ವಿಧಿ ನಿಷೇಧವು ನಿನ್ನ ಸ್ಮರಣೆ ವಿಸ್ಮರಣೆಯ-
ಲ್ಲದಲರಿಯರೇನೊಂದು ಹರಿಭಕ್ತರು ಪ
ಮಿಂದದ್ದೆ ಗಂಗಾದಿ ತೀರ್ಥಗಳು ಸಾಧುಗಳು
ಬಂದದ್ದೆ ಪುಣ್ಯ ಕಾಲವುಗಳು ಅವರು
ನಿಂದದ್ದೆ ಗಯ ವಾರಣಾಸಿ ಕುರುಕ್ಷೇತ್ರಗಳು
ಬಂದು ಪೋಗಲು ಅದುವೆ ರಾಜಬೀದಿ 1
ಕಂಡು ಕಂಡದ್ದೆಲ್ಲ ಕಮಲನಾಭನ ಮೂರ್ತಿ
ಮಂಡಿಸಿದ ಶಯನ ದಂಡಪ್ರಣಾಮ
ತಂಡತಂಡದ ಕ್ರಿಯೆಗಳೆಲ್ಲ ಹರಿ ಪೂಜೆಗಳು
ಮಂಡೆ ಬಾಗಿಸಿ ಸಮಿಪ ಶರಣ ಜನಕೆ 2
ನಡೆವ ನಡೆಯೆಲ್ಲ ಲಕ್ಷ ಪ್ರದಕ್ಷಿಣೆ ಮತ್ತೆ
ನುಡಿವ ನುಡಿಯೆಲ್ಲ ಗಾಯಿತ್ರಿ ಮಂತ್ರ
ಒಡೆಯ ಶ್ರೀಕಾಂತನ್ನ ಅಡಿಗಡಿಗೆ ಸ್ಮರಿಸುತಿಹ
ದೃಢ ಪ್ರಜ್ಞರೇಂಗೈಯ್ಯಲದುವೆ ಮರ್ಯಾದೆ 3

ಸಮಿಪ ಸದ್ಗುರುರಾಯಾ
ಆ ನಿನ್ನ ದಯದಿ ಪುನೀತವಾದುದು ಕಾಯಾ
ಅರಿವಾಯ್ತು ಎನ್ನ ಸ್ವರೂಪದನುಭವ ಜೀಯಾ
ಮಾಯಾ ಘೋರಕರ್ಮವ ನೀಗಿದೆನು ನಾ
ಪಾರಮಾರ್ಥಿಕ ಸತ್ಯವರಿಯುತ
ಮೀರಿದಾನಂದದಲಿ ಮುಳುಗತ
ಸೇರಿ ಒಂದಗಿಹೆನು ನಿನ್ನೊಳು
ಸರಸ ನಿನ್ನಯ ಬೋಧಾ
ಈ ಮರುಳು ಮಾನವರೇನು ಬಲ್ಲರು ಮೋದ
ಮಾತೆನಲುಬೇಗನೇ ಸಚ್ಚಿದಾತ್ಮನ ಶೋಧಾ
ಮರುಳುಮತಿಗಳು ಅರಿದರೆಂತೋ
ಪರಮತತ್ವವ ಪರವಿಚಾರದಿ
ದುರುಳರಾ ಮಾತೇಕೆ ನಿನ್ನಯಕರುಣೆಯಿಂದಲಿ ಪಾರುಗಂಡÉನು