ತಾನೆ ದೊರೆವುದೇನೋ ಸುಖ
ನಾನಾಜನ್ಮದ ಪುಣ್ಯವಿಲ್ಲದೆ ಪ
ಮೃಷ್ಟಾನ್ನವುಂಡು ಮೆರೆವುದೀಗ
ಕೊಟ್ಟು ಅನ್ನ ಹುಟ್ಟಿದವಗಿಲ್ಲದೆ
ಇಟ್ಟುತೊಟ್ಟು ಶೃಂಗಾರದಿಂದ
ಸೃಷ್ಟಿಯಿಂದ್ವಸ್ತ್ರ ವಡವೆಗಳು
ಕೊಟ್ಟು ಹುಟ್ಟಿದ ಪುಣ್ಯರಿಗಲ್ಲದೆ 1
ಕೋಮಲಯುವತಿ ದೊರೆವುದೀಗ
ಭೂಮಿಯೋಳ್ಕನ್ಯಾದಾನಿಗಲ್ಲದೆ
ಭೂಮಿಸೀಮೆಗಳಿಸಿ ಬಲು
ಕ್ಷೇಮದಿಂದ ಬಾಳ್ವುದೀಗ
ಭೂಮಿಸೀಮೆ ದಾನಗೈದ
ಆ ಮಹಾಪುಣ್ಯವಂತರಿಗಲ್ಲದೆ 2
ನಿಖಿಲಸುಖದಿ ಮೆರೆವುದೀಗ
ಭಕುತಜನರಪ್ಪ ತೃಪ್ತರಿಗಲ್ಲದೆ
ಅಖಿಲಪದಕೆ ಅಧಿಕವೆನಿಪ
ಮುಕುತಿಪದವಿ ಪಡೆವುದಮಿತ
ಮುಕುತಿದಾಯಕ ಶ್ರೀರಾಮಪಾದ
ಭಕುತಾನುಭಕುತರಿಗಲ್ಲದೆ 3

ತಿರುಪೆಗಾರರಯ್ಯಾ ನಾವು
ತಿಳಿದುಕೊಳ್ಳಿರೀ ಜೀಯಾ ನೀವು ಪ
ತಿರುಪೆಗಾರರನು ತಿರಸ್ಕರಿಸದಿರಿ
ತಿರುಪಿಲ್ಲದಿದ್ದರೆ ತೀರಹುದು ಅ.ಪ
ತಿರುಪಿಲ್ಲವೇ ಧಗಡಿ
ತಿರುಪು ವಡವೆಗಳು | ತಿರುಪುಹೂಜಿಗಳು
ತಿರುಪು ಭರಣಿಗಳು | ತಿರುಪು ರಕ್ಷಣಿಯು 1
ವಾಲೆ ಏನಾಯಿತು
ಅರಿತು ನೋಡದೇ ಮೂರ್ಖರಾಗದಿರೀ 2
ಗೊಣಗಬೇಡಿರಿ ನೀವೂ
ಹಣವು ನಿಮಗು ನಮಗುಂಟು ವಿಚಾರಿಸೆ
ಹಣವಿಲ್ಲದ ನರ ಹೆಣಕಿಂತ ಕಡಿಮೆ 3
ರಾಶಿಯೊಳೊಂದು ಹಿಡಿ | ತೆಗೆಯಲು
ಹ್ರಾಸವೇನೋ ನೋಡಿ
ಮೋಸವೆ ಬರುವುದು ಓಸುಜನರೇ ಕೇಳಿ 4
ನಿಮ್ಮ ದೊರೆಗಾಳು ನಮ್ಮ ಗುರುವಲ್ಲವೇ
ನಿಮಗೆ ನಾವಾಳಾದರೂ ದಯೆಯಿಲ್ಲವೇ 5
ಧೀರನು ಬಹುಬಲ್ಲ
ಭೋಗದಿಂದಲೆ ರೋಗ ಬರುವುದು
ತ್ಯಾಗದಿಂದಲೆ ಯೋಗ ಒದಗುವುದು6
ಸತಿಗೆ ಒಡವೆಯಿಟ್ಟು | ಕಳೆಯಲು
ಹಿತವೇ ನಿಮಗಷ್ಟು
ಅತಿಶಯ ಭೋಗಗಳಪೇಕ್ಷಿಸುವಿರೈ 7
ಮರವೆಯೆ ಅತಿ ಕಷ್ಟ
ಮರವೆಯೆ ದುಃಖವು ಮರವೆಯೆ ನರಕವು
ಹರಿ ಕೃಪೆಪಡೆದು ಅರಿವು ಸಂಪಾದಿಸಿ 8
ತಿರುಕನು ಈಶ್ವರನೂ | ಇಂದ್ರಗಾಗಿ
ತಿರುಪುಹಾಕಿರುವ ತ್ರಿಲೋಕಗಳಿಗೂ9