ಮರುಳೆ ಸುಖ ನೀನೆನು ಪಡೆದಿ
ನರಜನುಮ ತಾಳಿ ಇಹ್ಯದಿ ಪ
ಪರಿಪರಿ ಜನುಮ ತಾಳಿ
ಪರಮ ಬಂಧದೊಳೊರಲ
ಉರುಳಿ ವರಮುಕ್ತಿ ದೊರೆವ ಕೀಲಿ
ಸ್ಮರಿಸಿ ಬಂದಿ ಹರಿಯ ಬಳಲಿ 1
ಅರಿಯದೆ ಮತ್ತು ಭವಮಾಲೆ
ಕೊರಳಿಗ್ಹಾಕಿಕೊಂಡಿ ದುರುಳ
ಮರೆಯಮೋಸ ಕಾಂಬೋದೆಲ್ಲ
ಹರಿದು ಪೋಗ್ವುದು ಸ್ಥಿರವಲ್ಲ 2
ಸಮಯ ಮಿಂಚಿಪೋದ ಬಳಿಕ
ಕ್ರಮದಿ ಮತ್ತೆ ಸಿಗುವುದೆ ಮೂರ್ಖ
ವಿಮಲ ಶ್ರೀರಾಮ ಪಾದಕಮಲ
ನಮಿಸಿ ಪಡಕೊ ಮುಕ್ತಿಮಾಲಾ 3

ರಾಮನಾಮವ ನೆನೆ ಮನವೆಪ
ರಾಮ ಎಂದವನೆ ಧನ್ಯನೆಂದು ಶ್ರುತಿತತಿಗಳು ಪೊಗಳುತಿರೆ ಅ
ತರುಣತನದಿ ದಿನ ದಾಟಿತು ಸುಮ್ಮನೆಶರೀರದೊಳು ಸ್ವರವಾಡುತಲೆತರುಣಿ ಸುತರು ಸಂಸಾರವೆಂಬಶರಧಿಯೊಳಗೆ ಮುಳುಗಿರದೆ ಮನವೆ 1
ಬಗೆಬಗೆ ಜನ್ಮದಿ ಜನಿಸಿದೆ ನಾಳೆಗೆಸಿಗುವುದೆ ನಿಜದಿಂ ಈ ಸಮಯಮುಗುಧನಾಗಿ ಮತ್ತೆ ಜನಿಸಿ ಬರುವುದುಸೊಗಸು ಕಾಣುವುದೆ ಛಿ ಮನವೆ 2
ಚಿಂತೆಯನೆಲ್ಲ ಒತ್ತಟ್ಟಿಗಿಟ್ಟುಅಂತರಂಗದಲಿ ಧ್ಯಾನಿಸುತಕಂತುಪಿತ ಕನಕಾದಿಕೇಶವನಎಂತಾದರೂ ನೀ ಬಿಡಬೇಡ ಮನವೆ3