ಕೇಳೆಲೋ ಪ್ರಾಣಿ ನಂಬಿ ಪೂಜಿಸು ಹರಿಯ ಪಾದಾ |
ಪಾಲಿಸುವಾ ಗರದು ಅನುಭವ ಬೋಧಾ ಪ
ಗುರುವಿನಾ ಬಲಗೊಂಡು ಬಲಿಯೋ ಸ್ವಸುಖ ಪಡಕೋ |
ಹರಿಯದೇ ನಾನಾ ಮಾರ್ಗವ ಕಂಡು 1
ಕಂಡ ದೈವಕ ಹಲ್ಲಾ ದೆರೆದು ಬಾಗುವದಲ್ಲಾ |
ಮಂಡೆ ದಡವಲ್ಲದೇ ಮತ್ತೇನಿಲ್ಲಾ 2
ಇರಲು ಮನಿಲಿ ಧರಿಲುಳ್ಳಾ ಬಯಸಿದವಟಗಳೆಲ್ಲಾ |
ತಿರುಕವ ಬೇಡಿ ಉಂಬುದು ಸಲ್ಲಾ 3
ನೀರಡಿಸಿ ಬರಿಗೈಯ್ಯಾ ನೆಕ್ಕಿದರೇನು ಶ್ರಯಾ |
ಗುರುವಿನ ಕೇಳು ಸ್ವಹಿತೋಪಾಯ 4
ಹತ್ತು ಕಟ್ಟುವಕಿಂತ ಮುತ್ತು ಕಟ್ಟಬೇಕೆಂದೇ |
ಅರ್ತರೊಲುವನು ಮಹಿಪತಿಸುತಂದೇ 5

ಹಳೆಯದಾಯಿತು ಕಾಯಾ ಇನ್ನಾರೇ |
ತಿಳಿ ಸ್ವಹಿತೋಪಾಯಾ ಪ
ಬಾಲಕನಾಗಿ ಕೆಲವು ದಿನ ಕಳೆದೀ |
ಮೌಲ್ಯ ಯೌವ್ವನದಲಿ ಉನ್ಮತ್ತನಾದಿ 1
ಸಡಿಲುತ ಬಂದವು ಅಂಗಮಾಟಗಳು |
ವಡಮೂಡದು ವಿವೇಕ ಬುದ್ಧಿಗಳು 2
ಮಂಡೂಕ ಸರ್ಪ ನೋಡದೆ ಭರದಿ |
ಅಂಡಲುವದು ನೊಣಕದೇ ಪರಿಯಾದಿ 3
ಏನಾದರಾಗಲಿ ಹಿಂದಿನ ಕರಣೆ |
ಜ್ಞಾನದೆಚ್ಚರ ಹಿಡಿ ಮನದೊಳು ಪ್ರಾಣಿ 4
ಗುರುವರ ಮಹಿಪತಿ ನಂದನ ಪ್ರಿಯನಾ |
ಅರಿತರೆ ಬಂದದೆ ಸಾರ್ಥಕ ಖೂನಾ 5