ಅಪರಾಧವೆಣಿಸದಲೆ ಕಾಯಬೇಕು
ಕೃಪಣವತ್ಸಲನೆ ಶ್ರೀ ಮಧ್ವಮುನಿ ಗುರುರಾಯ ಪ
ನೀ ಮಾಡಿದುಪಕಾರ ನಾ ಮರೆವುದೆಂತೋ ಲ
ಕ್ಷ್ಮೀ ಮನೋಹರನ ನಿಜದಾಸಾಗ್ರಣೀ
ಪಾಮರನ ಲೋಕದೊಳು ಧೀಮಂತನೆನಿಸಿದೆ ಮ
ಹಾಮಹಿಮ ನಿನ್ನ ಕರುಣಾಮೃತದ ಮಳೆಗರೆದೂ 1
ಅವಿವೇಕಿ ನಾನು ನಿನ್ನವನೆಂದು ತಿಳಿದು ಎ
ನ್ನವಗುಣಗಳೆಣಿಸದೆ ನಿತ್ಯದಲ್ಲಿ
ಸುವಿವೇಕಿಯನೆ ಮಾಡು ಕವಿವರ್ಯ ತವ ಮನೋ
ತ್ಸವಕೆ ಎಣೆಗಾಣೆ ನಾನವನಿಯೊಳಗಾವಲ್ಲಿ 2
ಏನರಿಯದ ಮೂಢ ಮಾನವನು ನಾನು ಸು
ಜ್ಞಾನವರ್ಯನು ನೀನೆ ಕಾಯಬೇಕು
ಮಾನುತ ಜಗನ್ನಾಥ ವಿಠಲನ ಪದಯುಗಳ ಸ
ಧ್ಯಾನ ಮಾಡುವ ಧೀರಪ್ರಾಣ ಪಂಚಕರಾಯ 3

ಜಯ ಜಯ ಜಯ ಜಯ ಜಯ ವಿಷ್ಣುಪಾದ
ಜಯ ಶೇಷಗಿರಿಯಲ್ಲಿ ಮೆರೆವಂಥಾ ಪಾದ
ಜಯ ಭಕ್ತಕೋಟಿ ಜೀವರ ಸಲಹುವ ಪಾದ
ಸಿರಿ ಪಾದ 1
ಧ್ವಜ ವಜ್ರಾಂಕುಶ ಪದ್ಮ ಪಾದ
ನಿಜದಿ ಸಲಹುವ ಗಂಗಾಜನಕನ ಪಾದ
ಮದಗಜಗಮನನ ಪಾದ
ಪಾದ 2
ಪೀತಾಂಬರಧರನ ಪಾದ
ಪಾದ ಸೀತಾಪÀತೆ ದಿವ್ಯಹನುಮಾನುತ ಪಾದ
ಪಾದ 3
ಹಾರ ಪದಕವಿಟ್ಟ ಪಾದ
ತನ್ನ ನಾರಿ ಲಕುಮಿ ಸಹ ಮೆರೆವಂಥ ಪಾದ
ಪಾರುಗಾಣಿಪ ದಿವ್ಯ ನೋಟದ ಪಾದ
ಪಾದ ಭವವಾರುಧಿ ದಾಟಿಸುವ ದಿವ್ಯಪಾದ 4
ಮಕರ ಕುಂಡಲಧರನ ಪಾದ
ತನ್ನ ಸಖ ಪಾಂಡವರಿಗೆ ಒಲಿದಂಥ ಪಾದ
ಶಿಖೆಯೊಳು ಮಾಣಿಕ್ಯ ಕಿರೀಟನ ಪಾದ
ಪಾದ 5
ಪಾದ ಪಾದ
ಅಮೃತ ತಂದ ಪಾದ
ಅಚ್ಚ ಭೂಮಿಯ ತಂದ ಪಾದ
ಪಾದ 6
ಭೂಮಿಯನಳೆದಂಥ ಪಾದ
ಭೂವ್ಯೋಮ ತ್ರಿವಿಕ್ರಮ ವಾಮನ ಪಾದ
ಸ್ವಾಮಿ ಪರಶುಧರನ ಪಾದ
ಪಾದ 7
ಗೋಕುಲನಂದನ ಪಾದ
ಶ್ರೀಪತಿ ಬೌದ್ಧನ ಪಾದ
ಪರಿ ನೆನಯಲಿ ಶ್ರೀಪ ಕಲ್ಕಿ ಪಾದ
ಪಾದ 8
ಹತ್ತಾವತಾರ ಎತ್ತಿದ ಪಾದ
ಭಕ್ತರನೆಲ್ಲಾ ಸಲಹುವ ಪಾದ
ಮುಕ್ತಿದಾಯಕ ಕೃಷ್ಣನ ಪಾದ
ಪಾದ 9
ಮೂರು ಹೆಜ್ಜೆ ಭೂಮಿ ಬೇಡಿದ ಪಾದ
ತನ್ನ ಹಾರೈಸಿದ ಭಕ್ತರಿಗೋಸುಗ
ಊರಿ ವೆಂಕಟಗಿರಿಯೊಳ್
ಮೆರೆವಂಥಾ ಭಕ್ತ
ಪಾದ 10
ಪಾದ ಮಸ್ತಕದಿ ರಾರಾಜಿಸುವ ಕಿರೀಟನ ಪಾದ
ಕಸ್ತೂರಿ ರಂಗನ ಪಾದ
ಪಾದ 11

ರಮಾನುತ ಪಾದಪಲ್ಲವ ಶ್ರೀಕರ ಚರಣ
ಸೇವಕರ ಸಂಗದೊಳಿರಿಸು ವಿಜಯರಾಯ ಪ
ನಿಮ್ಹೊರತು ಪೊರೆವರನ್ಯರನು ನಾಕಾಣೆ
ನಿಮ್ಮ ಚರಣವ ನಂಬಿದೆ ಕರುಣದಿ ಕಾಯೊ ಅ.ಪ
ಪಂಡಿತ ಪಾಮರರನು ಉದ್ಧಾರ
ಮಾಡೆ ಕರುಣದಿಂದ ಸಕಲ ವೇದಗಳ
ಕ್ರೋಡೀಕೃತವಾದ ನಿರ್ಣಯ ಭಾಷ್ಯಗಳರ್ಥವ
ಮಾಡಿದಿ ಪದಗಳ ಸಕಲರೂ ತಿಳಿವಂದದಿ 1
ನಿನ್ನವರಾದ ರಂಗ ಒಲಿದ ರಾಯರ ನೋಡು
ನಿನ್ನ ಉಕ್ತಿಯ ನಂಬಿದ ವೆಂಕಟರಾಯರ ನೋಡು
ನಿನ್ನವನೆಂದೆನ್ನನು ಅವರಂತೆ ನೋಡದೆ
ಎನ್ನ ಕೈ ಸಡಿಲ ಬಿಡುವದೇನೋ 2
ಎಂದಿಗಾದರು ನಿನ್ನ ದಾಸರ ಕರುಣದಿಂದ
ಪಾದದ್ವಂದ್ವ ಹೊಂದದೆ ಹೋಗುವೆನೆ ದಾಸರಪ್ರಿಯನೆ
ತಂದೆ ವಿಜಯ ರಾಮಚಂದ್ರವಿಠಲರಾಯನ
ಹೊಂದುವ ಮಾರ್ಗವ ಬಂದು ತೋರಿಸಬೇಕೊ 3