ಎಂದಿಗೂ ಮರುಳಾಗೆನೋ ಸಂಸಾರಕ್ಕೆ
ಎಂದಿಗೂ ಮರುಳಾಗೆನೋ ಪ
ಬಂಧವ ತರಿವ ಕೇಶವನ ದಾಸನಾಗಿ
ಪಾದ ಸೇರುವೆನಯ್ಯ ಅ.ಪ
ನಾರಿಯರನು ನೆಚ್ಚಿಸೀ ಧರ್ಮವ ಬಿಡಿಸಿ
ಮಾರಿಯರ ಸಾಕಿಸೀ
ಆರರ ವಶಮಾಡಿ ರತಿಕ್ರೀಡೆ ನಂಬಿಸಿ
ಮಾರಿಯ ಗೃಹಕೆನ್ನ ಗುರಿಮಾಡ್ವ ಭವಕೇ 1
ಹÉೂನ್ನುಗಳಿಗೆ ಮೆಚ್ಚಿಸೀ ಸತ್ಯವ ಬಿಡಿಸಿ
ಮಣ್ಣುಗಳಿಗೆ ಸೊಕ್ಕಿಸೀ
ಬಣ್ಗೆಣ್ಣಿಸಲಾಗದ ಪಾಪವ ಮಾಡಿಸಿ
ಚಿನ್ನನ ಮರೆಸುವ ಪುಸಿಯಾದ ಭವಕೇ 2
ಸ್ಮರಣೆಗಳನ್ನೇ ಮಾಡಿ
ಸರಸದಿ ಪಾಲಿಪ ಭಕ್ತರ ಪರಿಯನ್ನು
ಭರದಿ ಸೇರಿಸಿ ಚನ್ನಕೇಶವಾ ಗತಿಯೆಂಬೇ 3

ತಡೆಯುವುದ್ಯಾಕಯ್ಯಾ ಹರಿಯೆನ್ನ ಕಯ್ಯಾ
ಬಿಡು ಬಿಡು ಹರಿಪಾದ ಸೇರುವೆನಯ್ಯಾ ಪ
ಅರಿಗಳನೆಲ್ಲರ ಕಡಿದು ನಾ ಬಂದೇ
ಇಂದು ನಾ ಬಂದೇ 1
ತುಂಟರೆಲ್ಲರನ್ನು ಗೆದ್ದು ನಾ ಬಂದೇ
ಇಂದು ಶರಣೆಂದು ಬಂದೇ 2
ಸನ್ನುತ ಹರಿಸೇವೆ ಮಾಡಲು ಬಂದೆ
ಚನ್ನಕೇಶವ ಸ್ವಾಮಿ ಶರಣೆಂದು ತಂದೇ 3