ಇದನೆ ಪಾಲಿಸೆನಗೆ ದೇವ
ಸುದಯದೇನುಕೊಟ್ಟರು ಒಲ್ಲೆ ಪ
ಸದಾ ಎಡೆಬಿಡದೆ ನಿಮ್ಮ
ಸದಮಲ ನಾಮೆನ್ನೊದನಕೆ ಅ.ಪ
ಹಲವು ಚಿಂತನೆಯೊಳಗಿರಲಿ
ನಲಿಯುತಿರಲು ಮಲಗಿರಲಿ
ಚಲಿಸದೆ ತವ ಚೆಲುವಮೂರ್ತೆ
ನ್ನೊಳನೇತ್ರದ್ಹೊಳೆಯುತಿರಲಿ 1
ಘನತರದ ದುಃಖದೊಳಗೆ
ಅನುಪಮ ಆನಂದದೊಳಗೆ
ಕನಸುಮನಸಿನೊಳಗೆ ನಿಮ್ಮ
ನೆನವು ಕ್ಷಣ ಮರೆಯದಂತೆ 2
ಕ್ಷೇತ್ರದಿರಲಿ ಯಾತ್ರದಿರಲಿ
ಧಾತ್ರಿ ತಿರುಗುತ್ತಿರಲಿ ಜಗ
ತ್ಸೂತ್ರ ಶ್ರೀರಾಮ ನಿಮ್ಮ ಪಾದ
ಮಾತ್ರೆನ್ನ ಮಂಡೆಮೇಲೆ ಇರಲಿ 3

ನೀನೆ ಕಾಮಿಸಿ ನಿರುತವು ಕೆಡುವೆ ಪ
ಸ್ವರೂಪವರಿಯದೆ ನೀ ಕರೆಕರೆ ಪಡುವೆ 1
ಭ್ರಾಂತಿಯಪಡುತಲಿ ಬಾಯಿ ಬಾಯಿ ಬಿಡುವೆ 2
ನಾಯಂದದಿ ಪರಸ್ತ್ರೀಯರ ಬಯಸುತ
ಹೇಯನೆನಿಸಿಕೊಂಡು ನೊಯ್ಯುವೆಯಲ್ಲದೆ 3
ಮಲಮೂತ್ರದಿ ನೀ ಮಲಗಿರಲಿಲ್ಲವೇ
ಮರೆತು ಯೌವ್ವನ ಗರ್ವದಲಿ ತಲೆ ತೂಗುತ4
ಪರಿಪರಿವಿಧದಲಿ ಭಕ್ತರ ಪಾಲಿಪ
ಗುರುರಾಮವಿಠಲನ ಚರಣವ ನಂಬದೆ 5