ನಾರೇರೆಲ್ಲ ಮುತ್ತಿನಾರತಿ ಬೆಳಗಿರೆ
ಶ್ರೀ ಕೃಷ್ಣಮೂರುತಿಗೆ ಪ
ನಾರೀಮಣಿ ಶ್ರೀ ರುಕ್ಮಿಣೀದೇವಿಗೆ
ಮತ್ತು ಭೂಮಾಮಣಿಗೆ ಅ.ಪ
ಪನ್ನಗಪತಿ ಫಣಿಯನ್ನು ತುಳಿಯುತಲಿ
ಚನ್ನಾಗಿ ಕುಣಿದವಗೆ
ಸನ್ನುತ ನಿಜ ಜನರನ್ನು ಸಲಹುವ
ಮನ್ಮಥ ಜನಕನಿಗೆ 1
ಪಾರ್ಥಗೆ ಸಖನಾಗಿ ಧಾರ್ತರಾಷ್ಟ್ರನ ಹಠ
ವ್ಯರ್ಥ ಮಾಡಿದವಗೆ
ಆರತಿ ಎತ್ತಿರೆ ಶುಭಕೀರ್ತನೆ ಮಾಡುತ
ಪಾರ್ಥಸಖನ ಸತಿಗೆ 2
ಚಂಡಮುನಿಯು ಬೇಡಿಕೊಂಡ ವರವನಿತ್ತ
ಪಾಂಡವರ ಕಾಯ್ದವಗೆ
ಪುಂಡರೀಕದಳಲೋಚನಗೆ
ಜಗದಂಡಪತಿಯ ಸತಿಗೆ3
ವಾಮಲೋಚನರೆಲ್ಲಾ ನಾಮಗಿರೀಶ ಶ್ರೀ
ನರಸಿಂಹ ಮೂರುತಿಗೆ
ಪ್ರೇಮ ಮಾಡುವನೆಂದು ಕಾಮಿನಿಯರೇ ಸತ್ಯ
ಭಾಮಾಸಹಿತನಿಗೆ 4

ಹೂವ ಮುಡಿಸಿರೆ ಮುಡಿಗ್ಹರಸುತಲಿ
ಮುತ್ತೈದೆಯಾಗೆನುತ
ಹೂವ ಮುಡಿಸಿರೆ ಮುಡಿಗ್ಹರಸುತಲಿ ಪ
ಮರುಗ ಮಲ್ಲಿಗೆ ಜಾಜಿ ಸುರಗಿ ಶಾವಂತಿಗೆ
ಸುರಪಾರಿಜಾತ ಸಂಪಿಗೆ ಸತ್ಯಭಾಮೆಗೆ 1
ಸುರಪಾರಿಜಾತ ಪುನ್ನಾಗ ಪುಷ್ಪಗಳ 2
ಹೆರಳು ಬಂಗಾರ ರಾಗಟೆ ಗೊಂಡ್ಯ ಕ್ಯಾದಿಗೆ
ಅರಳು ಮಲ್ಲಿಗೆಯ ಭೀಮೇಶಕೃಷ್ಣನ ಸತಿಗೆ3