(ಸಂತತಿ ಪ್ರಯುಕ್ತ ಪ್ರಾರ್ಥನೆ)
ಪರಮ ಪಾವನ ರೂಪ ಪಾಲಿಸು ಕುಲದೀಪ
ಪರಿಹರಿಸಖಿಳತಾಪ
ದುರಿತರಾಶಿಗಳೆಲ್ಲ ತರಿದು ತ್ವತ್ಪದ ಸೇವಾ-
ದರವಿತ್ತು ಸಲಹುವ ಕರುಣಿ ವೆಂಕಟಭೂಪ ಪ.
ಮಾತಾ ಪಿತರು ನೀನೆ ಮಹದೇವಿಯರಸನೆ
ಪಾತಕ ಪರಿಹಾರನೆ
ಭೂತ ಭಾವನ ಭುವನೈಕಾಧಿಪತಿ ಜಗ-
ನ್ನಾಥದಾಸರು ತೋರ್ದ ರೀತಿಯ ತಿಳಿಸುವೆ 1
ನಿನ್ನ ಪಾದಾಂಬುಜ ಸೇರಿದ ದಾಸರ
ಇನ್ನು ನೀ ಬಿಡಲಾರದೆ
ಉನ್ನತ ಸುಖಗಳ ತನ್ನಂತೆ ಪಾಲಿಪ
ಘನತೆ ತೋರ್ಪ ಪ್ರಸನ್ನ ವರದರಾಜ 2
ಮಾಧವ ಮನೆ ಮೊದಲಾದುದೆಲ್ಲವು ನಿನ್ನ
ಪಾದಕರ್ಪಿಸಿದೆನಿಂದು
ನೀ ದಯಾಂಬುಧಿಶೇಷ ಭೂಧರಪತಿ ಮಂಗ
ಳೋದಯಕರ ಸಂಪದಾದಿ ಪೂರಣಗೈವ 3