ಧನ್ಯನಲ್ಲವೇ ಅವನು ಧನ್ಯನಲ್ಲವೆ ಪ
ಪನ್ನಗಾರಿ ಧ್ವಜನ ಮಹಿಮೆಯನ್ನು ಪೊಗಳುತಿರುವ ನರನು ಅ.ಪ.
ಅರುಣ ಉದಯದಲ್ಲಿ ಎದ್ದು
ದುರಿತದೂರವನ್ನು ಸ್ಮರಿಸಿ
ಹರುಷದಿಂದ ಶೌಚ ಕರ್ಮ
ಅರಿತು ನಿರುತ ಚರಿಸುವರನು 1
ಸತ್ಯಮತದ ಪದ್ಧತಿಯನು
ಚಿತ್ತವಿಟ್ಟು ಆಚರಿಸುತ
ಭೃತ್ಯನೆಂದು ಪೇಳಿಕೊಳುವ
ನಿತ್ಯ ತೃಪ್ತನಾದವರನು2
ಸಿರಿಯುತ ರಂಗೇಶವಿಠಲ
ಸರುವ ದೇವರೊಡೆಯನೆಂದು
ಸ್ಥಿರದಿ ನಂಬಿ ಅವನ ಪಾದ
ಮರೆಯ ಹೊಕ್ಕ ಜಾಣ ನರನು 3

ಮರೆಯದಿರು ಮನವೆ ಮಾಧವನ ನಮ್ಮದುರಿತದಾರಿದ್ರ್ರ್ಯವನು ಹರಿಸಿ ಹೊರೆವವನಪ.ಆಳರಿತು ಊಳಿಗವ ಕೊಂಡುಂಡು ದಣಿವಂತೆಮೇಲಾಗಿ ಜೀವವನು ಕೊಡುವ ದೇವನಕಾಲಕಾಲಕೆ ಮಾಳ್ಪ ನಡೆತಪ್ಪು ನುಡಿತಪ್ಪುಆಲೋಚಿಸದೆ ಕರುಣಿಸುವ ಕರುಣನ 1ಮೂಢನಾಗಲಿ ಮತಿಯುಳ್ಳ ನರನಾಗಲಿಪಾಡಿದಾಕ್ಷಣ ಭೃತ್ಯನೆಂದು ಒಲಿದುಕೂಡಿಕೊಂಬುವ ದೊರೆಗಳಿಲ್ಲ ಹರಿಯಲ್ಲದಾನಾಡಾಡಿಬಣಗುಕಲ್ಲುಗಳ ಬೇಡಿ2ಮುನ್ನಾರು ಅನ್ಯದೇವರ ಭಜಿಸಿ ಭವಗೆದ್ದರಿನ್ನಾರು ಹರಿಯೊಲುಮೆಯಲಿ ದಣಿದರುನಿನ್ನ ಗುರುಗಳಿಂದರಿತು ನೆರೆನಂಬು ಪ್ರಸನ್ನ ವೆಂಕಟಪತಿಯ ಪಾದವನಜವ 3