ಬಂದ ಶ್ರೀಹರಿ ದಯದಿಂದ ಆನಂದದಿಂದ ಪ
ಗಂದಿಯ ಪರಿಯಲಿ ಸಿಂಧುರ ವರದನು
ಎಂದೆಂದಿಗು ನಿಜ ಬಂಧುವೆಂದೆನಿಪ ಪೂ
ರ್ಣೆಂದುವದನ ಗೋವಿಂದ ಮುಕುಂದ ಅ.ಪ.
ಭಕ್ತರ ಅವರಸಕೆ ಸಿದ್ಧ | ಭಕುತಿಗೆ ತಾ ಬದ್ಧ
ಮತ್ತನ್ಯ ಸಾಧನಕೆ ಆಗಮಬಾಧ್ಯ | ಭಕ್ತರಿಗದು ವೇದ್ಯ
ಭಕ್ತರ ಪೊರೆಯಲು ಅತ್ಯಾದರದಲಿ
ಹತ್ತವತÁರವ ಎತ್ತಿದ ಶ್ರೀ ಪುರು
ಷೋತ್ತಮ ಜಗದುತ್ಪತ್ತಿ ಸ್ಥಿತಿ ನಿಲಯ
ಕರ್ತೃ ಕೃಪಾಕರ ಕರಿಗಿರೀಶನು 1

ವಾರಿಜನ ಹೃದಯೇಶ್ವರಿ ಸರ್ವವಿದ್ಯಕಾಧಾರಿ ಪ
ವಾಣಿವಿರಂಚಿ ರಾಣಿ ಪಂಕಜ
ಪಾಣಿ ಕಾಳಾಹಿವೇಣಿ ನಿನ್ನಯ
ವೀಣೆಯಿಂದಲಿ ವೇಣುಗಾನವ
ಮಾಣದೆ ಪಾಡುತ ಕುಣಿಕುಣಿಯುತ ಬಾರೆ 1
ಮಂದಯಾನೆ ಪೂರ್ಣೆಂದುವದನೆ
ಕುಂದುರಹಿತೆ ಬಂದು ರಕ್ಷಿಸೆ
ಮಂದಮತಿಯನಿಂದು ಬೇಗನೆ
ಕಂದ ನಾನೆಂದ ನೀ ಛಂದದಿ ಅರಿಯುತ 2
ಸಾರಸಾಕ್ಷಿ ಮಯೂರವಾಹನೆ
ಶಾರದಾಂಬೆ ಕಲಕೀರವಾಣಿಯೆ
ಸಾರಿ ಬೇಡುವೆ ತೋರು ಕರುಣದಿ
ಧೀರನಾ ಗಂಭೀರನಾ ರಂಗೇಶವಿಠಲನ 3