ನಿತ್ಯ ಶುಭ ಮಂಗಲಂ
ಮಂಗಲಂ ಮಾರುತಿಯ ಪೆಗಲೇರಿ ಬರುವನಿಗೆ ಪ.
ಮಂಗಲಂ ಮಾರೀಚ ವೈರಿಹರಿಗೆ
ಮಂಗಲಂ ಸೀರಜಾ ಮುಖಪದ್ಮ ಭೃಂಗನಿಗೆ
ಮಂಗಲಂ ವೀರ ರಾಘವ ದೇವಗೆ ಅ.ಪ.
ರಾವಣಾದಿಗಳಿಂದ ಲಾಹವದಿ ಬಹು ನೊಂದ
ದೇವತೆಗಳನು ಬೇಗ ಕಾವೆನೆಂದು
ತಾ ಒಲಿದು ಕೌಸಲ್ಯದೇವಿ ಗರ್ಭದಿ ಬಂದು
ಸಾವಧಾನದಿ ಸಕಲ ಸಜ್ಜನರ ಸಲಹಿದಗೆ 1
ಮಂದಮತಿಗಳೊಳಧಿಕ ತುಂಡಿಲನು ಮಾತ್ಸರ್ಯ
ದಿಂದ ಮಾಡಿರುವ ಪ್ರತಿ ಬಂಧಕವನು
ಇಂದಿಲ್ಲಿ ಬರಲು ಸಮಂಧಗೈಸದೆ ದಾಸ
ನೆಂದೆನ್ನ ಮೇಲೆ ದಯದಿಂದಲೊಲಿದವಗೆ 2
ಇಂಗಿತಾಭೀಷ್ಟದ ಕುರಂಗ ಮರ್ದನ ರಾಮ
ಶೃಂಗರಿಸಿ ಸರ್ವಪರಿವಾರ ಸಹಿತಾ
ಮಂಗಲಾರತಿ ಕೊಂಡು ಮಂಗಳವ ಬೆಳೆಸುವ ಭು
ಜಂಗ ರಾಜೇಂದ್ರ ಗಿರಿಶೃಂಗನಾಥನಿಗೆ 3

ಮಂಗಳಂ ದಯಾನಿಧೆ ಮಂಗಳಂ ಗುಣನಿಧೆ ಪ
ಶ್ರೀ ರಂಜಿತಾಂಗನೆ ಪಾರಂಗ ತಾಖಿಲ ಸುರೇಂದ್ರ ಸುನ್ನುತನೆ 1
ನಿಖಿಲಸುರದಾಮ ಸುಗುಣನೆ2
ನಿರಂಜನ ನಿರ್ಜಿತ ಸುರವೈರಿಹರೆ 3
ಧೇನುಪುರಾಧಿಪ ಸೂನಾಸ್ಯವಂದಿತ ಗಾನವಿನೋದ ಶ್ರೀಹರಿಯೆ 4

ಶರಣು ಶ್ರೀ ವೈಕುಂಠನಾಮಕ ಶರಣು ಶ್ರೀ ಪುರುಷೋತ್ತಮ
ಶರಣೂ ಶ್ರೀಧರ ಗರುಡವಾಹನ ಶರಣು ವೇಂಕಟನಾಯಕ ಪ
ಮಾಧವ ಪದುಮಯನಾಭ ಜನಾದರ್Àನ
ಧರಣಿಧರ ಕರಿವರದ ವಾಮನ ವೈರಿಹರ ಬಲಿಭಂಜನ 1
ಅಚ್ಯುತ ಶೈಲಧರ ನಾರಾಯಣ 2
ನಿಖಿಳ ಸುರಗಣ ಸೇವಿತ
ವಿರಿಂಚಿ ಸನ್ನುತ ವಿಜಯವಿಠ್ಠಲ ನಮೋ ನಮೋ3

ಸರಸಿಜನಾಭ ಶ್ರೀಹರಿಪಾದಕಾರತಿಯ ಬೆಳಗಿರೆ ಪ
ವಸುದೇವ ಸುತನೆಂದೆನಿಸಿ
ಅಸುರೆ ಪೂತನಿಯ ಸಂಹರಿಸಿ ಆನಂದ ಸುರಿಸಿ
ಕಾಳಿಮಡುವ ಧುಮುಕಿ ಫಣಿಯ
ಮೇಲೆ ನಾಟ್ಯವನಾಡಿದವಗೆ
ಸನಕಾದಿ ನಾರದ ಮುನಿವಂದ್ಯಗೆ
ಸುರ ರಮಣಿಯರು ಹರುಷದಿ 1
ಮಧುರೇಲಿ ಜನಿಸಿದವಗೆ
ಮಾವಕಂಸನ ತರಿದವಗೆ ಮಧುವೈರಿಹರಿಗೆ
ಮುರಳಿನಾದಗೈದು ಸ್ತ್ರೀಯರ
ಮರುಳುಗೊಳಿಸಿ ಆಡಿದವಗೆ
ಮುರವೈರಿ ಹರಿ ಮುಚುಕುಂದ
ವರದನ ಪಾಡುತಲಿ ಮುದದಲಿ2
ಗೋಪಾಲರೊಡಗೂಡುತಲಿ
ಗೋವರ್ಧನವೆತ್ತಿದವಗೆ ಗೋವಿಂದ ಹರಿಗೆ
ಗೋಪಿಯರ ಮನೆಯ ಪೊಕ್ಕು
ಬೇಕೆನ್ನುತ ಪಾಲ್ಬೆಣ್ಣೆ ಸವಿದ
ಶ್ರೀಕಾಂತ ಕಮಲನಾಭ ವಿಠ್ಠಲನಿಗೆಸುದತಿಯರು ತ್ವರಿತದಿ 3