ಶರಣು ಶ್ರೀದೇವದೇವಾದಿ ಸದ್ಗುರುನಾಥ
ಶರಣು ಸುರಮುನಿಜನರ ಪ್ರಾಣ ಜೀವನದಾತ
ಶರಣು ಪರಬ್ರಹ್ಮ ಪರಮಾನಂದ ಭರಿತ
ಸಿರಿ ಅರಸ ಕರುಣಾಳು ಶ್ರೀನಾಥ ಶರಣು 1
ವೇದ ಆಗೋಚರಾನಾದಿ ಗುರು ಅನಂತ
ಸಾಧುಜನ ಸಹಕಾರ ಸಂತತ ಸದೋದಿತ
ಸದ್ಬ್ರಹ್ಮ ಆನಂದ ಗುಣತ್ರಯ ವಿರಹಿತ
ಆದಿ ಅನಾದಿ ಅವಿನಾಶ ಗುರುನಾಥ 2
ಸಂಜೀವ ಸದ್ಗುರುನಾಥ
ಶಕ್ತನಹುದಖಿಳದೊಳು ಸಕಳಾರ್ಥಪೂರಿತ
ಯುಕ್ತನಹುದಯ್ಯ ಶಕ್ತಿಯು ಗುರುಸಮರ್ಥ
ಮುಕ್ತಿದಾಯಕ ಮಹಿಪತಿ ಪ್ರಾಣನಾಥ 3

ಶ್ರೀಗುರುವೆ ತಾಯಿ ತಂದೆನಗ ನೀನು ಧ್ರುವ
ತಾಯಿ ತಂದೆನಗ ನೀ ಬಾಹ್ಯಾಂತ್ರ ಪರಿಪೂರ್ಣ
ಸಾಯೋಜ್ಯ ಸದ್ಗುರುನಾಥ ನೀನೆ
ಸಂಜೀವ ಸಾಕ್ಷಾತ ನೀನೆ
ಕಾವ ಕರುಣಾಳು ವರದಾತ ನೀನೆ
ಇಹಪರದೊಳು ಸಕಳಾರ್ಥ ನೀನೆ 1
ಕರುಣ ಆನಂದದಲಿ ಹೊರೆದು ಸಲಹುವ ಮೂರ್ತಿ
ಪರಮ ಜೀವದ ಅತಿ ಮೈತ್ರ ನೀನೆ
ಸರ್ವ ಙÁ್ಞನಿಗಳ ಕುಲಗೋತ್ರ ನೀನೆ
ದ್ರವ್ಯ ಧನವನು ಸಂಚಿತಾರ್ಥ ನೀನೆ
ಪೂರ್ವಪ್ರಾಚೀನ ಪುಣ್ಯಸೂತ್ರ ನೀನೆ 2
ಬಾಲಕನ ಮ್ಯಾಲೆ ದಯಮಾಡಿ ಪಾಲಿಸುತೀಹ್ಯ
ಕುಲಕೋಟಿ ಬಂಧುಬಳಗ ನೀನೆ
ಮೂಲಪುರಷನ ಋಷಿದೈವ ನೀನೆ
ಪರಿ ಬಲವು ಇಳಯೊಳಗೆ ನೀನೆ
ಸಲಹುತಿಹ ಮಹಿಪತಿಸ್ವಾಮಿ ನೀನೆ 3