(ಶೇಣಿಯ ಗೋಪಾಲಕೃಷ್ಣನನ್ನು ನೆನೆದು)
ತಾಪವ ಬಿಡಿಸು ದಯಾಪರ ಶ್ರೀ
ಗೋಪಾಲ ಕೃಷ್ಣ ನೀ ಕಾಪಾಡು ಸಂಸಾರ ಪ.
ಲೋಕನಾಯಕ ನಿನ್ನ ಕರುಣವಂದಿದ್ದರೆ
ಸಾಕೆಂಬೆ ಜ್ಞಾನಾನಂದಕರ
ಪಾಕಶಾಸನ ಸುತಗೊಲಿದಾತನ ಭಂಡಿ
ನೂಕಿ ನಡೆಸಿದ ಕೃಪಾಕರ ಮೂರುತಿ 1
ನಡೆವುದು ನುಡಿವುದು ಕೊಡುವುದು ಕೊಂಬುದು
ಮಡದಿ ಮಂದಿರ ಮಮತಾಸ್ಪದದ
ಒಡವೆ ವಸ್ತುವು ಮೊದಲಾದುದೆಲ್ಲವನು ಶ್ರೀ-
ಮುಡಿಯ ಸಂವರಿಸುವ ಕರದಿ ಸಂಗ್ರಹಿಸುತ2
ನಿನ್ನಡಿಗಳ ನಂಬಿ ನಿಂದಿಹೆನಿಲ್ಲಿ ಪ್ರ-
ಸನ್ನ ಮುಖಾಂಬುಜ ಪಾಲಿಸೆಂದು
ಅನ್ಯರಿಗೆಂದೆಂದು ದೈನ್ಯ ತೋರಿಸಲಾರೆ
ಪನ್ನಗಾಚಲವಾಸ ಪರಮ ದಯಾಳೊ 3

ಬಡವರೆಲ್ಲ ಬದುಕಿ ಸುಖದಲಿ ಬಹುಕಾಲ ಪ
ಬಡವರೆಲ್ಲ ಸುಖದಲಿ ಜಗ
ಕಡುಕರುಣಕೆ ಪಾತ್ರರಾಗಿ
ದೃಢದಿ ಬಾಳಿ ಸಡಗರದಲಿ ಅ.ಪ
ಕುಕ್ಷಿಗಾಗಿ ಗೈದು ಬಂದುದು
ಲಕ್ಷವೆಂದು ತಿಳಿದು ನಮ್ಮ
ಲಕ್ಷ್ಮಣಾಗ್ರಜನಾಜ್ಞೆಯೆಂದು 1
ಮಾನರಕ್ಷಣೆಗೆ ವಸ್ತ್ರವುಟ್ಟು
ನಾನು ಎಂಬ ಮಮತೆ ಬಿಟ್ಟು
ಜ್ಞಾನರತ್ನವ ಸಂಗ್ರಹಿಸುತ 2
ಜಗದ ಜನಗಳಂತೆ ನಡೆಯದೆ 3
ಯೋಗಿಗಳನು ನೋಡಿ ಹಿಗ್ಗಿ
ಭೋಗಿಗಳನು ನೋಡಿ ತಗ್ಗಿ
ತ್ಯಾಗ ಬುದ್ಧಿಯುಳ್ಳವರಾಗಿ
ಭಾಗವತರಾಚರಣ ಪಿಡಿದು 4
ಪರರ ಸ್ವತ್ತಿಗಾಸೆಪಡದೆ
ಎರೆಡು ಸುಖವು ಕರಗತವೈ 5