ಪಿಡಿ ಎನ್ನ ಕೈಯ್ಯ ರಂಗಯ್ಯ ಪ
ಪಿಡಿ ಎನ್ನ ಕೈಯ ಪಾಲ್ಗಡಲ ಶಯನ ಮೋಹ
ಮಡುವಿನೋಳ್ ಬಿದ್ದು ಬಾಯ್ಬಿಡುವೆ ಬೇಗದಿ ಅ
ನೀರಜನಾಭಾ ನಂಬಿದೆ ನಿನ್ನ ನೀರಪ್ರದಾಭಾ
ಕಾರುÀಣ್ಯ ನಿಧಿ ಲಕ್ಷ್ಮೀನಾರಸಿಂಹನ ಪರಿ
ವಾರಸಹಿತ ಈ ಶರೀರದೊಳಡಗಿರ್ದು
ಘೋರತರ ಸಂಸಾರ ಪಂಕದಿ
ಚಾರು ವರಿವನ ದೂರ ನೋಡುವ
ರೇ ರಮಾಪತೆ ಗಾರುಮಾಡದೆ
ಚಾರುವಿಮಲ ಕರಾರವಿಂದದಿ 1
ಅನಿಮಿತ್ತ ಬಂಧೋ ನೀನೇ ಗತಿ ಗುಣ ಗಣಸಿಂಧೋ
ವಿಧಿ ಭವಸಂಕ್ರಂ
ದನ ಮುಖ್ಯ ವೇದ ಸನ್ಮುನಿ ಗಣಾರ್ಚಿತ ಪಾದಾ
ಅನುಜ ತನುಜಾಪ್ತಾನುಗ ಜನನೀ
ಸದನ ಸಂ
ಹನÀನ ಮೊದಲಾದಿನಿತು ಸಾಕುವ
ಘನತೆ ನಿನ್ನದು ಜನುಮ ಜನುಮದಿ 2
ಶ್ರೀ ಜಗನ್ನಾಥವಿಠ್ಠಲ ದ್ವಿಜರಾಜ ವರೂಥ
ಓಜಕಾಮಿಕ ಕಲ್ಪ ಭೂಜ ಭಾಸ್ಕರ ಕೋಟಿ
ತೇಜ ಮನ್ಮನದಿ ವಿರಾಜಿಸು ಪ್ರತಿದಿನ
ಈ ಜಗತ್ರಯ ಭಂಜನನೆ ಬಹು
ಸೋಜಿಗವಲಾ ನೈಜ ನಿಜನಿ
ವ್ರ್ಯಾಜದಿಂದಲಿ ನೀ ಜಯಪ್ರದ
ನೈಜ ಜನರಿಗೆ ಹೇ ಜಗತ್ಪತೇ 3