ಬಂದರು ಹರಿದಾಸರು ಅಲ್ಲಿ |
ಗೋವಿಂದನಾಮವ ನೆನೆಯುತಲಿ ಪ
ಬರುತಿಹರೂ ಹರುಷಿಪರೂ
ತಿರುಪತಿಯಾತ್ರೆಗೆ ಹೋಗುವರು 1
ತಾಳದಲೀ ಮೇಳದಲೀ ಶ್ರೀ
ಲೊಲಾಯೆನ್ನುತ ಕುಣಿಯುತಲಿ 2
ನೇಮದಲೀ ಪ್ರೇಮದಲೀ ಗುರು
ರಾಮವಿಠಲ ಸಲಹೆನ್ನುತಲಿ 3

ಮಂಗಳ ಪಾಡಿರೆ ಭಾವೆಯರೇ
ರಂಗನ ರಮಣಿಯ ಭಾವಿಸಿರೇ ಪ
ಅಂಗಜಜನನಿಯ ಕೃಪೆಯಿ ಸ-
ತ್ಸಂಗತಿ ಪಡೆದೆವು ನಿಶ್ಚಯಂಅ.ಪ
ಭೋಗವತೀಪತಿಶಾಯಿಯೊಳು ಅನು
ರಾಗಗೊಂಡಿಹ ದೇವಿಯಿವಳ್
ಭಾಗ್ಯಲಕ್ಷ್ಮಿಯ ಪಾದದೊಳು
ಬಾಗುತ ಶಿರವನು ರಾಗದೊಳು 1
ವೇದಸಾರದ ವಾಕ್ಯದಲಿ
ಮಾಧವಿಯಂ ಸ್ತುತಿ ಮಾಡುತಲಿ
ಭೇದವೆಣಿಸದೆ ಸಲಹೆನ್ನುತಲಿ
ಮಾಧವನಂ ಕೊಂಡಾಡುತಲಿ 2
ತಾಪತ್ರಯಗಳ ಪರಿಹರಿಸಿ
ಆಪತ್ತುಗಳಿಂದುದ್ಧರಿಸಿ
ಕಾಪಾಡುವಳಿವಳೆಂದೆನಿಸಿ
ಶ್ರೀಪದ್ಮಿನಿಯನು ಸಂಸ್ಮರಿಸಿ 3
ಶರಣಾಗತ ಸಂರಕ್ಷಕಿಗೆ
ವರಶೇಷಗಿರಿನಿಲಯನಿಗೆ
ಕರುಣಾರೂಪಿಣಿ ಪದ್ಮಿನಿಗೆ
ಕರಗಳ ಮುಗಿಯುತೆ ಮಾಧವಿಗೆ 4

ಶೇಷಶಯನ ಶ್ರೀಕೃಷ್ಣನಿಗಾರತಿ
ಸತಿ ಲಕುಮಿಯು ಮಾಡಿದಳು ಪ
ಸಾಸಿರನಾಮನ ಭೂಸುರಪಾಲನ
ಸೋಸಿನಿಂದ ಸ್ಮರಿಸುತ ಮನದಿ ಅ.ಪ
ಅಂಬುಧಿಯುದುಕದಿ ಆಲದ ಎಲೆ ಮೇಲೆ
ಅಂಗುಟವನು ಬಾಯೊಳಗಿಟ್ಟು
ತುಂಬಿಗುರುಳ ಮುಖಕಮಲದ ಚಲುವಗೆ
ಸಂಭ್ರಮದಲಿ ಮುತ್ತಿನಾರತಿಯ 1
ಮಂದರಧರ ಗೋವಿಂದಗೆಮ್ಮಯ
ಕುಂದುಗಳೆಣಿಸದೆ ಸಲಹೆನ್ನುತಾ
ವಂದಿಸಿ ಪ್ರಾರ್ಥನೆ ಮಾಡುತ ಬೇಗದಿ
ಇಂದಿರೇಶ ಸಲಹೆಂದೆನುತ 2
ಗೋವರ್ಧನವನು ಎತ್ತಿ ಸುಜನರನು
ಗೋಗೋಪಾಲರ ಪೊರೆದವಗೆ
ಗೋಪತಿ ಕಮಲನಾಭ ವಿಠ್ಠಲನಿಗೆ
ಗೋಪಿಯರೊಡನಾಡುವ ಹರಿಗೆ 3

ಶ್ರೀ ವೆಂಕಟಾಚಲಪತಿ ನಿನ್ನ ಪಾದವೆ ಎನಗೆ ಗತಿ ಪ.
ಧರ್ಮ ತತ್ವವನರಿಯೆ ಬಹು
ದುಷ್ಕರ್ಮವ ನಾ ತೊರೆಯೆ
ಭರ್ಮದಾಸೆ ಮರೆಯೆ ಆ ದೇವ
ಶರ್ಮವ ನಿಜ ದೊರೆಯೆ 1
ಅಮಿತ ಪಾಪಿ ನಾನು ಸಂಸೃತಿ
ದುರಿತ ನೀನು
ನಮಿಪೆ ನಿನ್ನಡಿಗಳನು ಕಮಲಾ-
ರ್ಕ ಮಿತ್ರನೆ ಸಲಹೆನ್ನು 2
ಸುತರ ಕುಚರಿತಗಳ ಮಾತಾ
ಪಿತರುಗಳೆಣಿಸುವರೆ ಯೋನ:
ಪಿತರು ಎಂಬ ಸಂಶ್ರುತಿ ಗೀತಾರ್ಥವ
ವಿತತವ ಮಾಡುವರೆ 3
ಎನ್ನಪರಾಧಗಳನೆಣಿಸಲು
ಷಣ್ಮುಖಗಳ ವಡದು
ಬಿನ್ನಹ ಮಾಡುವೆ ನಿನ್ನ ದಾಸನೆಂ-
ದೆನ್ನ ಪೊರೆಯೊ ದೊರೆಯೆ 4
ಪನ್ನಗಾಚಲವಾಸ ಬಹು ಕಾ-
ರುಣ್ಯ ಸಾಗರೇಶ
ಇನ್ನುಪೇಕ್ಷಿಸದೆ ಎನ್ನ ಪಾಲಿಸು ಪ್ರ-
ಸನ್ನ ವೆಂಕಟೇಶ 5