ಮಂಗಳಂ ಶ್ರೀ ಗುರುವರ್ಯರಿಗೆ | ಮಂಗಳಾಂಗರಿಗೆ
ಮಂಗಳಂ ಶ್ರೀ ಗುರುವರ್ಯರಿಗೆ ಪ.
ರಂಗನಾಥನ ಪದ ಸರೋಜಕೆ
ಭೃಂಗರೆನಿಸಿ ಮೆರೆಯುವರಿಗೆ ಅ.ಪ.
ತಂದೆ ಮುದ್ದುಮೋಹನರೆಂ
ತೆಂದು ಮೆರೆಯುತ
ಮಂದಮತಿಯ ಬಿಡಿಸಿ ಎನ್ನ
ತಂದೆಯಂತೆ ಪೊರೆಯುವರಿಗೆ 1
ನಾಗಶಯನ ಹರಿಯ ಭಜಿಪ
ಭೋಗಿವರರಿಗೆ
ಭಾಗವತರ ಸಂಘದೊಳಗೆ
ಯೋಗಿಯಾಗಿ ಚರಿಸುವರಿಗೆ 2
ಪರಮಪ್ರಿಯರಾಗಿ ಹರಿಗೆ
ಪರಮಪ್ರಿಯರೆಂದು
ಕರೆಸಿಕೊಳುತ ನರಹರಿಯ
ಚರಣ ಮನದಿ ಸ್ಮರಿಸುವರಿಗೆ 3
ಕರ್ಮಗಳನೆ ಕಡಿದು ಜ್ಞಾನ
ಧರ್ಮಮಾರ್ಗದಿ
ಧರ್ಮತತ್ವ ಬೋಧಿಸಿ ಅ-
ಧರ್ಮಗಳನೆ ಬಿಡಿಸುವರಿಗೆ4
ಗೋಪಾಲಕೃಷ್ಣವಿಠ್ಠಲನ
ರೂಪ ತೋರುತ
ಪಾಪಗಳನೆ ತರಿದು ಭವ
ಕೂಪದಿಂದ ಪೊರೆಯುವರಿಗೆ 5