ಕೋರಿ ಬಂದೆನೊ ನಾನು
ಪತಿ ನಿನ್ನ ಪ
ಘೋರ ಸಂಸಾರದಿಂದ
ಪಾರು ಮಾಡುವಿಯೆಂದು ಅ.ಪ.
ಸರ್ವ ಪ್ರಾಣಿಗಳಲ್ಲಿ
ಸರ್ವವಸ್ತುಗಳಲ್ಲಿ
ಸರ್ವೇಶ ಹರಿಯ ಕೂಡಿ
ಸರ್ವದಾ ಇರುವೆಯೆಂದು 1
ಅಂಜಾನೆ ಗರ್ಭದಿ
ಸಂಜಾನಿತ ನೀನಾಗಿ
ಕಂಜನಾಭನ ಮನ-
ರಂಜಾನೆ ಮಾಡಿದೆಯೆಂದು 2
ದಾನವಾಂತಕನಿಂದ ಸ-
ನ್ಮಾನಿತನಾದಂಥ
ದೀನರಕ್ಷಕ ಭೀಮ-
ಸೇನ ವಿಕ್ರಮನೆಂದು 3
ಹೀನಬುದ್ಧಿಯ ಬಿಡಿಸಿ
ದೀನ ಸುಜನರಿಗೆ
ಜ್ಞಾನ ಮಾರ್ಗವ ತೋರಿ-
ದಾನಂದತೀರ್ಥನೆಂದು 4
ಶ್ರೀ ರಂಗೇಶವಿಠಲಗೆ ಸಮ
ರ್ಯಾರಿಲ್ಲವೆಂತೆಂದು
ಈರೇಳು ಜಗದೊಳು
ಸಾರುತಿರುವೆಯೆಂದು 5

ಸರಸ್ವತಿ
ಬ್ರಹ್ಮನರಸಿ ವಾಣೀ ನಿನ್ನ ಸ್ಮರಿಸೆ ವೇದಮರ್ಮ ತಿಳಿಸಿ ಪರಬ್ರಹ್ಮನ ತೋರಿಸೆ ಪ
ಆನನ ತೂಗುತಶ್ರೀನಿವಾಸನ ಗುಣಗಾನ ಮಾಡುವಿಯೆ 1
ಮಣಿ ಭೂಷ ವೃಂದ ಶೋಭಿತ ಕರಇಂದುವದನೆ ಮಯೂರೇಂದ್ರ ವಾಹನಳೆ2
ಈಸು ಪುಸ್ತಕದೊಳು ವಾಸಮಾಡುತಇಂದಿರೇಶನ ಸೊಸೆ ಭಕ್ತರಾಶಿಗೆ ಪೊಳೆಯೆ 3