ಇತ್ತೆ ಏತಕ್ಕೆ ಈ ನರಜನ್ಮವ
ಸತ್ಯ ಸಂಕಲ್ಪ ಹರಿ ಎನ್ನ ಬಳಲಿಸುವುದಕೆ ಪ.
ಬಂಧುಬಳಗವ ಕಾಣೆ ಇಂದಿರೇಶನೆ ಭವದಿ
ಬೆಂದು ನೊಂದೆನೊ ನಾನು ಸಿಂಧುಶಯನ
ಬಂದ ಭಯಗಳ ಬಿಡಿಸಿ ನೀನೆ ಪಾಲಿಸದಿರಲು
ಮಂದಮತಿಗೆ ಇನ್ನು ಮುಂದೆ ಗತಿ ಏನೊ 1
ಕಾಣದಲೆ ನಿನ್ನನು ಕಾತರಿಸುತಿದೆ ಮನವು
ತ್ರಾಣಗೆಡÀುತಲಿ ಇಹುದೊ ಇಂದ್ರಿಯಗಳೆಲ್ಲ
ಪ್ರಾಣಪದಕನೆ ಸ್ವಾಮಿ ಶ್ರೀನಿವಾಸನೆ ದೇವ
ಜಾಣತನವಿದು ಸರಿಯೆ ಫಣಿಶಾಯಿಶಯನ 2
ಸಾಧನದ ಬಗೆಯರಿಯೆ ಸರ್ವಾಂತರ್ಯಾಮಿಯೆ
ಮಾಧವನೆ ಕರುಣದಲಿ ಕಾಯಬೇಕೊ
ಹಾದಿ ತೋರದೊ ಮುಂದೆ ಮುಂದಿನಾ ಸ್ಥಿತಿಯರಿಯೆ
ಛೇದಿಸೊ ಅಜ್ಞಾನ ಹೇ ದಯಾನಿಧಿಯೆ 3
ಸರ್ವನಿಯಾಮಕನೆ ಸರ್ವಾಂತರ್ಯಾಮಿಯೆ
ಸರ್ವರನು ಪೊರೆಯುವನೆ ಸರ್ವರಾಧೀಶ
ಸರ್ವಕಾಲದಿ ಎನ್ನ ಹೃದಯದಲಿ ನೀ ತೋರೊ
ಸರ್ವ ಸಾಕ್ಷಿಯೆ ಸತತ ಆನಂದವೀಯೊ 4
ಆನಂದಗಿರಿನಿಲಯ ಆನಂದಕಂದನೆ
ಆನಂದ ಗೋಪಾಲಕೃಷ್ಣವಿಠ್ಠಲಾ
ಆನಂದನಿಲಯ ಶ್ರೀ ಗುರುಗಳಂತರ್ಯಾಮಿ
ನೀನಿಂದು ಸರ್ವತ್ರ ಕಾಯಬೇಕಯ್ಯ 5

ಹರಿಕಥಾಮೃತಸಾರ ಸುರಸ ಗ್ರಂಥವ | ಧರಣಿ ಸುರರಲ್ಲದೆ
ದುರುಳ ಪಾಷಂಡಿಗಳರಿತು ಇದರ ಮರ್ಮ
ಹರುಷಿತರಾಗುವರೇ ಪ
ಹಿಮ ಮಯೂಖನ ನೋಡಿ ಕುಮುದ ಪುಷ್ಪದವೊಲು
ಕಮಲವರಳುವದೇ ||
ಯಾಮಿಜನರಂದದಿ ದಿನಮಣಿಯುದದಿ
ತಿಮಿರಷ್ರ್ಯ ಕೊಡಬಲ್ಲದೇ 1
ಚಿನ್ನದಾಭರಣಗಳಿಡಲು ದಾಸಿಯು ದೇವ
ಕನ್ನಿಕೆಯಾಗುವಳೇ
ಮನ್ನಣೆಯರಿಯದ ಮನುಜನ ಶಿರ
ಪುಣ್ಯ ಪುರುಷರಿಗೆರಗದೇ 2
ಗಂಧವಾಹನ ಮತ ಪೊಂದದವರಿಗೆ
ಬಂಧ ತಪ್ಪುವದೇ |
ಮಂದಮತಿಗೆ ಶಾಮಸುಂದರನ
ಮಂದಿರ ದೊರಕುವದೇ 3