ಶ್ರೀಕೃಷ್ಣ
ಕಂಡಿರೆ ಅದ್ಭುತ ಕೂಸ ಕಂಡಿರೆ
ಕಂಡಿರೆ ಅದ್ಭುತ ಕೂಸ ನಾಭಿ- ಪ.
ಮಂಡಲದೊಳಗಬ್ಜಕೋಶ ಅಹ ರಿಪು
ಪುಂಡರೀಕ ಚಕ್ರ ಪಾಂಡವ ವನರುಹ
ಚಂಡಗದಾದಂಡ ಮಂಡಿತ ಹಸ್ತನ ಅ.ಪ
ಈರೇಳು ಭುವನದೊಳಿಲ್ಲದಂಥ
ಚಾರು ಶೃಂಗಾರಗಳೆಲ್ಲ
ಸಿರಿನಲ್ಲ ನಿನ
ಗ್ಯಾರು ಸರ್ವೋತ್ತಮರಿಲ್ಲ ಅಹ
ಕ್ರೂರ ಕಂಸಭಯಭೀರುಗಳಾಗಿಹ
ಶೌರಿ ದೇವಕಿಯಯಿದಾರನೆಯ ಮಗುವನು 1
ಪಾದ ವೃತ್ತ
ಜಂಘೋರು ಪರಿಗತವಾದ ಜಾನು
ಶೃಂಗದಂತೆ ಪೂರ್ಣಮಾದ ಮಾ
ತಂಗ ಹಸ್ತಸಮನಾದ ಅಹ
ಪೀವರೋರು ಸಂಗಿ ಸರ್ವಲೋಕ
ಮಂಗಲದಾಯಿ ಶುಭಾಂಗವಾಸನನ್ನು 2
ತ್ರಿಭುವನ ಕಮಲಾಧಾರ ನಾಳ
ನೆಗೆದು ಬಂದಿರುವ ಗಂಭೀರ ನಾಭಿ
ಸ್ವಗತ ಭೇದದಿಂದ ದೂರ ನಾನಾ
ಬಗೆಯಾದ ಲೀಲಾವತಾರ ಅಹ
ನಗುವ ರಮೆಯ ಸ್ತನಯುಗ ಮಧ್ಯದೊಳಗಿಟ್ಟ
ಖಗಪತಿವಾಹನ ಮಗುವಾದ ಬಗೆಯನು 3
ಕಂಬುಸಮಾನ ಸುಗ್ರೀವ ಲಲಿ-
ತಾಂಬುಜಮಾಲೆಯ ಭಾವ ವಿಧಿ-
ಕೌಸ್ತುಭ ಶೋಭಾ ಕರು
ಣಾಂಬುಧಿ ಭಕ್ತ ಸಂಜೀವಾ ಅಹ
ಬಿಂಬಾಧರ ಕಮಲಾಂಬಕ ಮೃದುನಾಸ
ನಂಬಿದ ಭಕ್ತ ಕುಟುಂಬಿಯಾಗಿರುವವನ 4
ಮಕರಕುಂಡಲ ಯುಗ್ಮಲೋಲ ದಿವ್ಯ
ಕಪೋಲ ಭವ
ಚಕಿತರ ಸಲಹುವ ಬಾಲ ಪೂರ್ಣ
ಅಕಳಂಕ ತಾರೇಶ ಲೀಲಾ ದಿವ್ಯ
ಮುಖ ಲಲಾಟ ರತ್ನ ನಿಕಲ ಕಿರೀಟ ಸೇ-
ವಕರ ರಕ್ಷಿಪ ಪೂರ್ಣ ಶಿಖರೀಂದ್ರವಾಸನ5

ಸರ್ವಸಾರಭೋಕ್ತ ಸಕಲ ಮಂಗಲದಾಯಿ ವೆಂಕಟೇಶ
ನಿರ್ವಹಿಸುವವ ನೀನೆ ನಿತ್ಯಕರ್ಮಗಳಿಂದ ವೆಂಕಟೇಶ ಪ.
ದೇವರ್ಷಿ ಪಿತೃಗಣರೊಳಗಿದ್ದು ರಾಜಿಪ ವೆಂಕಟೇಶ
ಭೂವರರಲ್ಲಿ ವಿಭೂತಿರೂಪನು ನೀನೆ ವೆಂಕಟೇಶ
ಸೇವಕ ಜನರನು ಸುಲಭದಿ ಸಲಹುವ ವೆಂಕಟೇಶ
ಪಾದ ಪದ್ಮವೆ ಗತಿ ಎಂಬೆ ವೆಂಕಟೇಶ 1
ಇಂದಿರಾಧವ ಯದುನಂದನನೆನಿಸಿದೆ ವೆಂಕಟೇಶ
ಸುಂದರ ವಿಗ್ರಹ ಸುಗುಣೇರ ಒಲಿಸಿದೆ ವೆಂಕಟೇಶ
ಹಿಂದೆ ಮುನ್ನ ಭವದಂದವನರಿಯೆನು ವೆಂಕಟೇಶ
ಮಂದಮತಿಯ ಕರ್ಮಕುಂದನು ಕ್ಷಮಿಸಯ್ಯ ವೆಂಕಟೇಶ 2
ಸ್ವೋದರಗತ ಜಗದಾಧಾರಗುಣನಿಧಿ ವೆಂಕಟೇಶ
ಭೂಧರಗಿರಿವರ ಶೋಭಿತ ಮೂರುತಿ ವೆಂಕಟೇಶ
ಶ್ರೀಧರಾಕಾಂತ ನಿನ್ನಾಧಾರ ನಂಬಿದೆ ವೆಂಕಟೇಶ3