(5) ದೇವರಹೊಸಹಳ್ಳಿ ಆಂಜನೇಯ (ಕೆಂಗಲ್ಲು ಸಮೀಪ)
ಪರಿಪಾಹಿ ಸಂಜೀವರಾಯ ಜೀಯ
ಕರವ ಮುಗಿವೆ ವಜ್ರಕಾಯ ಪ
ವರ ಜಾಜಿ ಕೇಶವ ಪ್ರೇಮ
ಧಾಮ ಅ.ಪ
ರಾಮಾವತಾರದಿ ಹರಿಗೇ ನೀನು
ನೇಮ ಸೇವಕನಾದೆ ಭರದೇ
ಆ ಮಹೀಜಾತೆಗೆ ಮುದ್ರೆ
ಸ್ವಾಮಿ ಪೇಳ್ದಂತೆ ನೀನು ಯಿತ್ತೆ 1
ಅಂಜನದೇವಿಕುಮಾರ ಶ್ರೀಮ
ದಾಂಜನೇಯ ಗಂಭೀರ
ಸಂಜೀವನಾದ್ರಿಯ ತಂದೆ ಪ್ರ
ಭಂಜನ ಸೌಮಿತ್ರಿಗಂದೇ 2
ರಾಮನಾಮ ಧ್ಯಾನನಿರತ ಸುಖ
ಶ್ಯಾಮನ ಕ್ಷೇಮ ಸುವಾರ್ತ
ವ್ಯೋಮದಿ ಭಕುತಗೆ ಪೇಳ್ದೆ ಸುಪಿ
ತಾಮಹ ಪದವಿಯ ಪಡೆದೆ 3
ವ್ಯಾಸಯತೀಂದ್ರ ಕರಪೂಜ್ಯಾ ನಿತ್ಯ
ದಾಸರಪೊರೆವ ಸಾಮ್ರಾಜ್ಯ
ದೋಷ ಶೋಷಣ ಪ್ರಭಾವ ಗುಣ
ಭೂಷಣ ಸಜ್ಜನ ಜೀವ 4
ಭೂತ ಪ್ರೇತ ಬ್ರಹ್ಮ ಪಿಶಾಚಂಗ
ಳಾತುರದಿಂ ಬಾಧಿತರು
ಖ್ಯಾತಿಯ ಮಾರುತಿ ನಾಮಾಮೃತವ
ಪ್ರೀತಿಯಿಂ ಸವಿವರೋ ಭೀಮಾ 4
ಹಿಂದಣ ಜನ್ಮದ ಪಾಪದಿಂದ
ನೊಂದರು ಪ್ರಾರ್ಥಿಸಿ ತಂದೆ
ಭಾವದುರಿತಂಗಳನಂದು ನಿ
ರ್ಬಂಧಿಸಿ ಕಳೆಯುವೆ ಬಂಧು 5

ಮೂರ್ತಿಧ್ಯಾನ
ಕಮಲಜ ಹೃತ್ಸರೋವರ ಕಂಜವೆಂಸಾ
ಮನುಜ ಹೃದ್ವ್ಯೋಮದಿ ಮಿಂಚಿನಂತೆಸೆವಾ
ಧ್ವಜವಜ್ರ ಪದುಮ ಪತಾಕಾಂಕುಶ ವಹ
ನಿಜಕಾಂತಿಯಲರುಣಾಬ್ಜದಂತೆಸೆವಾ
ಪದತಳದ ಮೇಲೆ ಥಳಥಳಿಸುತಲಿಹ
ಪದುಮಭವಾಂಡ ಭೇದನದಕ್ಷವೆನಿಸುವಾ
ಸುರವಾಹಿನಿಗೆ ತೌರುಮನೆ ತಾನಹ
ದುರುಳ ಶಕಟತನುಚೂರ್ಣೀಕೃತವಹ
ಪಾರ್ಥಶರೀರ ರಕ್ಷಣಕರ್ತೃತಾನಹ
ಪಾತಕ ಪರಿಹರವಹ
ಉಂಗುಟದಿಂ ಭುವನಗಳತಿಗಳ
ಹಿಂಗಿಪ ನಖಪಂಕ್ತಿಗಳ ಕಿರಣಗಳಾ
ವೀರಮುದ್ರಿಕೆಯ ಮಂಟಿಕೆಯಕಾಂತಿಗಳಾ
ವೋರಂತೆ ಪೆರ್ಚಿಹ ಪಾದಾಂಗುಲಿಗಳಾ
ತೊಳಪ ಕಡೆಯ ಪೆಂಡೆಯದ ತೊಡವು
ಗಳ ವೈಕುಂಠಗಿರಿ ವೇಂಕಟೇಶ ನಿನ್ನಾ |
ಚರಣಸೇವೆಯನೇ ಕರುಣಿಸಯ್ಯಾ