ಪರಶುರಾಮಾವತಾರ
ತುಂಗಾಮಂಗಳತರಂಗ ಭೂಷಿತಲಿಂಗರೂಪ ಭೃಗುಪುಂಗವನೆ
ಶಿವಮಂಗಲಧಾಮನೆ ಮಾಧವನೆ ಪ.
ಸರಸಿಜಾಸನಾದ್ಯಖಿಳ ಸುರಾರ್ಚಿತ ಚರಣಾಂಬುಜ ಶ್ರೀ ಕಲ್ಪತರೊ
ಮಾನಸ ಚರಿಯವನು
ಕರಧೃತ ಶಾರ್ಙಶರಾಸನ ಖಂಡಿತ ಕರದಶ ಶತಕರುಣಾ ಜಲಧೇ
ಅರಿಗಳ ಬುಡ ಕತ್ತರಿಸಿ ನಿರಂತರ ಪೊರೆವುದೆನ್ನ ಪರಮಾದರನೆ 1
ಶ್ರೀನಿಕೇತನ ನೀ ನಡೆಸುವ ಚರ್ಯವನೇನೆಂಬೆನು ನಳಿವಾಂಬಕನೆ
ಮಾನವರಂದದಿ ಮಾತೃವಧಾಕವೇನ ಸನಿಹದೆ ಅರ್ಜುನ ಸಖನೆ
ನರರನು ಸಲಹುವೆನೆಂದು
ಪಾತಕ ಹಾನಿಗೊಳಿಸದೆ ರಮಾವರನೆ 2
ದಾಸರು ವಹಿಸುವದೆಂಬುದನು
ಲೋಕ ವಿಡಂಬನವ
ವರ್ಣಿಸಲಿ ವಶಿತನವ
ಶೇಷ ಭೂಧರನಿವಾಸಿ ಮಾನಸಿಕದಾಸೆ ಪೂರಿಸಖಿಳೊತ್ತಮನೆ 3

(ಮುಳಬಾಗಿಲು ಪರಶುರಾಮ ದೇವರು)
ತುಂಗಾ ತಟದಲ್ಲಿ ಥಳಥÀಳಿಸುವ ಭೃಗುಪುಂಗವ ಭೂಪತಿಯೆ
ಭಂಗಿಸು ಶ್ರೀಪತಿಯೆ ಪ.
ಸೂರ್ಯ ದಿನದಿ ನಿನ್ನಡಿಯಲಿ ಬೇಡಿದ ಕಾರ್ಯಗಳೆಲ್ಲವನು
ಸ್ಥೈರ್ಯ ಧೈರ್ಯ ಶೌರ್ಯಗಳ ನೀಡುವಾಚಾರ್ಯ ಸಮರ್ಜಿತನೆ
ಆರ್ಯ ಗ್ರಹಸ್ಥಿತ ಧಾರ್ಯಾನಲಧೃತ ವೀರ್ಯವಿಭಾವನನೆ
ಮರ್ಯಾದೆಯ ಕಾಪಾಡೆಂದಿಗು ಶ್ರೀ ಭಾರ್ಯಾಲಂಗಿತನೇ 1
ವೈದಿಕ ಲೌಕಿಕ ವಿವಿಧ ಕರ್ಮಗಳ ಸಾಧಿಸು ಸುಲಭದಲಿ
ಶೋದಿಸಿ ಹೃತ್ಕಮಲವನು ನಿಲ್ಲಿಸಿ ಬೋಧಿಸು ಭೂಮಿಯಲಿ
ಬಾಧಿಪ ವಿಘ್ನವ ಬಡಿದೋಡಿಸಿ ಮೃದು ಪಾದಯುಗ್ಮವ
ಸಾದರದೊಳ್ಮಸ್ತಕದಲ್ಲಿರಿಸುತ ಮೋದಗೊಳಿಸು ಮನವ 2
ನಿರುತದಿ ನೀನಿಲ್ಲಿರುವುದ ಕಂಡರೆ ಹರುಷವ ಹೊಂದಿಹೆನು
ಮರೆಯದಿರೆನ್ನನು ಮನೆಯಲ್ಲಿದ್ದರು ಸರಸಿಜಾಸನ ಪಿತನೆ
ಪರತರ ಮಂಗಳ ಪಾವನ ವೆಂಕಟ ಗಿರಿವರ ಶೋಭಿತನೆ
ಸರಿ ನಿನಗಿಲ್ಲೆಂದರಿವರನೆಂದಿಗು ಪೊರೆವ ಕೃಪಾಕರನೆ3