ದಾರಿ ದೋರೆನಗ ಮುಕುಂದಾ ಪ
ದಾರಿ ತೋರೆನಗೆ ಶ್ರೀ ಹರಿ ನಿನ್ನ ಭಕುತಿಯಾ|
ಸಾರಿದೆ ನಿನ್ನವನಾನು ಮುಕುಂದಾ ಅ.ಪ
ಜನುಮಾನುಜನುಮದಲಿ|ನಾಮವಾ|
ನೆನೆಯದ ತಪ್ಪಿನಲಿ||
ಜ್ಞಾನದೃಷ್ಟಿಯಲಂಧನಾದೆನು ಹರಿ ನಿಮ್ಮ|
ಕಾಣದ ಕಂಗಳನಾ ಮುಕುಂದಾ1
ಭ್ರಾಂತತನವ ಬಿಡಿಸಿ|ವಿವೇಕ|
ಶಾಂತಿಯ ನೆಲೆಗೊಳಿಸಿ|
ಅಂತರಂಗದ ನಿಜ ಸುಖವ ಸೂರ್ಯಾಡುವ|
ಸಂತರೊಳಗ ಕೂಡಿಸೋ ಮುಕುಂದಾ2
ಅರಹುನಯನ ದೆರಿಸಿ|ನಿಜರೂಪ|
ಗುರುತದ ನೆಲೆ ತೋರಿಸೀ|
ಗುರುವರ ಮಹಿಪತಿ ನಂದನ ಪ್ರಭು ನಂದನ ಪ್ರಭು ನಿಮ್ಮ|
ಸ್ಮರಣೆ ಪಡೆಯ ನಡಿಸೋ ಮುಕುಂದಾ3

ನಿಂತು ಫುಗಡಿ ಹಾಕ ಭ್ರಾಂತತನವ್ಯಾಕ
ಸಂತ ಜನನಿಯರು ನೋಡಿ ತಲೆಯ ದೂಗಬೇಕ ಪ
ಆಶೆಯಲಿ ತಾನು ಕುಳಿತು ಹಾಕುದೇನು |
ಘಾಸಿಯಾಗುವ ಆರುಮಂದಿಯಾ ಕೂಡಿದರೇ ನೀನು 1
ಗರುವ ತನ ಬಿಟ್ಟು ತಿರುಗಣೆಯಾ ನುಟ್ಟು |
ಆರಹು ಶರಗಿನಿಂದ ಬಿಗಿದು ಹಾಕ ಮಲಕ ಗಂಟು 2
ಲಜ್ಜೆ ವಳಿದು ನೋಡೇ ಹರಿಯಸ್ತುತಿ ಮಾಡಿ |
ಘಜ್ಜಿಗೆ ಬಂಡಮ್ಯಾಲ ಯಚ್ಚರ ಮೈಯ್ಯ ಮರೆಯಿಬ್ಯಾಡೇ 3
ಎರಡು ಸವೆ ನಿನೆಹಾ ಜ್ಞಾನ ಸಖೀ ಕೈಯ್ಯಾ |
ಜರಿಯದಂತೆ ಹಿಡಿದು ತಿರುಗು ನಡವಿಧ ಪರಿಯಾ 4
ಫುಗಡಿ ಇದೇ ಆಡೀ ಪ್ರೇಮಭಾವ ಕೂಡೀ |
ಮುಗುತಿ ಕೊಡುವ ತಂದೆ ಮಹಿಪತಿ ಸ್ವಾಮಿ ದಯಮಾಡಿ 5

ಸಂತರಾ ಕೂಡ ಬಾರದೇ |
ಏ ಮನುಜಾ ಪ
ಸಂತರಾ ಕೂಡಲಾಗೀ | ಭ್ರಾಂತತನವು ಹೋಗಿ |
ಅಂತರ ಸುಖದೋರದೇ 1
ಭೃಂಗಿ ಕೀಟಕ ಕೂಡೀ | ಸಂಗದಿ ಧ್ಯಾನ ಮಾಡಿ |
ಭೃಂಗಿ ತಾನಾಗಿ ಹಾರದೇ 2
ಗುರು ಮಹಿಪತಿ ಪ್ರೀಯಾ | ದೊರೆವನು ನಿನ್ನಕೈಯ್ಯಾ |
ಮರಳುತನವ ಸೇರದೇ 3

ಸಂತೆಯ ನೋಡಲು ಬಂದವನಾ |
ಭ್ರಾಂತತನವ ನೋಡಿ ಮಾನವನಾ ಪ
ಪರಿ ವಾಸನೆಕಾರರು ವಿಷಯದ |
ಸರಕಿನ ಚಟ್ಟೆಯ ರಂಗಡಿಯು |
ದುರುಳತ ನವಗುಣ ಭೂಸಿನ ರಾಶಿಯು |
ನೆರೆದಿಹ ಸಂದಣಿ ಜನದೊಳಗ 1
ಇಂತಿಹ ನರದೇಹ ಪ್ಯಾಟೆಯ ಸಡಗರ |
ಪ್ರಾಂತವ ಕಾಣದೆ ಮರುಳಾಗಿ |
ನಿಂತಲ್ಲಿ ನಿಲ್ಲದೆ ನೋಡುತ ತಿರುಗುತ |
ಕಂಥಿಯ ಕಳೆದನು ಹೆಗಲಿನಾ 2
ಗುರುಮಹೀಪತಿ ಸ್ವಾಮಿಯ ಗಡಚಿನ |
ಶರಣಿರವಳಿಹುಗದೆವೆ ಮರೆದು |
ಧರಿಯೊಳು ಉಣಲಿಲ್ಲ ಉಡಲಿಲ್ಲ ಬಂದಿವ |
ಬರುದೆವೆ ಮುಮ್ಮಳಿ ಘಳಿಸಿದನು 3