ಕರೆದುಣ್ಣಲಿಲ್ಲಾ ಹರಿನಾಮ ಕಾಮಧೇನುವನು ಪ
ಹೊರೆಯಲು ಅನುವಾಗಿ ಬಂದಿರಲು |
ಮನುಜ ಮೈ ಮರೆವರೆ ನೀನು 1
ಮನವೆಂಬ ಕರುಬಿಟ್ಟು ಘನ ಭಕ್ತಿ ಮುರವಿಟ್ಟು |
ತನುವಿನ ಪಾತ್ರೆಲಿ ನೀನು 2
ಕರುಣದಾ ಕೆಚ್ಚಲು ತೊರೆದು ಭೊರ್ಗರೆಯಲು |
ಅರಿವೆಂಬ ಕೈಯಿಂದ ನೀನು 3
ಗುರು ಮಹಿಪತಿಕಂದಗರುಹಿದ ನಿಜಾನಂದ
ಸಿರಿಸುಖವ ಪಡೆಯಲು ನೀನು 4

ಜಯ ಜಯ ಕರುಣಾಕರ ಗುರುದೇವ
ವಾಸುದೇವ ಧ್ರುವ
ಮುನಿಜನ ಪಾಲಕ ದೀನ ದಯಾಳ
ಅನಾಥ ಬಂಧು ಶರಣಾಗತ ವತ್ಸಲ
ಸನಕಾದಿಗಳೊಂದಿತ ಸಿರಿಸುಖಲೋಲ
ಅನುದಿನ ಅಣುರೇಣುಕ ನೀನೆ ಸುಕಾಲ 1
ಪತಿತ ಪಾವನ ಪರಮ ಉದಾರ
ಭಕ್ತವತ್ಸಲ ಮಾಮನೋಹರ
ಅತಿಶಯಾನಂದ ಸುಜ್ಞಾನಸಾಗರ
ಚತುರ್ದಶ ಭುವನಕೆ ನೀ ಸಹಕಾರ 2
ದೇಶಿಕರಿಗೆ ದೇವ ನೀನೇ ನಿಧಾನ
ವಿಶ್ವಪಾಲಕ ಸ್ವಾಮಿ ನೀ ಸುಗುಣ
ಭಾಸ್ಕರ ಕೋಟಿ ತೇಜ ನೀನೇ ಪೂರ್ಣ
ಲೇಸಾಗ್ಹೊರಿಯೊ ದಾಸ ಮಹಿಪತಿ ಪ್ರಾಣ3

ಬಾರಯ್ಯ ಭಕ್ತವತ್ಸಲ ಬಾರೋ ಶ್ರೀ
ಹರಿ ಗೋಪಾಲ ಸಿರಿಸುಖಲೋಲ ಧ್ರುವ
ಸಾಮಗಾಯನ ಪ್ರಿಯ ಸಮಸ್ತಲೋಕದ ಶ್ರೇಯ
ನೇಮಿಸಿ ಬೀರೊ ದಯ ಸ್ವಾಮಿ ನಮ್ಮಯ್ಯ 1
ಅನಾಥರನುಕೂಲ ಮುನಿಜನ ಪ್ರತಿಪಾಲ
ಘನಸುಖದ ಕಲ್ಲೋಳ ದೀನದಯಾಳ 2
ದೀನಮಹಿಪತಿಗಾಳು ಘನವಾಗಿ ಕೇಳು 3

ಭವತ್ಕರುಣಿ | ಗುರುಹಿರಿಯರ ಅನುಸರಣಿ ಪ
ಜ್ಞಾನ ಭಕುತಿ ಕಲೆ ತಾನರಹಿಸುವ |
ಸ್ವಾನುಭವದ ಸುಖಭರಣಿ 1
ಮಂಗಳ ಘನಸುಖ ಇಂಗಿತ ದೋರುವಾ |
ಕಂಗಳ ಸಿರಿಸುಖ ಕರಣಿ 2
ತಂದೆ ಮಹಿಪತಿ ನಂದನು ಸಾರಿದಾ |
ತರಣಿ 3

ಮೋಹ ಬೇಡಣ್ಣಾ ಸಂಸಾರದೊಳು ಪ
ಎರವಿನ ಕಂಗಳು ಎರವಿನ ಶ್ರುತಿಯೊಳು |
ನಾಸಿಕ ಎರವಿನ ನಾಲಿಗೆ |
ಎರವಿನ ಕರಗಳು ಎರವಿನ ಪಾದವು |
ಎರವಿನ ಬುಧ್ಯರವಿನ ಬದುಕು 1
ಎರವಿನ ಹಣಗಳು ಎರವಿನ ಭೂಷಣ |
ವಾಹನ ಎರವಿನ ಸಿರಿಸುಖ |
ಎರವಿನ ತರುಣಿಮದ್ಯೆರವಿನ ಸುತರು |
ಎರವಿನ ಬಂಧು ಎರವಿನ ಬಳಗಾ 2
ಹರಿಯೇ ಕರ್ತನು ಹರಿ ಸೂತ್ರಾತ್ಮನು |
ಗುರುಮಹಿಪತಿ ಪ್ರಭು ಹರಿ ಪರವೆಂದು |
ಹರಿಯನೆ ಸ್ಮರಿಸಿ ಹರಿಯನೇ ಧ್ಯಾನಿಸಿ |
ಹರಿಯನೆ ಪೂಜಿಸಿ ಹರಿ ಪದಹೊಂದು 3

ಹರಿದಾಸನವನೇ ನೋಡಿ|
ಬರೇ ವೇಷ ದೋರಲ ಬೇಡಿ ಪ
ಒಂದರ ಘಳಗೆಯ ಕುಂದದಿ ಕಳೆಯಾ|ಮು|
ಕುಂದನ ನಾಮವ ಛಂದದಲಿಹ 1
ಅನ್ಯರ ದೂಷಿಸಿ ತನ್ನನೇ ಹೊಗಳನು|
ಸಣ್ಣ ದೊಟ್ಟದರಲಿ ಘನ್ನರಿತಿಹ 2
ಹುಲ್ಲ ಮನುಜರಿಗೆ ಹಲ್ಲವದೆರಿಯದೆ|
ಫುಲ್ಲನಾಭನಪದದಲಿಹ ಮನ 3
ಮುಂದಿನ ಹಾನಿಯು ಇಂದಿವೆ ತೋರಲಿ|
ಮುಂದಿಟ್ಟಟಡಿಯನು ಹಿಂದಕೆಳೆಯ 4
ನುಡಿವದು ಸಲಭ ನಡೆವುದು ದುರ್ಲಭ|
ನಡೆನುಡಿಯಲಿ ಸಮಧೃಡಗಂಡಿಹ 5
ಹಂಗವಳಿದು ಸತ್ಸಂಗದಿ ಶ್ರವಣದಿ|
ಕಂಗಳ ಸಿರಿಸುಖ ಮಂಗಳಲಿಹ 6
ತಂದೆ ಮಹಿಪತಿ ನಂದನ ಪ್ರಭುದಯ|
ದಿಂದ ಭವಾಲಯ ಸಂದ ಜರಿದ 7

ಹರಿಯಾ ಪಾದಕ ಶರಣೆನ್ನಿ |
ಸ್ಮರಣೆಗೆ ಹರಿಯನು ಕರೆತನ್ನಿ ಪ
ಅವನ ನಾಮವನೆನಿಯಲು ಭಕುತಿಲಿ |
ಭವಭಯ ಮೂಲದಿ ನೀಗುವದು |
ಆವಾಗ ಕಂಗಳ ಸಿರಿಸುಖ ದೋರುತ |
ಜೀವನ ಗತಿನೆಲೆ ಹೊಂದುವದು 1
ಸಿಕ್ಕಿತ್ತು ನರದೇಹ ದೊರಿಯಲು ಪುಣ್ಯದಿ |
ಸರ್ಕನೆ ಸಂತರ ಮೊರೆಹೊಕ್ಕು |
ದಕ್ಕಿಸಿಕೊಳ್ಳದೇ ಬೋಧಾಮೃತವನು |
ಪುಕ್ಕಟೆ ದಿನವನು ಗಳೆವರೇ 2
ತನುವಿದು ನೋಡಲು ನೆಚ್ಚಿಕೆ ಇಲ್ಲದ |
ಮನಿಗಂಧರ್ವದ ಪುರದಂತೆ |
ತನುವಿಗೆ ಹತ್ತಿದ ಸಂಸಾರ ಸುಖ |
ಕನಸಿನ ಭಾಗ್ಯವ ತೆರೆದಂತೆ 3
ಇದರೋಳು ನಾ ನನ್ನದು ಎಂದೆನುತಲಿ |
ಮದಮತ್ಸರವಾ ಬಗೆಯಲಿ |
ಕುದಿಕುದಿದೇಳು ತಜ್ಞಾವಿಹೀನದಿ |
ಉದರವ ಹೊರವುತ ತಿರುಗವರೇ 4
ಈಗಾಗಯನ್ನದೇ ಹರಿನಾಮವ | ನಾ |
ಲಿಗೆ ಕೊನಿಯಲಿ ತಂದಿರಿಸೀ |
ಭವ |
ಸಾಗರ ಸುಳಿಯಿಂದಲಿ ತರಸೀ 5