ಕಣ್ಮುಟ್ಟ ನೋಡಿರಯ್ಯಾ ಈ ಜಗದಲ್ಲಿ
ಮನ್ಮಥ ಪಿತÀ ರಂಗನ ಪ
ಶಂಖ ಚಕ್ರಗಳನ್ನು ಕೈಯೊಳಿರಿಸಿಕೊಂಡು
ಬಿಂಕÀದಿ ಮೆರೆವ ಗೋವಳರಾಯ ಹರಿಯ
ಪಂಕಜ ಲೋಚನ ಪರಮ ಪುರುಷ ನಿಃ
ಶಂಕದಿ ಭಕ್ತರ ಪೊರೆವ ಮಾಧವನ 1
ಮಂದರಧರ ಮಧುಸೂದನಾಚ್ಯುತನ
ಕಂದನ ಸಲಹಿದ ನರಸಿಂಹ ಹರಿಯ
ನಂದಗೋಕುಲದಲ್ಲಿ ಮೆರೆದ ಶ್ರೀಲೋಲನ
ಅಂದದಿ ದಾಸರ ಪೊರೆವ ಶ್ರೀಧರನ 2
ಪೂರ್ವದಿ ಶರಣರ ಪೊರೆದ ಶ್ರೀ ಕೃಷ್ಣನ
ಗರ್ವರಹಿತನಾಗಿ ಬೆಳಗುವ ಹರಿಯ
ಸರ್ವೇಶ ತಾನಿದ್ದು ಭಜಕರ ಸಲಹಲು
ದೂರ್ವಾಪುರದಿ ನಿತ್ತ ಚನ್ನಕೇಶವನ 3