ಮಂಗಳಂ ಶುಭಮಂಗಳಂ ಪ
ಅಂಜನೆ ಗರ್ಭದಿಂ ಬಂದವಗೆ
ಕಂಜಾಕ್ಷಿ ವಾರ್ತೆಯ ತಂದವಗೆ
ಸಂಜೀವನ ತಂದು ರಾಮನ
ರಂಜನೆಗೈದ ಮುಖ್ಯಪ್ರಾಣಗೆ 1
ಕುಂತಿಯ ಕಂದನೆಂದೆನಿಸಿದವಗೆ
ದಂತಿ ಸಾಸಿರ ಬಲವಂತನೆಗೆ
ಕಂತು ಪಿತನ ಮಂತ್ರಿಯೆನಿಸಿ ಕುರುಕುಲ
ಅಂತಕನಾದ ಭೀಮಸೇನಗೆ 2
ನಡುಮನೆ ವೇದವತಿ ವರಸುತಗೆ
ಉಡುದಾರ ಉಪವೀತ ತೊರೆದವಗೆ
ಸಿರಿ ರಂಗೇಶವಿಠಲನ
ಬಿಡದೆ ಪೂಜಿಪ ಮಧ್ವರಾಯಗೆ 3

ಶರಣು ಶರಣುಶರಣು ದಶರಥ ರಾಮದೂತಗೆ ಪ
ಶರಣು ಕುರುಕುಲಾಧೀಶಗೆಶರಣು ವೈಷ್ಣವ ಮತ ವಿಲಾಸಗೆಶರಣು ಮುಖ್ಯಪ್ರಾಣಗೆ ಅ
ವಾರಿಧಿಯನು ವೇಗದಿ ದಾಟಿ ವನವ ಕಿತ್ತಿದಾತಗೆಮೇರೆಯಿಲ್ಲದೆ ಅಸುರರ ಸಂಹರಿಸಿದ ರಣಶೂರಗೆವಾರಿಜಾಕ್ಷಿ ಸೀತಾದೇವಿಗೆ ವರದ ಮುದ್ರಿಕೆಯನಿತ್ತಗೆಧೀರತನದಲಿ ಅಕ್ಷಕುಮಾರನ ಪ್ರಾಣವನು ಕೊಂಡಗೆ 1
ರಾಜಸೂಯವ ರಚಿಸಬೇಕೆಂದು ರಾಜರ ಸೀಳಿದಾತಗೆರಾಜಮುಖಿಯಳ ರಕ್ಷಿಸಿ ಮೃಗರಾಜಗೆ ಒಲಿದಾತಗೆತ್ರಿಜಗವಂದಿತ ದೇವಗೆ ಸಜ್ಜನಪ್ರಿಯ ಎನಿಪಗೆರಾಜ ಧರ್ಮಗೆ ಅನುಜನಾದಗೆ ರಾಜಪೂಜಿತ ರಾಜಗೆ2
ಧಾರಿಣಿಯೊಳು ದುರ್ವಾದಿ ದೈತ್ಯರ ಗಂಟಲಗಾಣವಾದಗೆಮೂರೇಳು ಮತವನೆಲ್ಲ ಮುರಿದ ಧೀರ ಮಧ್ವರಾಯಗೆಸಾರ ತತ್ತ್ವಗಳನೆಲ್ಲ ಶೋಧಿಸಿ ಸೂರೆ ಮಾಡಿದಾತಗೆಊರ್ವಿಯೊಳು ವರ ದೇವತಾದಿಕೇಶವ ದೊರೆ ದಾಸಗೆ 3