ರಂಗನೆ ಬಾ ಮನಮಂದಿರಕೆ
ಶೃಂಗಾರದ ಶ್ರೀ ಹರಿ ಶೌರೇ ಪ
ನಗುತ ನಗುತ ಬಾ ಖಗವಾಹನ ಹರಿ
ಬಗೆ ಬಗೆ ಕ್ರೀಡೆಗಳ ತೋರುತಲಿ
ಝಗ ಝಗಿಸುವ ಪೀತಾಂಬರಧಾರಿಯೆ
ಅಗಣಿತ ಗುಣನಿಧಿ ಬಾ ಹರಿಯೆ 1
ಪಕ್ಷಿವಾಹನ ಪುರುಷೋತ್ತಮ ಶ್ರೀಹರಿ
ರಕ್ಷಿಸಿ ಕಾಪಾಡುವ ಜಗವ
ಕುಕ್ಷಿಯೊಳಡಗಿಸಿ ಸಲಹುವ ಸುಜನರ
ರಕ್ಷಿಸಿ ಪೊರೆಯಲು ಬಾ ಹರಿಯೆ 2
ಪೊಂಗೊಳಲೂದುತ ಮಂಗಳ ಚರಿತ ಹೃ-
ದಂಗಳದೊಳು ನಲಿದಾಡುತಲಿ
ಅಂಗಜಜನಕ ಗೋಪಾಂಗನೆ ಲೋಲ ಶ್ರೀ-
ಮಂಗಳ ಮೂರುತಿ ಬಾ ಹರಿಯೆ 3
ಗಂಗಾಜನಕಗೆ ಭೃಂಗಕುಂತಳೆಯರು
ರಂಗು ಮಾಣಿಕದಾರತಿ ಬೆಳಗೆ
ಪೈಂಗಳನಾಮ ಸಂವತ್ಸರದಲಿ ಭವ
ಭಂಗವ ಮಾಡಲು ಬಾ ಹರಿಯೆ 4
ಭ್ರಮರ ಕುಂತಳೆಯರು
ಘಮಘಮಿಸುವ ಸುಮಮಾಲೆಗಳ
ಕಮಲನಾಭ ವಿಠ್ಠಲಗರ್ಪಿಸುವರು
ಶ್ರಮ ಪರಿಹರಿಸಲು ಬಾ ಹರಿಯೆ 5