ಶ್ರೀ ವೆಂಕಟಾಚಲಪತಿ ನಿನ್ನ ಪಾದವೆ ಎನಗೆ ಗತಿ ಪ.
ಧರ್ಮ ತತ್ವವನರಿಯೆ ಬಹು
ದುಷ್ಕರ್ಮವ ನಾ ತೊರೆಯೆ
ಭರ್ಮದಾಸೆ ಮರೆಯೆ ಆ ದೇವ
ಶರ್ಮವ ನಿಜ ದೊರೆಯೆ 1
ಅಮಿತ ಪಾಪಿ ನಾನು ಸಂಸೃತಿ
ದುರಿತ ನೀನು
ನಮಿಪೆ ನಿನ್ನಡಿಗಳನು ಕಮಲಾ-
ರ್ಕ ಮಿತ್ರನೆ ಸಲಹೆನ್ನು 2
ಸುತರ ಕುಚರಿತಗಳ ಮಾತಾ
ಪಿತರುಗಳೆಣಿಸುವರೆ ಯೋನ:
ಪಿತರು ಎಂಬ ಸಂಶ್ರುತಿ ಗೀತಾರ್ಥವ
ವಿತತವ ಮಾಡುವರೆ 3
ಎನ್ನಪರಾಧಗಳನೆಣಿಸಲು
ಷಣ್ಮುಖಗಳ ವಡದು
ಬಿನ್ನಹ ಮಾಡುವೆ ನಿನ್ನ ದಾಸನೆಂ-
ದೆನ್ನ ಪೊರೆಯೊ ದೊರೆಯೆ 4
ಪನ್ನಗಾಚಲವಾಸ ಬಹು ಕಾ-
ರುಣ್ಯ ಸಾಗರೇಶ
ಇನ್ನುಪೇಕ್ಷಿಸದೆ ಎನ್ನ ಪಾಲಿಸು ಪ್ರ-
ಸನ್ನ ವೆಂಕಟೇಶ 5