಜ್ಞಾನಿಯ ನಿಜಾತ್ಮಬೋಧ
ಭಾಗ್ಯವಿದೇ ಬಹುಜನ್ಮದ ಪುಣ್ಯ
ಯೋಗ್ಯರಬೋಧಾ ದೊರಕುವುದಣ್ಣ
ಬೋಗ್ಯದಿ ಲಂಪಟನಾದವಗಿನ
ಅಗ್ಗದಿ ಸಿಗುವದೆ ಸಜ್ಜನರನ್ನಾ
ಸ್ವರ್ಗದಿ ಸಿಗದಿಹ ಸಂತರ ಬೋಧ
ದುರ್ಲಭ ಜ್ಞಾನಿಯ ನಿಜಾತ್ಮಬೋಧ 1
ಉಪದೇಶದಿ ಈ ಭವವನು ಕಡಿವಾ
ಬಾಧೆಯ ಸುಡುವಾ ಮುಕುತಿಯ ಕೊಡುವಾ
ಹೃದಯದೊಳಿರುವಾ ಆತ್ಮಸ್ವರೂಪ
ಜ್ಞಾನದಿ ತಿಳುಹಿನಿ ಮೋದವ ಕೊಡುವಾ
ಸ್ವಾನು ಭವಾನಂದಾನ್ವಿತರೂಪ
ಸನ್ನುತ ಶಂಕರಗುರುಸ್ವರೂಪ2

ಹರಿ - ಹರರು ಸರಿಯೆಂಬ ಅರಿಯದಜ್ಞಾನಿಗಳು |ಹರನ ಹೃದಯದೊಳಿರುವ ಹರಿಯ ತಾವರಿಯರು ಪ.ಶರಧಿ ಮಥನದಲಂದುಸಿಂಧುಸುತೆ ಬಂದಾಗ |ಹರಿ - ಹರ -ವಿರಂಚಿ ಮೊದಲಾದ ಸುರರ ||ನೆರೆ ಒರೆದು ನೋಡಿ ಶಂಕೆಯ ಬಿಟ್ಟು ಸಿರಿದೇವೀಹರಿಸರ್ವಪರನೆಂದು ಮಾಲೆ ಹಾಕಿದಳು1ಹರಿನಾಮ ಕ್ಷೀರವದು ಹರನಾಮ ನೀರು ಅದು |ಕ್ಷೀರ ನೀರೊಂದಾದುದಂತೆ ಇಹುದು ||ಒರೆದಾಡಿ ಪರತತ್ತ್ವವರಿಯದಾನರ ತಾನು |ಹರಿ- ಹರರು ಸರಿಯೆಂದು ನರಕಕೆಳಸುವನು2ಕ್ಷೋಣಿಯೊಳು ಬಾಣನ - ತೋಳುಗಳ ಕಡಿವಾಗ |ಏಣಾಂಕಧರ ಬಾಗಿಲೊಳಗೆ ಇರಲು |ಕಾಣರೇ ಜನರೆಲ್ಲಹರಿ ಪರನು ತಾನೆಂದು |ಪೂರ್ಣಗುಣ ಪುರಂದರವಿಠಲನೇ ಪರನು 3