ಬಿಡೋ ಇನ್ನು ಬಿಡೋ ಇನ್ನು ಪ
ಕಡೆಗಾದರೂ ನಿನ್ನ ಹುಡುಗು ಬುದ್ಧಿಯನು ಅ.ಪ.
ಜೀರ್ಣವಾಯಿತು ದೇಹವು ನಿನಗೆ
ಜೀರ್ಣವಾಗಲಿಲ್ಲ ನೇಹವು ಕೊನೆಗೆ 1
ವಾಹನ ಮೃಷ್ಟಾನ್ನಗ
ಳಾ ಮಹನೀಯನೊಲಿಸವೊ ಮೂಢ 2
ಸ್ನಾನ ದಾನ ಅಧ್ಯಯನಾದಿಗಳಿಗೆ
ಶ್ರೀನಿವಾಸ ತಾನೊಲಿಯನೊ ಬರಿದೆ 3
ತಾಳ ಮೇಳ ಸಂಗೀತಾದಿಗಳನು
ಕೇಳನು ಪ್ರೇಮದ ಭಾವವಿಲ್ಲದೊಡೆ 4
ಚಿತ್ತ ಮಲಿನವಿದ್ದು ಸತ್ಕಾರವಗೈಯ್ಯೆ
ಆಪ್ತ ಕಾಮ ತಾ ತೃಪ್ತಿಯ ಪೊಂದನು 5
ಶ್ರೀಧರ ತಾ ದಯದಿಂದೊಲಿದಲ್ಲದೆ
ಸಾಧನ ಮಾತ್ರಕ್ಕೆ ಒಲಿಯಲು ಸಾಧ್ಯವೆ 6
ನಳಿನನಯನನಾಜ್ಞೆಯ ನೀ ಪಾಲಿಸೆ
ಒಲಿವನು ನಿಜವಿದು ನಲಿಯುತ ನಿನಗೆ 7
ಮೃಡವಂದಿತ ಶ್ರೀ ಕರಿಗಿರೀಶನೊಳ್
ದೃಢ ಭಕ್ತಿಯನಿಡು ಬಿಡದೆ ಪೊರೆವನೊ 8

ಭಾವವಿಲ್ಲದ ಬಯಲ ಭಜನೆಗೆ |
ದೇವನೆಂದಿಗು ವಲಿಯನು |
ಈ ವಿಷಯ ಫಲದಾಸೆ ಮನದೊಳು |
ಭಾವಿಸುತ ವೃತ ತಪಗಳ್ಯಾತಕೆ ಪ
ಮೀನು ನೀರೊಳಗಿದ್ದರೇನೈ |
ಧ್ಯಾನವನು ಬಕ ಮಾಡಲು |
ಮೌನದಲಿ ಕೋಗಿಲೆಯು ಇದ್ದರ |
ದೇನು ವನವಾಶ್ರಯಿಸಿ ಮರ್ಕಟ 1
ಉರಗ ಪವನಾಹಾರ ಭಸ್ಮವ |
ಖರ ವಿಲೇಪನ ಮಾಡಲು |
ತರು ದಿಗಂಬರವಾಗಿ ಮಂಡುಕ |
ಕೊರಳೊಳಕ್ಷರ ಜಪಿಸಲೇನದು 2
ಮೂಷಕ ಗುಹ್ಯಲಿರಲೇ |
ನರಿತು ಗಿಳಿ ಮಾತಾಡಲು |
ಗುರು ಮಹಿಪತಿ ಬೋಧವಾಲಿಸಿ |
ಹರಿಯ ಭಾವದಿ ನಂಬಿ ಸುಖಿಸಿರೋ 3