ಕೋರಿ ಬಂದೆನೊ ನಾನು
ಪತಿ ನಿನ್ನ ಪ
ಘೋರ ಸಂಸಾರದಿಂದ
ಪಾರು ಮಾಡುವಿಯೆಂದು ಅ.ಪ.
ಸರ್ವ ಪ್ರಾಣಿಗಳಲ್ಲಿ
ಸರ್ವವಸ್ತುಗಳಲ್ಲಿ
ಸರ್ವೇಶ ಹರಿಯ ಕೂಡಿ
ಸರ್ವದಾ ಇರುವೆಯೆಂದು 1
ಅಂಜಾನೆ ಗರ್ಭದಿ
ಸಂಜಾನಿತ ನೀನಾಗಿ
ಕಂಜನಾಭನ ಮನ-
ರಂಜಾನೆ ಮಾಡಿದೆಯೆಂದು 2
ದಾನವಾಂತಕನಿಂದ ಸ-
ನ್ಮಾನಿತನಾದಂಥ
ದೀನರಕ್ಷಕ ಭೀಮ-
ಸೇನ ವಿಕ್ರಮನೆಂದು 3
ಹೀನಬುದ್ಧಿಯ ಬಿಡಿಸಿ
ದೀನ ಸುಜನರಿಗೆ
ಜ್ಞಾನ ಮಾರ್ಗವ ತೋರಿ-
ದಾನಂದತೀರ್ಥನೆಂದು 4
ಶ್ರೀ ರಂಗೇಶವಿಠಲಗೆ ಸಮ
ರ್ಯಾರಿಲ್ಲವೆಂತೆಂದು
ಈರೇಳು ಜಗದೊಳು
ಸಾರುತಿರುವೆಯೆಂದು 5

ಕೊಡು ಕಂಡೆಯಾ ಹರಿಯೆ-ನಿನ್ನ ನಾಮ-|ಕೊಡು ಕಂಡೆಯಾ ಹರಿಯೆ ಪಬಡವ ನಾನೆಂದು ಕಾಡಲಿಲ್ಲ ಹರಿಯೆ ಅ.ಪಒಡಲುತುಂಬದು ಎಂದು ಬಳಲಿಸೆ ಬರಲಿಲ್ಲ |ಸಡಗರದಿಂ ಭಾಗ್ಯ ಬೇಡಲಿಲ್ಲ ||ಮಡದಿ-ಮಕ್ಕಳಿಗಾಗಿ ಕಡು ಮೋಹವೆನಗಿಲ್ಲ |ಬಿಡದೆ ನಾಮಸ್ಮರಣೆ ಕೊಡು ಒಂದೇ ಸಾಕೊ 1ಸ್ನಾನ-ಮೌನ ಜಪ-ತಪಗಳು ಎನಗಿಲ್ಲ |ನಾನಾಯೋನಿಗಳಲ್ಲಿ ಬಳಲಿ ಬಂದೆ ||ದೀನರಕ್ಷಕ ನೀನೆ ದಯದಿಂದಲೆನಗಿನ್ನು |ಧ್ಯಾನಸುಧೆಯನಿತ್ತು ಸಲಹಯ್ಯ ಹರಿಯೆ 2ಬಲೆಗೆ ಸಿಲುಕಿದ ಮೃಗದಂತೆ ಬಾಯ್ಬಿಡುತಲಿ |ಅಲಸಿ ಕೋಟಲೆಯ ಸಂಸಾರದಿಂದ |ತಲೆಹುಳಿತ ನಾಯಂತೆ ಬಯಲಾಸೆಗೆ ಸಿಲುಕಿದೆ |ಸಲಹೊ ದೇವರ ದೇವಪುರಂದರವಿಠಲ3