ನಿತ್ಯ ಶುಭಮಂಗಳಂ ಪ
ಜಗದೇಕ ವೀರನಿಗೆ ಜಗದುದರ ದೇವನಿಗೆ
ಜಗವ ಬಾಯೊಳು ತೋರ್ದ ಮಹಮಹಿಮಗೆ
ಜಗವ ಸೃಜಿಸಿದ ಹರಿಗೆ ಜಗವಪಾಲಿಪದೊರೆಗೆ
ಜಗವ ಸಂಹರಿಸುವಗೆ ಜಯ ಮಂಗಳಂ ಅ.ಪ
ವರಮುನಿಯ ತಾಡನದಿ ಹೊರಡೆ ಲಕ್ಷ್ಮಿಯು ಆಗ
ಗಿರಿಗಿಳಿದು ಬಂದು ಹುತ್ತದೊಳಗಿರಲು
ಪರಮೇಷ್ಠಿ ಅರಸಿಪಾಲ್ಗರಿಯೆ ಗೋಪಾಲಕನ
ವರಕುಠಾರದ ಪೆಟ್ಟಿಗಂಜಿ ನಟಿಸಿದವಗೆ 1
ಗಿರಿಗಿರಿಯ ಸಂಚರಿಸಿ ಅಡವಿಮೃಗ ಬೆನ್ನಟ್ಟಿ
ಪರಮಪದ್ಮಾವತಿಯ ಮನದಿ ಕಂಡು
ದುರುಳ ಮಾತುಗಳಾಡಿ ಶಿಲೆಯತಾಡಿತನಾಗಿ
ಕೊರವಂಜಿ ರೂಪದಿಂ ಕಣಿಯ ಹೇಳಿದಗೆ 2
ಆಕಾಶರಾಜನಿಗೆ ಅಳಿಯನೆನಸಿಕೊಂಡು
ಆಕೆ ಪದ್ಮಾವತಿಯ ಕೂಡಿದವ
ಬೇಕಾದ ವರಗಳನು ಕೊಡುತ ಭಕ್ತರ ಪೊರೆವಶ್ರೀಕಾಂತ ಕಮಲನಾಭವಿಠ್ಠಲಗೆ 3

ಮಂಗಳಂ ಜಯ ಸುಂದರ ಮೂರುತಿಗೆ
ಮಾ ಮನೋಹರನಿಗೆ ಪ
ಮಂಗಳ ಮಧುಸೂದನನಿಗೆ
ಮಂಗಳ ಮುರಮರ್ದನನಿಗೆ
ಮಂಗಳಾಂಗ ಶ್ರೀ ಮದನಂತ-
ರಂಗನಿಗೆ ಶುಭಾಂಗ ಹರಿಗೆ 1
ರಂತಿದೇವನನ್ನು ಪೊರೆದ
ಚಿಂತಿತಾರ್ಥ ಪ್ರದಾತನಿಗೆ
ಸಂತತವು ಭಕುತರನು
ಸಂತೋಷದಿ ಪೊರೆವ ಹರಿಗೆ2
ಪಾಂಡವರನು ಪೊರೆದÀಗೆ
ಪುಂಡರೀಕಗೆ ಒಲಿದಗೆ
ತಂಡತಂಡದ ಭಕ್ತರನ್ನು
ಕಂಡುಪೊರೆವ ಮಹಮಹಿಮಗೆ3
ನಾರಿ ರುಕ್ಮಿಣಿ ಭಾಮೆ ಸಹಿತದಿ
ದ್ವಾರಕಾಪುರ ವಾಸನಿಗೆ
ಸೌಳಸಾಸಿರ ಸತಿಯರಾಳ್ದ
ಸಾರಸಾಕ್ಷ ಹರಿಗೆ ಬೇಗ4
ಕಡಲೊಡೆಯಗೆ ಮೃಡಸಖನಿಗೆ
ಕಡುಹರುಷದಿ ಕಾಮಿನಿಯರು
ಸಡಗರದಲಿ ಕಮಲನಾಭ
ವಿಠ್ಠಲನಂಘ್ರಿ ಭಜಿಸಿನಲಿದು5