ಬಿಡೋ ಇನ್ನು ಬಿಡೋ ಇನ್ನು ಪ
ಕಡೆಗಾದರೂ ನಿನ್ನ ಹುಡುಗು ಬುದ್ಧಿಯನು ಅ.ಪ.
ಜೀರ್ಣವಾಯಿತು ದೇಹವು ನಿನಗೆ
ಜೀರ್ಣವಾಗಲಿಲ್ಲ ನೇಹವು ಕೊನೆಗೆ 1
ವಾಹನ ಮೃಷ್ಟಾನ್ನಗ
ಳಾ ಮಹನೀಯನೊಲಿಸವೊ ಮೂಢ 2
ಸ್ನಾನ ದಾನ ಅಧ್ಯಯನಾದಿಗಳಿಗೆ
ಶ್ರೀನಿವಾಸ ತಾನೊಲಿಯನೊ ಬರಿದೆ 3
ತಾಳ ಮೇಳ ಸಂಗೀತಾದಿಗಳನು
ಕೇಳನು ಪ್ರೇಮದ ಭಾವವಿಲ್ಲದೊಡೆ 4
ಚಿತ್ತ ಮಲಿನವಿದ್ದು ಸತ್ಕಾರವಗೈಯ್ಯೆ
ಆಪ್ತ ಕಾಮ ತಾ ತೃಪ್ತಿಯ ಪೊಂದನು 5
ಶ್ರೀಧರ ತಾ ದಯದಿಂದೊಲಿದಲ್ಲದೆ
ಸಾಧನ ಮಾತ್ರಕ್ಕೆ ಒಲಿಯಲು ಸಾಧ್ಯವೆ 6
ನಳಿನನಯನನಾಜ್ಞೆಯ ನೀ ಪಾಲಿಸೆ
ಒಲಿವನು ನಿಜವಿದು ನಲಿಯುತ ನಿನಗೆ 7
ಮೃಡವಂದಿತ ಶ್ರೀ ಕರಿಗಿರೀಶನೊಳ್
ದೃಢ ಭಕ್ತಿಯನಿಡು ಬಿಡದೆ ಪೊರೆವನೊ 8

ಭೋಗ ಬೇರಿಹುದಣ್ಣ ಭವ
ಭೋಗಗಳೆಲ್ಲವು ರೋಗಗಳಣ್ಣ
ಭೋಗವ ಪೊಂದುವ ಯೋಗವ ಮರೆಸುವ
ರೋಗಗಳಿಗೆ ಗುರಿಯಾಗದಿರಣ್ಣ 1
ಬಗೆ ಬಗೆ ಭಕ್ಷಗಳ ಭೋಗವು
ಸೊಗಸೆಂದರಿಯದಿರು
ಹಗರಣದಲಿ ತನು ದುಗುಡಕೆ ಸಿಲುಕಲು
ಸೊಗಸುಗಳೆಲ್ಲವು ಹಗೆಯಾಗುವುವು 2
ಅಂಗನೆಯರ ಸರಸ ಎಳೆಯ ಭು
ಜಂಗನ ಸಹವಾಸ
ಅಂಗಗಳಲಿ ಬಲ ಸಡಲಲು ನಿನ್ನಯ
ಹಂಗಿಲ್ಲದೆ ಮಾನಭಂಗ ಮಾಡುವರು 3
ಉಡಿಗೆ ತೊಡುಗೆ ಯೋಗ ಜಗದಲಿ
ಹುಡುಗುತನದ ಭೋಗ
ಗಿಡಗ ಗಿಳಿಮರಿಯನೊಯ್ಯುವ ತೆರದಲಿ
ಪಿಡಿಯಲು ದೂತರು ತಡೆ ಮಾಡುವರೇ 4
ಪ್ರಕೃತಿಯೊಳ್ ಸಿಲುಕಿರಲು ಭೋಗಕೆ
ಶಕುತಿ ಸಾಲದಣ್ಣ
ಭಕುತ ಪ್ರಸನ್ನನು ಭಕುತಿಯೆಂಬೊ ನಿನ್ನ
ಯುಕುತಿಗೆ ನೀಡುವ ಮುಕುತಿಯೆಂಬ ದಿವ್ಯ 5