ಎಂದು ಕಾಂಬೆನು ನಂದ ಗೋಪನ | ಕಂದ ಶ್ರೀ ಗೋವಿಂದನ
ಮಂದರಾಚಲಧರ ಶ್ರೀಯದುಕುಲ | ಚಂದ್ರಗುಣಸಾಂದ್ರ
ವಿಜಯಸೂತನ ವಿಶ್ವಪಾಲನ | ಭುಜಗವರ ಪರಿಯಂಕನ
ರಜನಿಚರರಳಿದ ಜನ ಜನಕನ | ಶ್ರೀ ಜಗಪತಿ ದ್ವಿಜವರಗಮನನ 1
ನವನೀತ ಚೋರನ ಬಾಲಕೃಷ್ಣ ಗೋಪಾಲನ
ಶೈಲ ಬೆರಳಿಲಿ ತಾಳಿ ಗೋಕುಲ ಪಾಲಿಸಿದ ಪರಮಾತ್ಮನ2
ಭಾಮೆ ರುಕ್ಮಿಣಿ ರಮಣ ರಂಗನ ಸಾಮಗಾನ ವಿಲೋಲನ
ಶ್ರೀಮದಾನಂದ ಮುನಿಕರಾರ್ಚಿತ ಶಾಮಸುಂದರ ವಿಠಲನ 3

ತೋರೋ ಮುಖವ ಕರುಣಿಸು ಸುಖವ
ದುರುಳ ಜರಾಸುತನುರುತರ ಘನವನು ಪ.
ತರಿದು ರುಕ್ಮಿಣಿಯ ವರಿಸಿದ ಧೀರ 1
ಸಾಂದೀಪಿನಿ ಗುರುವೆಂದ ನುಡಿಯ ಕೇ-
ಳಂದು ಕಂಧರನ ತಂದ ಪರೇಶ್ವರ 2
ವರದ ಭುಜಗವರಗಿರಿಯ ಶಿಖರದಲಿ
ಮೆರೆವನೆ ಮನದಲ್ಲಿರು ಸುಖಸಾರ 3