ಕರುಣದಿ ರಕ್ಷಿಸು ಎನ್ನನು ಪುಲಿ
ಗಿರಿಲೋಲ ನಂಬಿದೆ ನಿನ್ನನು ಪ
ಕರುಣದಿ ರಕ್ಷಿಸು ಚರಣಸೇವಕಭಯ
ಚರಣಯುಗಳದಿ ಶರಣು ಹೊಕ್ಕೆನು ಅ.ಪ
ಗತಿ ತಾಳ ಲಯ ಬಂಧ ತಿಳಿಯದ
ಶ್ರುತಿಗಳ ಮಹಿಮೆಯ ಕೇಳದ
ಶ್ರುತಿಗೋಚರ ನಿಮ್ಮ ಸ್ತುತಿಯ ಅನುಭವವಿತ್ತು
ಪತಿತಪಾವನ ಪುಲಿಗಿರೀಶನೆ ಪತಿತನುದ್ಧರಿಪಂತೆ
ಗತಿವಿಹೀನಗೆ ಪಥವ ತೋರಿಸಿ ಸದ್ಗತಿಯ ಪಾಲಿಸುವಂತೆ
ಪತಿತನೆನ್ನನು ಭವಜಲಧಿ ಮಧ್ಯದಿ 1
ಗುರುದ್ರೋಣ ಕೃಪರ ಮುಂದಡೆಯಲ್ಲಿ
ದುರುಳ ದುಶ್ಯಾಸನನ ಕೈಯಲ್ಲಿ
ಪರಮಾತ್ಮ ಪರಿಪೂರ್ಣ ಕರುಣಾಳು ನಿನ್ನನೇ
ಮರೆಹೊಕ್ಕೆ ಪೊರೆಯೆಂದು ಮೊರೆಯಿಡಲಾಕ್ಷಣ
ಶರಣಜನ ಸಂಸಾರ ಶ್ರೀಹರಿ 2
ನರಳಿ ಸಾವಿರವರುಷ ಜಲದೊಳು
ಸ್ಮರಣೆ ಮಾಡುತ ದೃಢಮನದೊಳು
ಕರಿ ಮೊರೆಯಿಡಲಾ
ಕರುಣದಿಂ ಮೊರೆ ಕೇಳಿ ಗರುಡನ ಪೆಗಲೇರಿ ಸಾರಿ
ಕರಿಯಪೊರೆದಾ ವರದವಿಠಲ 3