*
ಚಿರಂಜೀವಿಯಾಗು ಗುರುವರ ಕುಮಾರಿ
ಪರಮಪ್ರಿಯ ಶ್ರೀ ಗುರುಪದಧೂಳಿ ಕರುಣದಲಿ ಪ.
ಶುಕ್ಲಪಕ್ಷದ ಚಂದ್ರನಂತೆ ಆಭಿವೃದ್ಧಿಸುತ
ಅಕ್ಲೇಶಳಾಗಿ ಅನುಗಾಲದಲ್ಲಿ
ಚಿಕ್ಕತನದಿಂದ ಗುರು ಬೋಧಾಮೃತವ ಸವಿದು
ಅಕ್ಕರೆಯಿಂದ ಪಿತ ಮಾತೆ ಪೋಷಿತಳಾಗಿ 1
ಭೂ ಕಲ್ಪತರುವೆನಿಪ ಗುರುಗಳಿತ್ತಂಕಿತವ
ನಿತ್ಯ ಪಠಣಗೈದು
ಏಕಾಂತ ಭಕ್ತಿಯಿಂ ಇಂದಿರೇಶನ ಸ್ತುತಿಸಿ
ಶ್ರೀಕಾಂತ ಹರಿಯ ಮಂಗಳ ಕೃಪೆಯ ಪಡೆಯುತಲಿ 2
ಪುಟ್ಟಿದಾ ಗೃಹಕೆ ಚಿಂತಾಮಣಿಯು ಎಂದೆನಿಸು
ಪತಿ ಗೃಹಕೆ ಗೃಹಲಕ್ಷ್ಮಿ ಎಂದೆನಿಸು
ಅಷ್ಟು ಬಂಧು ಜನಕೆ ಅಮೃತವಾಣಿಯು ಎನಿಸು
ಕೃಷ್ಣ ಭಕ್ತರನು ಪೂಜಿಸುತಲಿರು ಸತತ 3
ಇಂದು ಗುರುಕೃಪೆಗೈದ ಆಶೀರ್ವಾದದುಡುಗೆಯನು
ಚಂದದಿಂ ಧರಿಸಿ ಮಂಗಳಕರಳು ಎನಿಸಿ
ಒಂದು ಕ್ಷಣ ಬಿಡದೆ ಫಣಿರಾಜಶಯನನ ಸ್ಮರಣೆ
ಮುಂದೆ ಸತ್ಪುತ್ರ ಪೌತ್ರರ ಪಡೆದು ಸುಖದಿ 4
ನಾಗಶಯನನ ಭಕ್ತನಾದ ಪತಿಯನೆ ಸೇರಿ
ಭೋಗಿಸುತ ಇಹಪರದ ಸುಖಭಾಗ್ಯವ
ಭಾಗವತಪ್ರಿಯ ಗೋಪಾಲಕೃಷ್ಣವಿಠ್ಠಲನ
ಬಾಗಿ ನಮಿಸುತ ಸುಮಂಗಳೆಯಾಗಿ ನಿತ್ಯದಲಿ 5

6. ಶಾಮಶರ್ಮರ ಕೇಶವನಾಮ ರಸಾಯನ
ಶ್ರೀಕೇಶವ ಸುರಸೇವ್ಯ ನಮೋ
ಶ್ರೀಕರ ಜಾಜೀಶ ನಮೋ ಪ
ನಾರಾಯಣಶ್ರೀನಾಥ ನಮೋ
ನಾರದಾದಿಮುನಿವಂದ್ಯ ನಮೋ 1
ಮಾಧವ ಮಂಗಳನಾಮ ನಮೋ
ಭೂದೇವಿ ಭಯನಾಶನಮೋ 2
ಭೋಗಿಶಯನ ಗೋವಿಂದ ನಮೋ
ಭಾಗವತಪ್ರಿಯ ಭೋಗ ನಮೋ 3
ಜಗ ಪರಿಪಾಲಕ ವಿಷ್ಣುನಮೋ
ಖಗವಾಹನ ಗುಣಪೂರ್ಣ ನಮೋ 4
ಮಧುಸೂದನ ಮತ್ರ್ಪಾಣ ನಮೋ
ವಿಧಿಶಿವ ಋಷಿಗಣ ಸ್ತುತ್ಶನಮೋ 5
ವಾಮನ ಮೂರುತಿ ಸ್ವಾಮಿನಮೋ
ಭೀಮಾನುಜಪ್ರಿಯ ನಿಗಮನಮೋ 6
ತ್ರಿವಿಕ್ರಮಶ್ರೀವಕ್ಷನಮೋ
ಪವಿತ್ರ ಫಲದ ಶ್ಯಾಮ ನಮೋ 7
ಶ್ರೀಧರ ದೇವಾನುತ ನಮೋ
ಆಧಾರಮೂರುತಿ ಅಮಿತನಮೋ 8
ಹೃಷಿಕೇಶ ಹೃದ್ವಾಸಿ ನಮೋ
ಪಶುಪತಿ ಪಾವನ ಪುಣ್ಯನಮೋ 9
ಪದ್ಮನಾಭ ಪರಮಾತ್ಮನಮೋ
ಶುದ್ಧ ಸತ್ವರುಚಿರೂಪನಮೊ 10
ದಾಮೋದರ ದೈತ್ಯಾರಿನಮೋ
ಕಾಮಜನಕ ಕರಿವರದ ನಮೋ 11
ಸಂಕರ್ಷಣ ಶೇಷಾಂಶ ನಮೋ
ಶಂಖ ಚಕ್ರಗದಾಪಾಣಿ ನಮೋ 12
ವಾಸುದೇವ ವೈಕುಂಠನಮೋ
ಭೂಸುರ ಪೂಜಿತ ಪಾದನಮೋ 13
ಪರಮಪುರುಷ ಪ್ರದ್ಯುಮ್ನ ನಮೋ
ಶರಣಾಗತ ಜನ ತೋಷ ನಮೋ14
ಅಖಿಲೇಶಾನಿರುದ್ಧ ನಮೋ
ಸುಖದಾತಾ ಪರಬ್ರಹ್ಮನಮೋ 15
ಪುರುಷೋತ್ತಮ ಪದ್ಮಾಕ್ಷ ನಮೋ
ಸರಸಿಜಭವಪಿತ ಸತ್ಯ ನಮೋ 16
ಅಧೊಕ್ಷಜನತ ರಕ್ಷನಮೋ
ಅದ್ಭುತ ಮಹಿಮಾಧಿಕ್ಯ ನಮೋ 17
ಶ್ರೀಲಕ್ಷ್ಮೀನರಸಿಂಹ ನಮೋ
ಬಾಲಕ ಭಕ್ತ ಪ್ರೀತ ನಮೋ 18
ಅಚ್ಯುತ ಸಚ್ಚಾರಿತ್ರ ನಮೋ
ನಿಶ್ಚಲ ನಿರ್ಮಲ ಚಿತ್ತ ನಮೋ 19
ಜನಾರ್ಧನ ಜಗದೀಶ ನಮೋ
ದಿನೇಶಕೋಟಿ ಪ್ರಕಾಶನಮೋ 20
ಉಪೇಂದ್ರ ವಿಶ್ವವ್ಯಾಪ್ತನಮೋ
ಉಪಮಾರಹಿತ ಉದಾರಿನಮೋ 21
ಶ್ರೀಹರಿಸಕಲ ಸ್ವರೂಪನಮೋ
ಸಾಹಸರಹಿತ ಸುಕಾರ್ಯ ನಮೋ 22
ಶ್ರೀಕೃಷ್ಣ ಪರಂಧಾಮ ನಮೋ
ಸಾಕಾರ ಮೋಕ್ಷ ಪ್ರದಾತ ನಮೋ 23
ಜಯಮಂಗಳಂ ಶ್ರೀರಂಗನಮೋ
ಜಯಮಂಗಳಂ ಭವಭಂಗನಮೋ 24

ಕೇಳು ಪೊರೆ ಶಾಂತ ತಾಳು ರಂಗಾ ನಿನ್ನಾಳು ನಾನಿರುವೆ ಕೃಷ್ಣಾ ಪ
ಆಳೋ ಅರಸನೇ ಅ.ಪ.
ಗಾಣ ಎಳೆಯುವ ಕ್ವಾಣನಾದೆನೋ ಕಾಣವೋ ನಯನಾ
ಕಾಣಿ ವೇಣುಗೋಪಾಲ 1
ಮಾಯಾ ಮಗನಿಗೆ ನಾಯನಾಗಿರುವೆ
ಮಾಯಾ ಕಾಯೋ ನರಹರಿ 2
ಬೇಡುವರು ಧನ ಕಾಡಿ ಎನ್ನನು ನೋಡು ಫಣಿಶಯನಾ
ನಾಡಿಗೊಡೆಯಾ ಕೈ ಜೋಡಿಸುವೆನಯ್ಯಾ 3
ಬೇಗ ತವದಾಸನಾಗಿ ಮಾಡಿಕೋ ಸಾಗರಶಯನಾ
ಈಗ ಭವಭಯ ನೀಗಿಸೈಯ್ಯ ಕೈ ಸಾಗದಾಯಿತು ಭಾಗವತಪ್ರಿಯಾ 4
ಆಶಾ ಬಿಡಿಸಿ ನೀ ಲೇಸು ಕೊಡು ಹನುಮೇಶವಿಠಲನೇ
ಘಾಸಿಯಾದೆನು ಪೋಷಿಸಯ್ಯ ರಮೃಶ ಪಂಢರಿವಾಸ ವಿಠಲ 5

ನಿನ್ನ ಸೊಬಗಿದೇನೊ ಶ್ರೀಹರಿ
ವಿಭವ ಚನ್ನಕೇಶವಾ ಪ
ಸತಿ ಸಿರಿದೇವಿಯು ಅತಿ ಚಂಚಲೆಯು
ಸುತಮದನ ತಾನನಂಗನೂ
ಸುತೆ ಬಾಗೀರಥಿ ವಕ್ರಮಾರ್ಗಳೋ
ಅತಿಶಯ ಮೈದುನ ಕ್ಷಯರೋಗಿ 1
ಇರುವ ಮಂದಿರವು ಸಾಗರ ಮಧ್ಯವು
ಉರಗನ ಮೇಲೆ ಪವಡಿಸಿಹೆ
ಗರುಡನೇರಿ ಗಗನದಿ ತಿರುಗಾಡುವೆ
ನೆರೆ ತುಲಸಿಯ ಮಾಲೆಯ ಹಾಕಿರುವೆ 2
ದಾನಕೊಟ್ಟವನ ಭೂಮಿಗೆ ತುಳಿದೆ
ಧ್ಯಾನ ಗೈದವನ ಶಿರವರಿದೆ
ಮಾನಿನಿ ಕೊಟ್ಟ ಸವಿಫಲಭಂಜಿಸಿ
ಕೂರ್ಮ ವರಹನು ನೀನಾದೆ 3
ಹೀಗಿದ್ದರೂ ಸತ್ಸತಿಸುತ ಬಾಂಧವ
ಭೋಗ ಭವನ ಭಾಗ್ಯಗಳಿತ್ತು
ರಾಗದಿ ರಕ್ಷಿಪೆ ಶರಣರ ನಿರುತವು
ಭಾಗವತಪ್ರಿಯ ಜಾಜಿಕೇಶವಾ 4

ಪರಮಪುರುಷ ಪಾಲಿಪುದೈ ಸರಸಿಜಾಕ್ಷ ಸರ್ವರಕ್ಷ ಪ
ಮಗುವಾದ ಧ್ರುವನು ಅಗಣಿತಗುಣ ನಿನ್ನನು
ಹಗಲಿರುಳೂ ಮೃದುಪದವಂ ಬಿಗಿದಪ್ಪುತ ಧ್ಯಾನಿಸೆ 1
ಯೋಗಿಜನಾನಂದಕನೆ ಬೇಗದಿ ಮೈದೋರುತಲಿ
ಭಾಗವತಪ್ರಿಯಪದವಂ ರಾಗದಿತ್ತೆ ಜಾಜೀಶ 2

ಪೋಗಿ ಬರುವೆನು ಎನ್ನ ಮನೆಗೆ ಜಗದೀಶ
ಭಾಗವತಪ್ರಿಯ ಭಾಗೀರಥೀಜನಕ ಪ.
ವರುಷವರುಷಕೆ ನಿನ್ನ ದರುಶನವನಿತ್ತೆನ್ನ
ಕರುಣಿಸೈ ಶೇಷಾದ್ರಿವರ ಶ್ರೀನಿವಾಸ
ವರ ಪ್ರಸಾದವನೀಯೊ ಜನ ಮೆಚ್ಚುವಂತೆ 1
ಜಯ ಹೊಂದಿಸುತ ಮನದ ಭಯವೆಲ್ಲ ಪರಿಹರಿಸಿ
ನಿಯಮತಿಯೀಯೊ ನೀರಜನಾಭನೆ
ದಯಮಾಡೊ ತವ ಪಾದಸೇವೆಯನ್ನಿತ್ತೆನಗೆ
ಪ್ರಿಯನಾಗು ಶ್ರೀಹರಿಯೆ ಭಯನಿವಾರಣನೆ2
ನೀನೆ ಗತಿಯೆನಗೆ ಶ್ರೀನಿವಾಸನೆ ಭಕ್ತಾ
ಧೀನ ನೀನೆಂಬ ಬಿರುದುಂಟಾದಡೆ
ಮಾನಿಸೈ ಶ್ರೀಲಕ್ಷ್ಮೀನಾರಾಯಣನೆ ನಿನ್ನ
ಧ್ಯಾನ ಸೌಭಾಗ್ಯಗಳನಿತ್ತೆನ್ನ ಸಲಹೊ 3

ಬಾರಯ್ಯ ಬಾ ಬಾ ಯದುಕುಲರಾಯ | ಹೇ ಭಾಗವತಪ್ರಿಯ ಪ
ಸಾರಸಾಕ್ಷ ಕರುಣಾರಸಪೂರಿತ
ಮಾರಜನಕ ಭವತಾರಕ ಮುರಹರ ಅ.ಪ.
ಬೃಂದಾರಕ ಬೃಂದ ಸುವಂದಿತ ಚರಣ | ಭುಜಗೇಂದ್ರಶಯನ
ವಿಹಗೇಂದ್ರಗಮನ
ಮಂದಹಾಸ ಬಲುಸುಂದರವದನಾ | ಶುಭಗಣಪೂರ್ಣ
ಮಂದರಧರ ಗೋವಿಂದ ಭಜಕ ಜನ
ಮಂದಾರನೆ ಮುಚುಕುಂದವರದ ರಾ
ಕೇಂದುಕುಲಜಲಧಿ ಚಂದಮನೆನಿಸುವ
ಇಂದಿರೆಯರಸ ಶ್ರೀ ಕರಿಗಿರೀಶನೇ 1

ಬ್ಯಾಗ ಬರುವೇನೆಂದು ಸಾಗಿ ಮಧುರೆಗೆ ಹೋದ
ಹ್ಯಾಗೆ ಮಾಡುವೊಣುದ್ಧವ
ಭಾಗವತಪ್ರಿಯಗಿನ್ನು ಬಾಗಿ ನಮಿಸುತ ನಾವು
ಉದ್ಧವ ಪ
ಗೋಕುಲವಾಸ ಬಿಟ್ಟ್ಯಾಕೆ ತೆರಳಿದ ಸ್ವಾಮಿ
ಈ ಕಾರ್ಯವನು ತಿಳುಹಿಸೊ
ಶ್ರೀಕರ ಕಮಲಾರ್ಚಿತ ಚರಣಧ್ವಜವಜ್ರ-
ರೇಖಪಾದವ ಚಲಿಸಿದ
ಪಾಕಶಾಸನಪ್ರಿಯನು ಪರಮ ನಿರ್ದಯ ಮಾಡಿ
ಉದ್ಧವ 1
ಯಂತ್ರಮಾಯದಲಿ ಶ್ರೀಕಾಂತನೊಲಿಸುವುದಕ್ಕೆ
ಮಂತ್ರವನು ಮಾಡರಿಯೆವೊ
ಅಂತರಂಗದಲಿ ಅನಂತಗುಣ ಸ್ತುತಿಸಲೇ-
ಕಾಂತ ಭಕ್ತರಲ್ಲವೊ
ನಿಂತು ನಿತ್ಯಾನಂದಮೂರ್ತಿಯ ನೋಡದಲೆ
ಉದ್ಧವ 2
ಅತಿಕ್ರೂರನೆನಿಸುವಕ್ರೂರ ಬಂದು ನಮಗ-
ಹಿತಮಾಡಿ ಪೋದನಲ್ಲೊ
ಮತಿಹೀನರಾಗ್ಹರಿಯ ರಥವ ನಿಲಿಸದಲೆ ಮುಂ-
ದೆತನ (ಯತ್ನ ?) ಮರಿಯದೆ ನಿಂತೆವೊ
ಪೃಥಿವಿ ಒಳಗಿಂಥ ಗೋಪಿಕಾಸ್ತ್ರೀಯರೆಂದು ಭಾಳಪ-
ಉದ್ಧವ 3
ಸಕ್ಕರೆಯಂಥ ಸವಿಮಾತನಾಡುತ ನಮಗೆ
ದಕ್ಕಿದಕ್ಕದಲ್ಹೋದನೊ
ಮತ್ತೇನು ಪೇಳೋಣ ಮಂದಭಾಗ್ಯರು ಹರಿಯ
ದಕ್ಕಿಸಿಕೊಳ್ಳದ್ಹೋದೆವೊ
ಸಿಕ್ಕರೆ ಧನವು ಶತಸಾವಿರ ಕೊಪ್ಪರಿಗೆ ಅಷ್ಟ-
ಉದ್ಧವ 4
ಮಡದಿಯರು ಕೇಳಿಗೆ ಮಧುರಾಪಟ್ಟಣದಂಥ
ಚೆದುರೆಯರು ನಾವಲ್ಲವೊ
ಮದನನಾಟಕೆ ಮದಗಜಗಮನೇರಿಗಿನ್ನು
ಮುದದಿ ಮರುಳಾಗಿಪ್ಪನೊ
ವಿಧಿ ಬರೆದನೇನೆಂದರೀ ನಮ್ಮ ಪಣೆಯಲ್ಲಿ
ಉದ್ಧವ 5
ಮಲ್ಲರನೆ ಮಡುಹಿದ್ದ ಮಾವನ್ವೈರಿಯು ನಮ್ಮ
ಕೊಲ್ಲಿ ಪೋದಂತಾಯಿತೊ
ಸಲ್ಲ ನಡತೆಯ ಸೊಟ್ಟಕುಬ್ಜೆಗೆ ಕಡೆಯು ನಾ-
ವಲ್ಲವೆಂದವಗೆ ಪೇಳೊ
ನಿಲ್ಲದ್ಹೋಗ್ಹಿಂದಕೆ ಸುಳ್ಳಲ್ಲೊಂದು ಬೆರೆಸದಲೆ
ಉದ್ಧವ 6
ಕಲ್ಲಾಗದೀವಿಧಿಯ ಕಾಮನಪಿತನಗಲಿ
ಸೊಲ್ಲು ಸೊಲ್ಲಿಗೆ ಬಳಲ್ದೆವೊ
ಮಲ್ಲಿಗ್ವೊಣಗಿದ ದಾರದಂತೆ ಗೋವ್ರಜಮೂಲೆ-
ಯಲ್ಲಿ ನಾವಿರಲಾರೆವೊ
ಎಲ್ಲಿ ಬಂದೊದಗಿತೀ ಬಿಲ್ಲ ್ಹಬ್ಬನಮಗೆ ಭೀ-
ಉದ್ಧವ 7

ಭಾಗೀರಥೀ ಜನಕಗೆ ಭಾಗವತಪ್ರಿಯಗೆ
ಆಗ ನೀರೆರೆದರವಿಂದಲೋಚನನಿಗೆ
ಗೋಪಿ 1
ಸಾಗರಶಯನನ ತೂಗಿ ತೊಟ್ಟಿಲೊಳಿಟ್ಟು
ನಾಗಮುರಿಗೆ ವಂಕಿ ನಂದಗೋಪನ ಸುತಗೆ
ಬೆರಳಿಗುಂಗುರ ಕೋಟಿಭಾಸ್ಕರತೇಜಗೆ
ಹೊಳೆವೊ ಬಿಂದಲಿ ಗುಂಡು ಭುಜಕೀರ್ತಿ ಭೂಷಣ 2
ಮಲಕು ಮುತ್ತಿನ ಹಾರ ಪದಕ ಪಚ್ಚೆಯ ಕಾಂತಿ
ಕೌಸ್ತುಭ ರತ್ನ
ಥಳಥಳಿಸುವ ಕರ್ಣದಲ್ಲಿ ಬಾವುಲಿ ಚೌಕುಳಿ
ಚಳತುಂಬು ಮುತ್ತಿನಬಟ್ಟು ಮುಂದಲೆಗೆ 3
ಹೊಸ ವಜ್ರದರಳೆಲೆ ಹುಲಿಯುಗುರು ತಾಯಿತ
ಕುಸುಮನಾಭಗೆ ಕಿರುಗೆಜ್ಜೆ ಕಾಲಲಂದಿಗೆ
ಮಿಸುಣಿ ಮಾಣಿಕ್ಯದುಡಿದಾರದಡ್ಡಿಕೆ ಕಟ್ಟಿ
ಗೋಪಿ 4
ಕಂಜನಯ್ಯನ ನೋಡೆ ಕಂಗಳಿನ್ನೆರಡಿಲ್ಲ
ಜಿಹ್ವೆ ಒಂದೆ ಸಾಲದೆನಗೆಂದು
ಅಂಗಿಟೊಪ್ಪಿಗೆ ಹಾಕ್ಯಾಲಿಂಗನೆ ಮಾಡುತ
ಸತಿ ತಾನಂದಾನಂದಭರಿತಳಾಗಿ5
ತನ್ನ ಮಗನ ಮುದ್ದು ತಾ ನೋಡಿ ಸಾಲದೆ
ಹೊನ್ನ ಪುತ್ಥಳಿಯಂತೆ ಹೊಳೆವೊ ಕೂಸನು ಎತ್ತಿ
ನಿನ್ನ ಮಗನ ಆಟ ನೀ ನೋಡೆಂದೆನುತಲಿ
ತನ್ನ ಪತಿಯ ತೊಡೆಯಲ್ಲಿಟ್ಟು ನಲಿಯುತ 6
ಹೊನ್ನ ಪುತ್ಥಳಿಗೊಂಬೆ ಹೊಸ ಚಿನ್ನದರಗಿಳಿಯೆ
ಹೊನ್ನು ತಾ ಗುಬ್ಬಿತಾರಮ್ಮಯ್ಯ ಎನುತಲಿ
ಬಣ್ಣ ಬಣ್ಣದ ಆಟ ವರ್ಣಿಸುತಲಿ ನೀಲ-
ವರ್ಣನ ತನ್ನ ತೋಳಿಂದಪ್ಪಿ ನಲಿಯುತ 7
ಸೃಷ್ಟಿಮಾಡುವರಿಲ್ಲೀ ಶಿವ ಬ್ರಹ್ಮರೊಡೆಯನ
ಸೃಷ್ಟಿಕರ್ತನಾದನನ್ಹುಟ್ಟಿಸಿದ ನಾಭಿಯಿಂದಿವನು
ಹೊಟ್ಟೆಲೀರೇಳು ಜಗವಿಟ್ಟು ಸಲಹುವ
ಎಷ್ಟು ಸರ್ವೋತ್ತಮ ಈಗಿಲ್ಲ್ಯವತರಿಸಿದ 8
ಚತುರವದನಗೆ ವೇದ ತಂದಿಟ್ಟು ಸಾಗರ
ಮಥಿಸಿ ಮಂದರವನು ಪೊತ್ತು ಅಮೃತವ ಹೀರಿ
ಪೃಥಿವಿಯನು ತಂದ ಕೋರೆಯಲಂದ್ಹಿರಣ್ಯಾಕ್ಷನ
ಹತವ ಮಾಡಿದ ತಾ ಭೂಪತಿ ಎಂದೆನಿಸಿದಿವನು 9
ಪರಮಭಕ್ತನು ಕರೆಯೆ ಬಿರುದು ಕಂಬದಿ ಬಂದು
ಕರುಳ ಬಗೆದ ಪುಟ್ಟ ತÀರÀಳ ರೂಪವ ನೋಡಿ
ಮರುಳಾಗಿ ಬಲಿ ಮೂರು ಚರಣ ದಾನ ನೀಡೆ
ಬೆಳೆದು ಬ್ರಹ್ಮಾಂಡಕ್ಕೆ ಭುವನ ವ್ಯಾಪಿಸಿಕೊಂಡ10
ಕ್ಷತ್ರ ಸಂಹಾರಿ ತಾ ಎತ್ತಿ ಧನುವ ಸೀತಾ ಸೌ-
ಮಿತ್ರಿಸಹಿತ್ವನದಲ್ಲಿ ಇರುತಿರಲಾಗ
ಪತ್ನಿ ಒಯ್ಯಲು ಅಸುರನ್ಹತ್ತು ಶಿರಗಳ ತರಿದ ದುಷ್ಟ-
ರಂತಕನೆ ನಿರ್ದುಷ್ಟ ಸಜ್ಜನಪ್ರಿಯ 11
ದೇವಾಧಿದೇವ ದೇವಕ್ಕಿ ಜಠರದಿ ಬಂದು ಮಾಯಾ-
ಪೂತಣಿಯನ್ನು ಕೊಂದು ವಿಷಮೊಲೆನುಂಡು
ಕಾಲಲಿ ಶಕಟನ ಕೆಡವಿದ ಯದುವೀರ ತಾ-
ಗೋಪಾಲಕ ಗೋಪೀಸುತನೆಂದೆನಿಸಿಕೊಂಡ12
ವಿಪರೀತ ಮಾಯದಿ ತ್ರಿಪುರದ ಜನರಿಗೆ
ದುರ್ಮತವ ಬೋಧಿಸಿ ಅಸುರಾರಿ ಮೋಹಕ
ತೋರಿ ಚಪಲ ಚೆನ್ನಿಗ ಖಡ್ಗಪಿಡಿದು ತೇಜಿಯ-
ನೇರಿ ಕಪಟನಾಟಕ ಕಲಿಮರ್ದನ ಕರಿಗ್ವರವಿತ್ತ13
ಜನ್ಮಕರ್ಮವು ಜರಾಮರಣಗಳಿವಗಿಲ್ಲ ಜಗದೋ-
ಪರಬ್ರಹ್ಮನ ಪಾದಾಂಘ್ರಿಸ್ಮರಣಿ (ಣೆಯಿ?)ರೆ ಪರಮಾ-
ದರದಿ ಕರೆದೊಯ್ವ ತನ್ನ (ಬಳಿಯ)ಲ್ಲೆ 14
ಏಸುಜನ್ಮದ ಫಲವಿನ್ನೆಷ್ಟು ಜನ್ಮದ ಸುಕೃತ
ಈ ಸಮಯದಿ ಫಲಿಸಿತೀತ ಇಲ್ಲುದಿಸಿರಲು
ದೋಷವರ್ಜಿತನೆ ಸಂತೋಷಭರಿತನಿವ ಭೀ-
ಮೇಶಕೃಷ್ಣ ಯಶೋದೆ ಕೂಸೆಂದೆನಿಸಿಕೊಂಡ15

ಮನಮೋಹಮಂದಿರಾ ಶ್ರೀವರ
ಘನಮಣಿ ತಾ ಹಾರಾ ಪ
ಮಾಂಗಿರಿಧಾಮಾ ಮಂಗಳನಾಮಾ
ಶರಣಾಗತ ಪ್ರೇಮಾ ಅ.ಪ
ದಿವಿಜನಿಕರ ಪರಿವಾರಾ ದಯಾಪೂರಾ
ಭುವನೇಶ್ವರ ಶೂರಾ
ಆನಂದಲೀಲಾ ಆಗಮಮೂಲಾ
ತುಳಸೀದಳ ವನಮಾಲಾ 1
ಭಾಗವತಪ್ರಿಯ ಸಾಗರತನಯಾ
ಮನರಂಜನ ಸದಯಾ
ಮುರಳೀಧೃತಕರ ಕುಂಜವಿಹಾರಾ
ರಾಧಾಮನ ಮಣಿಹಾರಾ 2
ನಂದನ ಕಂದಾ ಜಗದಾನಂದ
ಬೃಂದಾವನಾನಂದ
ಗೋಪಿಕಾ ಜಾಲ | ಪ್ರೇಮಿತ ಬಾಲಾ
ಬೃಂದಾವನ ಲೋಲಾ 3

ವಾಸುದೇವ ಶ್ರೀ ಗೋವಿಂದ
ವರದ ಶ್ರೀ ಗೋವಿಂದ 1
ಪಾಲಕ ಗೋವಿಂದ
ಸಾಗರಗೃಹ ಶರಣಾಗತವಾಂಛಿತ ಭಾಗವತಪ್ರಿಯ ಗೋವಿಂದ 2
ಮಾಧವ ಗೋವಿಂದ
ಪ್ರೇರಣ ಕರ್ತುವಿಚಾರಣ ಭಕ್ತೋದ್ಧಾರಣ ಶ್ರೀಹರಿ ಗೋವಿಂದ 3
ಭೂಮಂಡಲನಾಯಕ ಗೋವಿಂದ
ಕರದಂಡದಳಾಕ್ಷ ಶ್ರೀ ಗೋವಿಂದ 4
ನಮೋ ನಮೋ ಗೋವಿಂದ
ಮತಂಗವರದ ಶ್ರೀ ಗೋವಿಂದ 5
ಶಕ್ರಾರ್ಚಿತ ವಟುವಾಕೃತಿಧರ ಕರಚಕ್ರಾಂಕಿತ ಹರಿ ಗೋವಿಂದ
ಅಕ್ರೂರವರದ ಅಖಿಳಪ್ರದ ತ್ರಿವಿಕ್ರಮರಾಯ ಶ್ರೀ ಗೋವಿಂದ 6
ಶ್ರೀ ಭಾರ್ಗವರಾಮ ಶ್ರೀ ಗೋವಿಂದ
ಅಗ್ರಗಣ್ಯ ಶುಭವಿಗ್ರಹ ನೃಪಕುಲವರ್ಗವಿದಾರಣ ಗೋವಿಂದ 7
ನೂತನ ಲೀಲ ಶ್ರೀ ಗೋವಿಂದ
ವಾತಜವರದ ಸಾಕೇತಾಧಿಕ ನಿರ್ಭೀತ ಶ್ರೀ ರಾಮ ಗೋವಿಂದ 8
ಕರುಣಾಲಯದೇವ ಶ್ರೀ ಗೋವಿಂದ
ಕುಚೇಲವರದ ಶ್ರೀ ಗೋವಿಂದ 9
ಬುದ್ಧಾಕೃತಿಧರ ಗೋವಿಂದ
ಶುದ್ಧಾತ್ಮಕ ಭವವೈದ್ಯ ವಿಬುಧಾರಾದ್ಯಚರಣ ಶ್ರೀ ಗೋವಿಂದ 10
ಸುರರಾಜಾಧಿರಾಜ ಶ್ರೀ ಗೋವಿಂದ
ಪ್ರೌಢ ಶ್ರೀ ಗೋವಿಂದ 11
ಶ್ರೀ ಕಪ್ಪುಗೊರಳಪ್ರಿಯ ಗೋವಿಂದ
ಸರ್ಪಾಚಲದಿಂದೊಪ್ಪಿಲ್ಲಿಯೆ ನೆಲಸಿಪ್ಪ ತಿಮ್ಮಪ್ಪ ಶ್ರೀ ಗೋವಿಂದ 12
ತಾನೆ ಭಕ್ತರ ಸನ್ಮಾನದಿ ಸಲಹಲು ತಾನೆತಂದ ಶ್ರೀ ಗೋವಿಂದ
ಲಕ್ಷ್ಮೀನಾರಾಯಣ ಹರಿ ಗೋವಿಂದ 13

ವಾಸುದೇವ ಶ್ರೀ ಗೋವಿಂದ
ವರದ ಶ್ರೀ ಗೋವಿಂದ 1
ಪಾಲಕ ಗೋವಿಂದ
ಸಾಗರಗೃಹ ಶರಣಾಗತವಾಂಛಿತ ಭಾಗವತಪ್ರಿಯ ಗೋವಿಂದ 2
ಮಾಧವ ಗೋವಿಂದ
ಪ್ರೇರಣ ಕರ್ತುವಿಚಾರಣ ಭಕ್ತೋದ್ಧಾರಣ ಶ್ರೀಹರಿ ಗೋವಿಂದ3
ಭೂಮಂಡಲನಾಯಕ ಗೋವಿಂದ
ಕರದಂಡದಳಾಕ್ಷ ಶ್ರೀ ಗೋವಿಂದ4
ನಮೋ ನಮೋ ಗೋವಿಂದ
ಮತಂಗವರದ ಶ್ರೀ ಗೋವಿಂದ 5
ಶಕ್ರಾರ್ಚಿತ ವಟುವಾಕೃತಿಧರ ಕರಚಕ್ರಾಂಕಿತ ಹರಿ ಗೋವಿಂದ
ಅಕ್ರೂರವರದ ಅಖಿಳಪ್ರದ ತ್ರಿವಿಕ್ರಮರಾಯ ಶ್ರೀ ಗೋವಿಂದ 6
ಉಗ್ರಕುಠಾರ ನೃಪಾಗ್ರಣಿವಿಪಿ£
ಶ್ರೀ ಭಾರ್ಗವರಾಮ ಶ್ರೀ ಗೋವಿಂದ
ಅಗ್ರಗಣ್ಯ ಶುಭವಿಗ್ರಹ ನೃಪಕುಲವರ್ಗವಿದಾರಣ ಗೋವಿಂದ7
ನೂತನ ಲೀಲ ಶ್ರೀ ಗೋವಿಂದ
ವಾತಜವರದ ಸಾಕೇತಾಧಿಕ ನಿರ್ಭೀತ ಶ್ರೀ ರಾಮ ಗೋವಿಂದ 8
ಕರುಣಾಲಯದೇವ ಶ್ರೀ ಗೋವಿಂದ
ಕುಚೇಲವರದ ಶ್ರೀ ಗೋವಿಂದ9
ಬುದ್ಧಾಕೃತಿಧರ ಗೋವಿಂದ
ಶುದ್ಧಾತ್ಮಕ ಭವವೈದ್ಯ ವಿಬುಧಾರಾದ್ಯಚರಣ ಶ್ರೀ ಗೋವಿಂದ 10
ಸುರರಾಜಾಧಿರಾಜ ಶ್ರೀ ಗೋವಿಂದ
ಪ್ರೌಢ ಶ್ರೀ ಗೋವಿಂದ11
ಶ್ರೀ ಕಪ್ಪುಗೊರಳಪ್ರಿಯ ಗೋವಿಂದ
ಸರ್ಪಾಚಲದಿಂದೊಪ್ಪಿಲ್ಲಿಯೆ ನೆಲಸಿಪ್ಪ ತಿಮ್ಮಪ್ಪ ಶ್ರೀ ಗೋವಿಂದ 12
ತಾನೆ ಭಕ್ತರ ಸನ್ಮಾನದಿ ಸಲಹಲು ತಾನೆತಂದ ಶ್ರೀ ಗೋವಿಂದ
ಲಕ್ಷ್ಮೀನಾರಾಯಣ ಹರಿ ಗೋವಿಂದ13

ಶ್ರೀ ಗಿರಿಜಾತನಯಾ ಮಹೋದಯಾಶ್ರೀ ಗಿರಿಜಾತನಯಾ ಪಭಾಗವತಪ್ರಿಯ ಭೋಗಿಜನಾಶ್ರಯಬಾಗಿನ'ುಸುವೆನಯ್ಯಾ ಅ.ಪಸುರವರ ಪೂಜಿತ ವರಸಿದ್ದಿಸಂಯುತಶರಣಪಾಲಕನಿರತ 'ಖ್ಯಾತಾ 1ಪಾಶಾಂಕುಶಧರ ದಾಸಸಂಕಟಹರಈಶಕುವರ ಸುಂದರ ಸುಧೀರ 2ಮೋದಕಸ'ತ ಬಾಧಕರ'ತವೇದವಚನ'ನುತ ಪುನೀತ 3ರಕ್ತಮಾಲ್ಯಾಂಬರಾ ಸಕ್ತದೇವಗುರುಭಕ್ತಿದಾನ ಚತುರದ್ವೈಮಾತುರ 4ಏಕವದನ ಗಣಾಧೀಕ 'ಭೂಷಣಭೀಕರ ರಿಪುಹರಣ ಚಿದ್ವನ 5

ಶ್ರೀಹರಿಸ್ತುತಿ
ಜೈ ಹರಿ ವಿಠ್ಠಲ ಪಾಂಡುರಂಗ 1
ರಕುಮÁಯೀಧವ ಪಾಂಡುರಂಗ 2
ಸಾಧುಜನಾರ್ಚಿತ ಪಾಂಡುರಂಗ 3
ಕಾಲಾಂತಕಪ್ರಿಯ ಪಾಂಡುರಂಗ 4
ಕರಿರಾಜವರದ ಪಾಂಡುರಂಗ 5
ವನಜಾಸನನುತ ಪಾಂಡುರಂಗ 6
ಕುಟಿಲಾಂತಕಹರೆ ಪಾಂಡುರಂಗ 7
ಭಾವಜಪಿತಹರೆ ಪಾಂಡುರಂಗ 8
ಫಣಿಪತಿಶಯನ ಪಾಂಡುರಂಗ9
ದುರಿತವಿದೂರ ಪಾಂಡುರಂಗ 10
ವನಜನಾಭಹರೆ ಪಾಂಡುರಂಗ 11
ವಾತಾತ್ಮಜನುತ ಪಾಂಡುರಂಗ 12
ಜಗದೋದ್ಧಾರ ಪಾಂಡುರಂಗ 13
ಪುಂಡರೀಕವರದ ಪಾಂಡುರಂಗ 14
ದೀನಮಂದಾರ ಪಾಂಡುರಂಗ 15
ಸಿಂಧುಶಯನಹರೆ ಪಾಂಡುರಂಗ 16
ಶ್ರೀಕರಸೇವಿತ ಪಾಂಡುರಂಗ 17
ನರಕಾಂತಕಹರೆ ಪಾಂಡುರಂಗ 18
ಸಾಮಗಾನಪ್ರಿಯ ಪಾಂಡುರಂಗ 19
ಕ್ಷಾತ್ರಕುಲಾಂತಕ ಪಾಂಡುರಂಗ | ಧಾತ್ರೀರಮಣ ಪಾಂಡುರಂಗ 20
ಕಾಮಿತಫಲದ ಪಾಂಡುರಂಗ 21
ಪಾವನಚರಿತ ಪಾಂಡುರಂಗ 22
ಉತ್ತಮದೇವನೆ ಪಾಂಡುರಂಗ 23
ಸೋಜಿಗಪುರುಷನೆ ಪಾಂಡುರಂಗ24
ಭಾನುಪ್ರಕಾಶ ಪಾಂಡುರಂಗ 25
ಸುರಭಿನಿವಾಸ ಪಾಂಡುರಂಗ 26
ಭಕುತಪೋಷಕ ಪಾಂಡುರಂಗ27
ತ್ರಿಗುಣಾತೀತಾ ಪಾಂಡುರಂಗ 28
ಚಂದ್ರಮೌಳಿಹಿತ ಪಾಂಡುರಂಗ26
ಸುರಮುನಿಸನ್ನುತ ಪಾಂಡುರಂಗ30
ದಾನವಾಂತಕ ಪಾಂಡುರಂಗ 31
ಭೂಸುರವಂದಿತ ಪಾಂಡುರಂಗ32
ಸೃಷ್ಟಿಗೊಡೆಯ ಶ್ರೀ ಪಾಂಡುರಂಗ 33
ಉರ್ವಿರಮಣ ಪಾಂಡುರಂಗ 34
ಶೃತಿತತಿವಿನುತ ಪಾಂಡುರಂಗ 35
ಜೀವೋತ್ತಮನುತ ಪಾಂಡುರಂಗ36
ನಾಕಾಧಿಪನುತ ಪಾಂಡುರಂಗ 37
ಮೋದದಾಯಕ ಪಾಂಡುರಂಗ38
ಭಾಗವತಪ್ರಿಯ ಪಾಂಡುರಂಗ39
ಕರುಣಿಗಳರಸನೆ ಪಾಂಡುರಂಗ40
ತಾಪತ್ರಯಹರೆ ಪಾಂಡುರಂಗ41
ಕರ್ಮಾಧಿಪತೆ ಪಾಂಡುರಂಗ42
ಕಪಟನಾಟಕ ಪಾಂಡುರಂಗ43
ಬಾದರಾಯಣ ಪಾಂಡುರಂಗ44
ಮುಂದೆ ದಾರಿಯೇನೋ ಪಾಂಡುರಂಗ 45
ಪಾಶಪರಿಹರಿಸೊ ಪಾಂಡುರಂಗ 46
ಎಷ್ಟು ಪೊಗಳಲೋ ಪಾಂಡುರಂಗ 47
ಇಷ್ಟದಾಯಕ ಪಾಂಡುರಂಗ 48
ಜನುಮ ನೀಗಿಸೊ ಪಾಂಡುರಂಗ 49
ಘನ್ನಮಹಿಮನೆ ಪಾಂಡುರಂಗ 50
ದೀನವತ್ಸಲನೆ ಪಾಂಡುರಂಗ 51
ಪಾದ ಪಾಂಡುರಂಗ52
ಶುಭಮಂಗಳಹರೆ ಪಾಂಡುರಂಗ 53
ಶ್ರೀಶಕೇಶವ ಪಾಂಡುರಂಗ 54

ಸ್ನಾನಾ ಮಾಡೈಯ ಸರ್ವಾಧಾರಾ ಪ
ಜಾನಕೀವಲ್ಲಭ ನೀನೆ ನಿರ್ಮಲ ಮೂರ್ತಿಅ.ಪ
ಸ್ಮರಿಸಿದ ಮಾತ್ರದಿ ಪರಿಶುದ್ಧ ಮಾಳ್ಪೆನೆಂ
ದುರುತರ ಶೃತಿಗಳು ಪೊಗಳುತಿಹವು ನಿನ್ನ 1
ಕ್ಷೀರದದಾಜ್ಯ ಮಧುಶರ್ಕರ ಫಲಗಳಿಂ
ನಾರಿಕೇಳೋದಕದಿಂದ ಪಂಚಾಮೃತ 2
ಗಂಗೆ ಗೋದಾವರಿ ಯಮುನೆ ಸರಸ್ವತಿ
ಸಿಂಧು ಕಾವೇರಿ ಜಲಗಳಿಂ3
ಪುನಗು ಕೇಸರಿ ಕರ್ಪೂರ ಕಸ್ತೂರಿ
ಪರಮದ್ರವ್ಯವು ನವರತ್ನ ಮುತ್ತುಗಳಿಂದ 4
ಭಾಗವತಪ್ರಿಯ ಗುರುರಾಮವಿಠಲನೆ 5