ನಿನ್ನ ಮನ ಬಂದಂತೆ ವಿಹರಿಸೊ ಸಿರಿಕೃಷ್ಣ
ಎನ್ನ ಸ್ವಾಮಿ ನೀ ಎಂದು ಮರುಳಾದೆನಲ್ಲದೆ ಪ
ಬೊಮ್ಮ ಮೊದಲು ಸುರೋತ್ತಮದ ಪಾದ
ಧುಮ್ಮಿನೊಳು ಮುಳುಗಿಹೆ ಎಮ್ಮಯ್ಯ ಕೇಳು 1
ಸರ್ವಜ್ಞನೆಂಬಿಯಾ ಉರ್ವಿಯ ಪತಿಗಳು
ಸರ್ವ ಜನಗಳಾ ಪೆÀೂರ್ವರೆ ಕಂಡೀಗ2
ಅಕ್ಷೀಣ ಶಕುತೆಂಬ ದಾಕ್ಷಿಣ್ಯವಿಲ್ಲದೆ
ಸುಕ್ಷೀಣ ಜನರನ್ನು ರಕ್ಷಿಪರಯ್ಯ 3
ಭಕುತ ವತ್ಸಲನೆಂಬೊ ಭಕುತಿಯು ಎನ್ನಲ್ಲೆ
ಯುಕುತವಾಗಿಹವು ವ್ಯಕತ ನಿನಗಲ್ಲವೆ 4
ಶರಣರ ದೊರೆಯೆಂದು ಕರುಣ ಮಾಡುವೆನೆಂಬ
ಸಿರಿ ವಾಸುದೇವವಿಠಲ ಕರುಣಿಸಾಲಸ್ಯವ್ಯಾಕೊ 5

ಮಧ್ವಮತವ ಪೊಂದಿ ಭಜಿಸಿರೊ | ಉದ್ಧಾರವಾಗಲು
ಮಧ್ವಮತವ ಪೊಂದಿ ಭಜಿಸಿರೊ ಪ
ಮಧ್ವಮತವ ಪೊಂದಿ ಭಜಿಸಿ
ಶುದ್ಧ ಜ್ಞಾನ ಭಕುತಿಗಳಿಸಿ
ಗೆದ್ದು ಈ ಭವಾಬ್ಧಿಯನ್ನು
ಪದ್ಮನಾಭನ ಪಾದವ ತೋರೆ ಅ.ಪ.
ನಾನೆ ವಾಸುದೇವನೆಂದು
ಹೀನ ಪೌಂಡ್ರಕನು ತಾನು
ಏನು ಗತಿಯ ಕಂಡನೆಂದು
ಜ್ಞಾನದಿಂದ ತಿಳಿದು ಮುನ್ನ 1
ಹರಿಯೆ ಸರ್ವೋತ್ತಮನು | ವಿಶ್ವ
ವಿರುವುದಯ್ಯ ಸತ್ಯವಾಗಿ
ತಾರತಮ್ಯ ಪಂಚಭೇದ
ಸ್ಥಿರವೆಂದು ಸಾರಿಪೇಳ್ವ 2
ಭಕುತಿಯಿಂದ ಸೇವಿಪ ಜನಕೆ
ಮುಕುತಿಯಲ್ಲಿ ನೈಜ ಸುಖವ
ಲಕುಮಿಕಾಂತನು ಪಾಲಿಪನೆಂದು
ಯುಕುತವಾಗಿ ಪ್ರಕಟಿಸಿದಂತ 3