ಬಂದೆ ರಂಗಯ್ಯ ನಿನ್ನಬಳಿಗೆ ಪ
ನೊಂದು ಮನ ಬೇಡುವೆ ನಿನ್ನ ಶ್ರೀಪಾದಂಗಳಿಗೆ ಅ.ಪ Àಕ್ತಜನರು ಬಂದು ಕಾಡುವರೆಂತೆಂದು
ಯುಕ್ತಿಯಿಂದಿಲ್ಲಿ ಬಂದು
ಸಪ್ತಬೆಟ್ಟದ ಮಧ್ಯದೊಳ್ ವಿ
ರಕ್ತಿಯ ಕೈಕೊಂಡು ನಿಂತಿರೆ
ಭಕ್ತರ ಪಾಡೇನು ಪೇಳೆಲೊ 1
ಶ್ವೇತಾದ್ರಿಯಲಿ ಭಕ್ತವ್ರಾತ ಪಾಲಿಸಿದಂಥಾ
ಪ್ರೀತಿವಚನ ಕೇಳಿ
ಭೂತನಾಥನ ಭಯವ ಬಿಡಿಸಿ
ಖ್ಯಾತಿಯನು ಪಡೆದಂಥ ವಾರ್ತೆಯ
ರೀತಿಯನು ನಾ ಕೇಳಿ ಬಂದೆನೊ
ಮಾತುಳಾಂತಕ ಮಾರಮಣ ಹರೇ 2
ಪಾದ ಧ್ಯಾನ ಮಾಡುವರ ಸಂಗವಿತ್ತು
ಸಾನುರಾಗದಿ ಸಲಹೊ ಎನ್ನನು
ದೀನನಾದ ಗಜೇಂದ್ರನ ಬಹು
ಮಾನದಿಂದಲಿ ಕಾಯ್ದ ಪ್ರಭುವೆಂದು ಬಂದೇ 3