ದಾರಿ ದೋರೆನಗ ಮುಕುಂದಾ ಪ
ದಾರಿ ತೋರೆನಗೆ ಶ್ರೀ ಹರಿ ನಿನ್ನ ಭಕುತಿಯಾ|
ಸಾರಿದೆ ನಿನ್ನವನಾನು ಮುಕುಂದಾ ಅ.ಪ
ಜನುಮಾನುಜನುಮದಲಿ|ನಾಮವಾ|
ನೆನೆಯದ ತಪ್ಪಿನಲಿ||
ಜ್ಞಾನದೃಷ್ಟಿಯಲಂಧನಾದೆನು ಹರಿ ನಿಮ್ಮ|
ಕಾಣದ ಕಂಗಳನಾ ಮುಕುಂದಾ1
ಭ್ರಾಂತತನವ ಬಿಡಿಸಿ|ವಿವೇಕ|
ಶಾಂತಿಯ ನೆಲೆಗೊಳಿಸಿ|
ಅಂತರಂಗದ ನಿಜ ಸುಖವ ಸೂರ್ಯಾಡುವ|
ಸಂತರೊಳಗ ಕೂಡಿಸೋ ಮುಕುಂದಾ2
ಅರಹುನಯನ ದೆರಿಸಿ|ನಿಜರೂಪ|
ಗುರುತದ ನೆಲೆ ತೋರಿಸೀ|
ಗುರುವರ ಮಹಿಪತಿ ನಂದನ ಪ್ರಭು ನಂದನ ಪ್ರಭು ನಿಮ್ಮ|
ಸ್ಮರಣೆ ಪಡೆಯ ನಡಿಸೋ ಮುಕುಂದಾ3