ಕಂಡು ಧನ್ಯಳಾದೆ ನಾನೀಗ | ಈ ದಿವ್ಯ ಪಾದ
ಕಂಡು ಧನ್ಯಳಾದೆ ನಾನೀಗ ಪ.
ಕಂಡು ಧನ್ಯಳಾದೆನೀಗ ತಂಡ ತಂಡದ ಪಾಪಗಳನು
ಪಾದ ಅ.ಪ.
ಭಕ್ತ ನುಡಿಗೆ ಮನದಿ ಮರುಗಿ
ಮುಕ್ತಿ ತೋರ್ವೆನೆಂದು ಬಂದು
ಶಕ್ತನಾದ ಹರಿಯ ತೋರಿ
ಪಾದ 1
ಕಮಲನಾಭನ ಭಜಿಪ ಪಾದ
ಕಮಲಾಪತಿಗೆ ಪ್ರೀತಿ ಪಾದ
ಕಮಲಪುಷ್ಪ ಹರಿಗೆ ಅರ್ಪಿಸಿ
ಪಾದ 2
ತಂದೆ ಮುದ್ದುಮೋಹನರೆಂ-
ತೆಂದು ಜಗದಿ ಮೆರೆವೊ ಪಾದ
ನಂದ ಕಂದನ ಮನದಿ ತೋರಿ
ಇಂದು ಆನಂದ ಕೊಡುವೊ3
ಪಾದೋದಕವÀ ಪಾನಮಾಡಿ
ಪಾದಪದ್ಮ ನಂಬಿ ನಮಿಸಿ
ಪಾದಕಮಲ ಸ್ತೋತ್ರಗೈವೆ 4
ಗೋಪಾಲಕೃಷ್ಣವಿಠ್ಠಲನ
ರೂಪ ಮನದಿ ತೋರ್ವ ಪಾದ
ಪಾಪಗಳನು ಧ್ವಂಸಗೈದು
ಪಾದ 5

ಗುರುರಾಜ | ನಮಿಪರ ಸುರಭೋಜ
ಗುರುರಾಜ ಪ.
ವರತಂದೆ ಮುದ್ದುಮೋಹನರೆಂದೆನಿಸುತ
ಮೆರೆಯುತ ಜಗದೊಳು ಪೊರೆಯುವ ಕರುಣಿ 1
ಅಜ್ಞತೆ ತೊಲಗಿಸಿ ಸುಜ್ಞತೆ ಕೊಡುತಲಿ
ವಿಘ್ನವ ತರಿಯುವ ಪ್ರಾಜ್ಞ ಮೂರುತಿಯೆ 2
ಸರಸಿಜಾಕ್ಷನ ಪದ ಹರುಷದಿ ಭಜಿಸುವ
ಪರಮಪ್ರಿಯರು ಎಂದು ಬಿರುದು ಪೊತ್ತಿಹರೆ 3
ನಾಗಶಯನನಿಗೆ ಭೋಗವಪಡಿಸುವ
ಆಗಮಜ್ಞರೆ ನಿಮಗೆ ಬಾಗುವೆ ಸತತ 4
ಸಾಸಿರ ಫಣೆಯಿಂದ ಸೂಸುವ ಕಾಂತಿಯೊಳ್
ವಾಸವ ವಿನುತ 5
ದೇವತಾಂಶದ ಗುರು ಪವಮಾನಿಗೆ ಪ್ರಿಯ
ಭಾವಿಸಿ ಭಜಿಪರ ಕಾವ ಕರುಣಾಳು 6
ಶಾಂತಚಿತ್ತದಿ ಬಹು ಸಂತೋಷಪಡುತಲಿ
ಅಂತರಂಗದಿ ಹರಿಯ ಚಿಂತಿಸುತಿರುವ 7
ಉದ್ಭವಿಸಿ ಜಗದಿ ಅಧ್ಭುತ ಮಹಿಮೆಯ
ಒಬ್ಬೊಬ್ಬರಿಗೆ ತೋರಿ ಹಬ್ಬಿಪೆ ಹರುಷ 8
ಸೃಷ್ಟೀಶ ಗೋಪಾಲಕೃಷ್ಣವಿಠ್ಠಲನನು
ದೃಷ್ಟಿಗೆ ತೋರಿಸಿ ಕಷ್ಟ ಬಿಡಿಸಿರಿ 9

ದಾಸರಾಗಿರಿ ದಾಸರಾಗಿರಿ ದಾಸರಾಗಿರಿ ಬೇಗನೆ ಪ.
ದಾಸರಾಯರ ಪದವ ನಂಬಿ
ವಾಸುದೇವಗೆ ಬೇಗನೆ ಅ.ಪ
ದುಷ್ಟಮನ ಕಲ್ಮಷವ ಕಳದು
ಸೃಷ್ಟಿಕರ್ತನ ಭಜನೆ ಮಾಡುತ
ಕಷ್ಟಗಳನೀಡಾಡಿರಿ 1
ತಂದೆ ಮುದ್ದುಮೋಹನರೆಂ-
ತೆಂದು ಮೆರೆಯುವ ಗುರುಗಳ
ದ್ವಂದ್ವ ಪಾದವ ಭಜಿಸಿ ಈ ಭವ
ಬಂಧನವನೀಗಾಡುತ 2
ಜನನ ಮರಣ ನೀಗುವುದಕೆ
ಕೊನೆಯ ಮಾರ್ಗವು ದಾಸತ್ವ
ಘನಮನದಿ ಸ್ವೀಕಾರ ಮಾಡಿ
ವನಜ ನಯನನ ಪಾಡಿರಿ 3
ಅಂಕಿತವ ಸ್ವೀಕಾರ ಮಾಡಿರಿ
ಶಂಕಿಸದೆ ಶ್ರೀಗುರುಗಳಿಂ
ಶಂಖ ಚಕ್ರಾಂಕಿತನ ಗುಣಮನ
ಪಂಕಜದೊಳು ಸ್ಮರಿಸಿರಿ 4
ಆದಿಯಿಂದಲಿ ಇಹುದು ಜೀವಗೆ
ಶ್ರೀಧರನ ದಾಸತ್ವವು
ಈ ಧರ್ಮ ತಿಳಿಯದಲೆ ಗರ್ವದಿ
ಹಾದಿ ತಪ್ಪಲಿ ಬೇಡಿರಿ 5
ಜಗದೊಡೆಯ ಶ್ರೀ ಹರಿಯು ಸರ್ವದ
ನಿಗಮಗಳಿಗಾಧಾರನು
ಬಗೆಬಗೆಯ ಜೀವರೊಳಗಿರುತಲಿ
ಸುಗುಣವಂತರ ಪೊರೆವನು 6
ಈ ಪರಿಯ ದಾಸತ್ವ ಹೊಂದಿ ನಿ
ರ್ಲೇಪರಾಗಿರಿ ಕರ್ಮದಿಂ
ಗೋಪಾಲಕೃಷ್ಣವಿಠ್ಠಲನು
ರೂಪ ತೋರ್ವನು ಹೃದಯದಿ 7

ಮಂಗಳಂ ಶ್ರೀ ಗುರುವರ್ಯರಿಗೆ | ಮಂಗಳಾಂಗರಿಗೆ
ಮಂಗಳಂ ಶ್ರೀ ಗುರುವರ್ಯರಿಗೆ ಪ.
ರಂಗನಾಥನ ಪದ ಸರೋಜಕೆ
ಭೃಂಗರೆನಿಸಿ ಮೆರೆಯುವರಿಗೆ ಅ.ಪ.
ತಂದೆ ಮುದ್ದುಮೋಹನರೆಂ
ತೆಂದು ಮೆರೆಯುತ
ಮಂದಮತಿಯ ಬಿಡಿಸಿ ಎನ್ನ
ತಂದೆಯಂತೆ ಪೊರೆಯುವರಿಗೆ 1
ನಾಗಶಯನ ಹರಿಯ ಭಜಿಪ
ಭೋಗಿವರರಿಗೆ
ಭಾಗವತರ ಸಂಘದೊಳಗೆ
ಯೋಗಿಯಾಗಿ ಚರಿಸುವರಿಗೆ 2
ಪರಮಪ್ರಿಯರಾಗಿ ಹರಿಗೆ
ಪರಮಪ್ರಿಯರೆಂದು
ಕರೆಸಿಕೊಳುತ ನರಹರಿಯ
ಚರಣ ಮನದಿ ಸ್ಮರಿಸುವರಿಗೆ 3
ಕರ್ಮಗಳನೆ ಕಡಿದು ಜ್ಞಾನ
ಧರ್ಮಮಾರ್ಗದಿ
ಧರ್ಮತತ್ವ ಬೋಧಿಸಿ ಅ-
ಧರ್ಮಗಳನೆ ಬಿಡಿಸುವರಿಗೆ4
ಗೋಪಾಲಕೃಷ್ಣವಿಠ್ಠಲನ
ರೂಪ ತೋರುತ
ಪಾಪಗಳನೆ ತರಿದು ಭವ
ಕೂಪದಿಂದ ಪೊರೆಯುವರಿಗೆ 5