ನೀಲ ಗಗನ ನಿಭ ನಿರ್ಮಲಗಾತ್ರನೆ ಪ
ಬಾಲಶಶಾಂಕನ ಪೋಲ್ವ ಸ್ವಾಮಿ
ಬಾಲಶಶಾಂಕನ ಪೋಲ್ವ
ನೀಲಕುಂತಳ ಪರಿಶೋಭಿತ ಫಾಲಕೆ
ಕುಂಕುಮವ ಹಚ್ಚುವೆನು 1
ನಳಿನ ನಯನ ಕೋಮಲ ಕಮಲಾನನ
ಚಲುವ ಕರಂಗಳ ತೋರೋ ಸ್ವಾಮಿ
ನಳಿನವ ಪೋಲುವ ಚಲುವ ಕರಕೆ ನಾ
ನರಿಸಿನ ಹಚ್ಚುವೆನೀಗ ಸ್ವಾಮಿ 2
ಅಂಬುಜನಾಭನೆ ಅಂಬುಧಿ ಗಂಭೀರ
ಶಂಬರಾರಿ ಶತತೇಜ ಸ್ವಾಮಿ
ಕಂಬುಕಂಧರ ತೋರು ಸಂಭ್ರಮದಲಿ ನಾ
ಗಂಧವ ಹಚ್ಚುವೆನೀಗ ಸ್ವಾಮಿ 3
ಸುಮಶರ ಜನಕನೆ ಸುವಶರ ವೈರಿಯ
ಕಾರ್ಮುಕ ಭಂಜಕ ಸ್ವಾಮಿ
ಸಮ ವಿರಹಿತ ನಿನ್ನ ಕೊರಳಿಗ್ಹಾಕುವೆನೀಗ
ಕುಸುಮ ಮಾಲೆಯ ನಾನು ಸ್ವಾಮಿ 4
ವಾರಿಧಿ ಚಂದ್ರಮನೆ
ಧೀರ ವೀರ ದಿತಿಜಾರಿದೇವ
ಶ್ರೀರಘುವೀರ ಶ್ರೀ ಕರಿಗಿರೀಶನೇ ನಿಮ
ಗಾರತಿ ಎತ್ತುವೆ ಸ್ವಾಮಿ 5