ದುಷ್ಟ ಮನುಜ ಕೇಳೊ ನೀ ಬಲು
ಭ್ರಷ್ಟನಾದೆಯಲ್ಲೋ ಪ
ಎಷ್ಟು ಪೇಳಿದರೇನು ನಿನಗೆಳ್ಳಿ-
ನಷ್ಟಾದರು ಮತಿ ಬರಲಿಲ್ಲ ಅ.ಪ
ಶುದ್ಧ ವೈಷ್ಣವನೆಂಬೀ ನೀನು ನಿ-
ಷಿದ್ಧ ಕೂಳನು ತಿಂಬೀ
ಬುದ್ಧಿಪೂರ್ವಕವಾಗಿ ನಮ್ಮ ಅನಿ
ರುದ್ಧನ ನಾಮದ ನೆನೆಯದಲಿರುವಿ 1
ಬಾಯೊಳು ಬಹುನೀತಿ | ಬೊಗಳುವೆ
ಹೇಯ ಕರ್ಮದಿ ಪ್ರೀತಿ
ಮಾಯವಾದಿಯನುತವನು ಪೊಗಳುವೆ
ಕಾಯಕ್ಲೇಶ ನಿನಗಾಗದಿರದು 2
ಭಂಗ ಹೋಗದೆ ಬಾಳೊ | ಮುಂದಕೆ
ಭಂಗಿಕೋರನೆ ಕೇಳೊ
ರಂಗೇಶವಿಠಲನ ಮೊರೆಹೊಗು ನಿನ ದುರಿ-
ತಂಗಳು ಪೋಪವು ಮಂಗನಾಗಬೇಡ 3