ಸಾರ್ಥಕಾಗುವುದು ರವಿಮಾರ್ಗ ಅ
ನರ್ಥ ಊಹಿಸುವುದು ಶಶಿಮಾರ್ಗ ಪ
ತೀರ್ಥಪಾದನಾಧೀನವಿದೆನ್ನದೆ
ಕರ್ತನಾವೆನುತ ಕೆಲರು ಕೆಡುತಿಹರು ಅ.ಪ
ದೇವರುಪೂಜೆಯ ಮಾಡುವರ ಸ-
ದ್ಭಾವ ಭಕುತಿಯಿಂದ ಪೂಜೆಪುದು
ನೋವಿದು ಪೂಜೆಗೆ ಕೂಲಿ ಎಂದು ದುರ್
ಭಾವದಿಂದ ದುಷ್ಟರು ತಾವ್ ಕೆಡುವರು 1
ಮೇಲಾಸಕ್ತಿಯು ಸಜ್ಜನಕೆ ಶ್ರೀ-
ಲೋಲನುಭಯರೊಳಗೆ ನಿಂತು ತ-
ತ್ಕಾಲ ಪ್ರೇರಿಸಿ ಎರಡುಗತಿ ಕೊಡಿಸುವ 2
ಬದಲಿಗೆ ಬದಲೇ ಶಶಿಮಾರ್ಗ ಸ-
ಮ್ಮುದ ನಿಷ್ಕಾಮವು ರವಿಮಾರ್ಗ
ಪದುಮೆಯರಸ ಗುರುರಾಮವಿಠಲ ದ್ವಿ
ವಿಧರಿಗೆ ಮುಕ್ತಿಯು ಸಂಸಾರ ಕೊಡುವ 3