ನೀಡುವರು ಮತ್ಯಾರಿಲ್ಲ ಪ
ಬೇಡದಿರುವ ಸಜ್ಜನರಡಿಗಳ ಕೊಂ-
ಡಾಡುತಲಿರು ನೀ ಹಗಲೆಲ್ಲ ಅ.ಪ
ಕಾಸಾದರು ಹಿಡಿಕಾಳಾದರು ಹರಿ-
ದಾಸರಿಗೋಸುಗ ಕೊಡಲಿಲ್ಲ
ಲೇಸು ದೊರೆವುದೆಂದ್ಹಾರಾಡಿದರಾ-
ಯಾಸವಲ್ಲದೆ ಫಲವಿಲ್ಲ 1
ನಿನ್ನಂತೆಯೆ ಪರರನು ನೋಡಿ ದಯೆ-
ಯನ್ನು ಅವರಲ್ಲಿ ಇಡಲಿಲ್ಲ
ಮುನ್ನಿನ ಕರ್ಮವು ಬಿಡದಲ್ಲ 2
ತಿಳಿವಳಿಕೆಯು ಸ್ವಪ್ನದಲಿಲ್ಲ
ನೆಲದೊಳು ಬಚ್ಚಿಟ್ಟಿರುತಿಹ ದ್ರವ್ಯವು
ಎಲೊ ನಿನಗದು ಸ್ವಾಧೀನವಲ್ಲ 3
ವ್ಯಾಪ್ತವಾಗಿ ಹೆಚ್ಚುವದೆಲ್ಲ
ಆಪ್ತರು ದಾರಾ ಪುತ್ರಾದ್ಯರು ನಿ-
ನ್ನಾದರಿಸುವರೊಬ್ಬರು ಇಲ್ಲ 4
ಕಾಮಕ್ರೋಧದೊಳಗೆ ಮುಳುಗಿ ನೀ
ಕಂಡ ಕಂಡದು ಕೋರುವೆಯಲ್ಲ
ಕ್ಷಣವಾದರು ನೆನೆ ಭಯವಿಲ್ಲ 5