ಕೊಡಲಾಗದಿದ್ದರೆ ನುಡಿಯುವರೇನಣ್ಣ
ಕಡೆಯಿಂದ ಬಾರೆಂದು ಜಡಿದಿಂದು ಪ.
ದುಡುಕಿದೆವೆನ್ನುತ ಮಿಡುಕದಿರಣ್ಣಯ್ಯ
ಕಡುಮುದದಿಂದಾವು ನಡೆದೇವು
ಕೋಲೇಕೋಲೆ ಮುತ್ತಿನ ಕೋಲೆ ಅ.ಪ
ಗುಣಯುತರೆನಿಸುವ ಹಿರಿಯ ವಂದಿಸ
ಲೆನಂತಲೈ ತಂದೆವು ಮಣಿದೆವು
ಹಣಗಾರರರೆಂದಲ್ಲಿ ಮಣಿಯಲು ಬರಲಿಲ್ಲ
ಹಣದಾಸೆ ನಮಗಿಲ್ಲ ಕೇಳೀಸೊಲ್ಲ ||ಕೋಲೇ|| 1
ಅಣ್ಣಯ್ಯ ನಿಮಗೀ ಘನತೆಯು ಸಲ್ವುದು
ಗಣ್ಯರಾದಿರಿ ನೀವು ಜಗದೊಳು
ಪುಣ್ಯವಂತೆಯು ನಿಮ್ಮ ಪಡೆದಾಮಾತೆಯು
ಧನ್ಯರಾದಿರಿ ನಿಮ್ಮೀಗುಣದಿಂದ ಕೋಲೆ 2
ದೋಷರಹಿತ ಶ್ರೀಶೇಷಗಿರೀಶನಾ
ಕೇಶವನೊಲವೊಂದೆಮಗಿರಲಿ
ಭಾಷೆಯ ಕೊಡುವೆವು ದೇಶಸೇವಕರಾವು
ಲೇಸಾಗಲಿಳೆಗೆಂದು ಮನದಂದು ||ಕೋಲೆ||3

ಭಜಿಸಿ ಬದುಕೆಲೋ ಮಾನವ
ಶ್ರೀಹರಿನಾಮ ತಾರಕಮಂತ್ರವ ಪ.
ದುರಿತಕೋಟಿಗಳಂ ಪರಿಹರಿಸಿ ನಿಜಪದ
ಸರಸೀರುಹದೊಳಗಿರಿಸಿ ಪೊರೆವನ 1
ದುರ್ಜನ ನಿಂದೆಗೆ ಲಜ್ಜಿತನಾಗದೆ
ದುರ್ಜನ ದಮನನ ಧ್ಯಾನದೇ ನೀಂ 2
ಪೊಗಳಲು ಹಿಗ್ಗದೆ ತೆಗಳಲು ತಗ್ಗದೆ
ಬಗೆಕುಂದದೆ ಸಮ್ಮೋದದೇ ನೀಂ 3
ಅಷ್ಟಮದಂಗಳ ಕಟ್ಟುತೆ ದೃಢದಿ
ದೃಷ್ಟಿನಿಲ್ಲಿಸಿ ನಿಷ್ಠೆಯೋಳ್ ನೀಂ4
ದೋಷರಹಿತ ಶ್ರೀಶೇಷಗಿರೀಶನ
ದಾಸರವಾಸನೆನ್ನಿಸಿ ಸಂತತಂ 5