ನಿನ್ನನೆ ನಮೊ ಎಂಬೆವ ಇಂದಿರಾ ದೇವಿನಿನ್ನನೆ ನಮೊ ಎಂಬೆವ ಬಿನ್ನಹ ಲಾಲಿಸುಪನ್ನಗ ಶಯನನ ಘನ್ನ ಪಟ್ಟದ ರಾಣಿ ಪ.
ಇಂದಿರೆ ನಿನ್ನ ಕಾಲಿಗೆ ವಂದಿಸಿ ಜಾಲಗಾರುತಿಯರ ಸೋಲಿಸಬೇಕೆಂದು 1
ಇಂದಿರೆ ನಿನ್ನ ಹೆಜ್ಜೆ ಹೆಜ್ಜೆಗೆ ನಮಿಸಿಅರ್ಜುನನ ಮಡದಿಯರ ಲಜ್ಜೆಗೈಸೆವೆಂದು2
ನಿತ್ಯ ಮುಕ್ತಳೆ, ನಿನ್ನ ಅತ್ಯಂತ ಬಲಗೊಂಬೆ ಉನ್ಮತ್ತೆಯರ ಗರವು ಒತ್ತಿಬಂದೆವೆಂದು 3
ವ್ಯಾಲಾಶಯನನ ರಾಣಿ ಬಹಳೆವಂದಿಸಿಗೈಯ್ಯಾಳಿಯರ ಮುಯ್ಯಾ ನಿವಾಳಿಸಬೇಕೆಂದು 4
ಪ್ರಾಣೇಶ ನರಸಿಯ ಕಾಣುತ ವಂದಿಸಿಜಾಣಿಯರ ಮನೆಗ್ಹೋಗಿ ಆಣಿ ಬಿಡಿಸೇವೆಂದು5
ಜರದ ಕುಪ್ಪುಸಸೀರೆ ಸರಿಗೆ ದೋರೆಯನಿಟ್ಟುಕರಗಳ ಮುಗಿದೆವ ವರಗಳ ಪಾಲಿಸು6
ಥೋರ ಮುತ್ತಿನ ದಿವ್ಯಹಾರ ಭಾರವನಿಟ್ಟುನಾರಿಯರ ಗೆಲಿಸುವ ಭಾರವ ರಾಮೇಶಗೆ ವಹಿಸೆಂದು7

ಶ್ರೀನಾಥ ಸಲಹೊ ಸತತ ನಿನ್ನ ಪದ
ಧ್ಯಾನಾನಂದವಿತ್ತು ಪ
ತಂದೆ ನಿನ್ನನುಗ್ರಹದಿ | ಜಗದೊಳಗೆ
ಬಂದೆ ಭೂಸುರ ಜನ್ಮದಿ
ಪೊಂದಿ ತ್ವತ್ವದ ಭಜಿಸದೆ ಭವದೊಳಗೆ
ಬೆಂದು ಬೆಂಡಾದೆನು ನಾ1
ಪಗೆಯಾರುಖಳರು ಎನ್ನ | ಪಾಶದಲಿ
ಬಿಗಿದು ಬಂಧಿನಿ ಎಳೆಯುತ ||
ಬಗೆ ಬಗೆಯ ಮಂಗನಂತೆ ಕುಣಿಸ್ಯಾಡಿ
ಹಗರಣವ ಮಾಡುತಿಹರೋ 2
ಪರಸ್ವತಿಯರ ರೂಪನೋಡಿ | ಮರಳಾಗಿ
ಬೆರೆತವಳ ಕ್ರೀಡಿಸುತಲಿ
ಪರಗತಿಯ ಚಿಂತೆ ಬಿಟ್ಟು | ಪರಮಾತ್ಮ
ನರಕಕ್ಕೆ ಗುರಿಯಾದೆನೋ 3
ಧನದಾಪೇಕ್ಷೆಯಿಂದ | ಧನಿಕರ
ಮನೆಗ್ಹೋಗಿ ಲಜ್ಜೆ ತ್ಯಜಿಸಿ
ಘನದಾತರೆಂದವರನು | ಬಲು ತುತಿಸಿ
ದಿನಗಳೆದೆ ಶುನಕನಂತೆ 4
ಹರಿನಿನ್ನವಾಸರದಿ | ಉಪವಾಸ
ಇರುಳು ಜಾಗರವ ಜರಿದು
ಬರಿದೆ ಕಾಲವ ಕಳೆದೆನೋ ರವಿಸುತಗೆ |
ಅರುಹಲು ಬಾಯಿಲ್ಲವೋ 5
ಪವಮಾನ ಕೃತಸುಶಾಸ್ತ್ರ | ಪ್ರವಚನವ
ಕಿವಿಗೊಟ್ಟು ಕೇಳಲಿಲ್ಲ
ಅವನಿ ದ್ವಿಜರ ಪಾದವ ಸೇವಿಸದೆ
ಭಾರ ನಾನಾದೆನೊ 6
ಬಾಯೆಂದು ಕೂಗಿ ಕರೆವೆ | ಸರ್ವೇಶ
ಓಯೆಂದು ಬೇಗ ಬಾರೋ ||
ಮಾಯಾ ಮೋಹವನೆ ಬಿಡಿಸೋ | ನಿನ್ನಂಘ್ರಿ
ತೋಯಜಧ್ಯಾನವನಿತ್ತು 7
ಶಿಲೆಯಾದ ಸಲಹಿದ ತೆರದಿಲಿ
ತುಳಿದು ಸಲಹಿದ ತೆರದಲಿ
ಇಳಿಸುರನ ಮಹತ್ಪಾಪ ಕಳೆದವಗೆ
ಸಲೆಮುಕ್ತಿ ಸಲಿಸಿದಂತೆ 8
ಇಂದಿನಾರಭ್ಯವಾಗಿ | ಎನ್ನಿಂದ
ನಿಂದ್ಯಕರ್ಮವ ನಡೆಸದೆ
ಮಂದರೋದ್ಮರನೆ ನಿನ್ನ |ಸದ್ಭಕ್ತ
ವೃಂದದೊಳು ಕೂಡಿಸಯ್ಯ 9
ಅಪರಾಧ ಕ್ಷಮಿಸುವಲ್ಲಿ | ನಿನ್ನಂಥ
ಕೃಪಣವತ್ಸಲ ಕಾಣೆ
ಕೃಪೆಯಿಂದ ಕರಪಿಡಿಯೊ ಕರಿವರದ
ಕೌಸ್ತುಭ ಕೃಷ್ಣ 10
ನಿನ್ನ ನಾಮದ ಭೂಸುರ ಕುಲಹೀನ
ಕನ್ಯೆಯಳ ಸಂಗ ಮಾಡಿ
ನಿನ್ನ ಪರ್ವತ ಮೆಟ್ಟಿಲು ಅವಗೊಲಿದು
ನಿನ್ನಾಪ್ತನೆನಿಸಿದಂತೆ 11
ನಿನ್ನೊಲುಮೆ ಪಾತ್ರರಾದ ಗುರು
ಜಗನ್ನಾಥಾಖ್ಯ ದಾಸಾರ್ಯರ
ಸನ್ನಿಧಾನದಲಿ ಇಪ್ಪ | ಇವನೆಂದು
ಮನ್ನಿಸೊ ಮಹಮಹಿನೆ 12
ದುರಿತ ರಾಶಿ | ಪೇಳಲ್ಕೆ
ಭೂಮಿಧರಗಳವಲ್ಲವೋ
ಪ್ರೇಮದಿಂದಲಿ ಪಾಲಿಸೋಮಮಸ್ವಾಮಿ
ಶಾಮಸುಂದರ ದಯಾಳು 13