ಮನ್ನಿಸೊ ಶ್ರೀ ವೆಂಕಟೇಶ ಮಂಜುಗುಣಿಪುರ ವಾಸ ಪ.
ಸನ್ನುತ ಸದ್ಗುಣಪೂರ್ಣ ಸುಪ್ರಸನ್ನ ಹಯವದನ ಅ.ಪ.
ದೇಶದೇಶದಿಂದ ಬಂದ ಜನರಿಗೆ ಮುದದಿಂದ
ಲೇಸಿನ ವರನನೀವೆ ನಿರುತ ಕಾವೆ
ಭಾಸುರ ಮೋಹನವೇಷ ಭಾನುಕೋಟಿಸುಪ್ರಕಾಶ
ಶ್ರೀಸತಿಯ ಪ್ರಾಣೇಶ ಶ್ರೀ ಶ್ರೀನಿವಾಸ 1
ವಾರಿಧಿಯೊಳಗಾಡಿದೆ ಗಿರಿಯ ಬೆ[ನ್ನ] ಲೆತ್ತಿದೆ
ಭಾರವಹ ಧರೆಯ ತಂದೆ ದೈತ್ಯನ ಕೊಂದೆ
ದುರುಳ ಬಲಿಯನು ಮೆಟ್ಟಿ ದೈತ್ಯನೃಪರನೆ ಕುಟ್ಟಿ
ತರುಣಿಗಭಯವನಿತ್ತೆ ತರುವ ಕಿತ್ತೆ 2
ಪುರದ ನಾರಿಯರನು ಪಂಥದಿ ಗೆಲಿದೆ ನೀನು
ವರ ಕಲ್ಕಿಯಾಗಿ ತುರಗವನೇರಿ ಮೆರೆದೆ
ವರದ ಪ್ರಸನ್ನ ಹಯವದನ ವೆಂಕಟರಾಯ
ಪೊರೆಯೊ ಎಂದೆಂದೂ ಎನ್ನ ಪುರುಷರನ್ನ 3

ದೇವಕಿನಂದ ಮುಕುಂದ ಪನಿಗಮೋದ್ಧಾರ -ನವನೀತ ಚೋರ |ಖಗಪತಿವಾಹನ ಜಗದೋದ್ಧಾರ1ಶಂಖ -ಚಕ್ರಧರ - ಶ್ರೀ ಗೋವಿಂದ |ಪಂಕಜಲೋಚನ ಪರಮಾನಂದ 2ಮಕರಕುಂಡಲಧರ - ಮೋಹನವೇಷ |ರುಕುಮಿಣಿವಲ್ಲಭ ಪಾಂಡುವಪೋಷ 3ಕಂಸಮರ್ದನ - ಕೌಸ್ತುಭಾಭರಣ |ಹಂಸ -ವಾಹನ ಪೂಜಿತಚರಣ 4ವರವೇಲಾಪುರ ಚೆನ್ನಪ್ರಸನ್ನ |ಪುರಂದರವಿಠಲ ಸಕಲಗುಣ ಪೂರ್ಣ 5