ದೀನದಯಾಪರ ಜಾನಕೀನಾಥ
ನೀನೆ ದಯಾರ್ಣವಅನಾಥಜನಾಪ್ತ ಪ
ಘನತರ ಭವತಾಪವನು ಪರಿಹರಿಸೊ
ಕನಿಕರಯುತ ನೀನೆ ಮನುಮುನಿವಿನುತ 1
ಲಾಖಚೌರೈಂಸಿಜನ್ಮ ಸಾಕಾದೆ ತಿರುತಿರುಗಿ
ಕಾಕುಬವಣೆ ಸಾಕೋ ಲೋಕೇಶ ಕೃಪಾ ದೇ 2
ಭಕುತಾಭಿಮಾನಿ ನೀ ನಿಖಿಲಜಗಸೂತ್ರ
ಭಕುತನ ಮೊರೆ ಕಾಯೊ ಭಕುತಾಭಿರಾಮ 3

ದೃಢತರದ ಭಕುತಿಯಾ
ತವದ್ವಾರದಿಂದಲಿ ದೊರಕುವುದು ನಿಶ್ಚಯಾ ತರಿ ಎನ್ನ ಮಾಯಾ
ಪರಿಹರಿಸೋ ಈ ಭವತಾಪವ ಪರಿಹರಿಸದಲೇ ಭರದಿ ಬಂದೆನು
ಪರಮ ಪಾವನ ಸತ್ಯಜ್ಞಾನ ಶ್ರೀ ಗುರುವರನೇ ತವ ಚರಣಕೆರಗುವೆ ಪ
ಕರ್ಮಗಳೊಂದು ನಾನರಿಯೇ
ನಿನ್ನಯ ಪಾಲಿಗೆ
ಇಂದು ಚರಣಗಳ ದ್ವಂದ್ವಕೆ
ಮಾಡದಲೆ ಸಲಹೋ
ಆನಂದತೀರ್ಥರ ಪೀಠಪೂಜನೇ 1
ಭ್ರಷ್ಟನಾದವ ನಾನು ಸೃಷ್ಟಿಸಿದ ಹರಿಯನು ಮರೆತು ದಿನಗಳೆದನು
ಪಡ್ಡೆರಧೊಟ್ಟಿ(ಪಡ್ಡೆರದು+ಹೊಟ್ಟಿ) ಹೊರಕೊಂಡೆನು
ಪಾಪಿಷ್ಟ ನಾನು ಇಷ್ಟದಾಯಕ ಮುಟ್ಟಿ ಭಜಿಸುವೆ
ಸುದೃಷ್ಟಿಯಲಿ ನೋಡಿ ಎನ್ನಯ ಕೆಟ್ಟ ಮನವನು ಕಳೆದು ಜ್ಞಾನದ
ದೃಷ್ಟಿ ಕೊಡುವುದು ಶ್ರೇಷ್ಠ ಮಹಿಮನೆ 2
ದಾನಧರ್ಮಗಳನ್ನು ಈ ಕರಗಳಿಂದಲಿ ಮಾಡಲಿಲ್ಲವೊ ನಾನು
ಹನುಮೇಶವಿಠಲನ ಸ್ಮರಣೆ ಎಂಬುವುದನ್ನು
ಧನವನಿತೆಸುತರಾ ಮೋಹದೊಳು ಮರೆತೆನು ಗುರುವರನೆ ನೀನು
ಜ್ಞಾನವಿಲ್ಲದ ದೀನದಾಸನ ಹೀನಗುಣ ಎಣಿಸದಲೆ ಪಾಲಿಸೊ
ದೀನಜನ ಮಂದಾರನಿಲಯನೆ ಕಾಮಿತಾರ್ಥವನೀವ ದಾತನೇ 3

ನದಿಗಳು
ವೇಣೀ ಮಾಧವನ ತೋರಿಸೆ ಜಾಣೆ ತ್ರಿವೇಣಿಕಾಣದೆ ನಿಲ್ಲಲಾರೆನೆ ಪ.
ಬಂದೆನೆ ಬಹಳ ದೂರದಿ ಭವಸಾಗರತರಣಿನಿಂದೆನೆ ನಿನ್ನ ತೀರದಿಒಂದು ಗಳಿಗೆ ಹರಿಯಗಲಿ ನಾನಿರಲಾರೆಮಂದಗಮನೆ ಎನ್ನ ಮುಂದಕೆ ಕರೆಯೆ 1
ಶರಣಾಗತರ ಪಾಲಿಪುದು ತರಳೆ ನಿನ್ನ ಬಿರುದುಕರುಣದಿಂದೆನ್ನ ಪೊರೆಯೆಸ್ಮರಣೆ ಮಾತ್ರದಿ ಭವತಾಪವ ಹರಿಸುವಸ್ಮರನÀ ಪಿತ ಮುರಹರನ ಕರುಣದಿ 2
ಪಾದ ವಾ-ರಿಜ ತೋರಿಸೆ ಮದಗಜಗಮನೆ 3

ಬೋಧದ ಘನಮಳೆಯುಸುರಿದು
ಮುಕುತಿಬೆಳೆಯು ಬಂದುದು ಪ
ಮಾಯೆಯ ಬಲು ಬಿಸಿಲುತಾಪ
ಕಾಯದೊಳಗೆ ಹೆಚ್ಚುತಿರಲು
ಹೇಯವೆನಿಸಿ ಜನನಮರಣ
ಮುಮುಕ್ಷುತ್ವ ಮೋಡಗವಿದು 1
ಸುವಿಚಾರದ ಮಿಂಚು ಹೊಳೆದು
ಶ್ರುತಿಶಿರಗಳ ಗುಡುಗು ಹೊಡೆದು
ಶ್ರವಣದ ಸುಳಿಗಾಳಿ ಬೀಸಿ
ಭವತಾಪವ ಹರಿಸುತಿರಲು 2
ವೈರಾಗ್ಯದ ರಂಟೆ ಹೊಡೆದು
ಶಮೆದಮೆಗಳ ಹರತೆಯಾಗಿ
ಪರಮಾರ್ಥದ ಬೀಜ ಬಿದ್ದ
ನರಜನ್ಮದ ಹೊಲದ ಮೇಲೆ 3
ದೃಷ್ಟಿಯೊಳಗಿನಾನಂದ
ಸೃಷ್ಟಿಯಾಗಿ ತೋರಿ ಚಂದ
ಶ್ರೇಷ್ಠನಾದ ಶಂಕರಗುರುವರನ ಸಹಜಕರುಣೆಯಿಂದ 4

ಮತಿಗೆಟ್ಟೆ ಭವತಾಪವ್ಯಥೆಯಿಂದ ನಾನು
ಸುತನರಿಕೆ ಹಿತದಿಂದ ಕೇಳು ಮಮಪಿತನೆ ಪ
ವಿಧಿವಶದಿ ಸಿಲ್ಕಿ ನಾ ಉದಿಸಿ ಈ ಬುವಿಯೊಳಗೆ
ಸದಮಲನೆ ತವಸ್ಮರಣವಿಧಿಯ ತಿಳಿಯದಲೆ
ಉದಯದೇಳುತ ನಾನು ಅಧಮ ಉದರಕ್ಕಾಗಿ
ವದನತೆರೆದನ್ಯರನು ಹುದುಗಿ ಬೇಡುತಲಿ 1
ಹಸಿತೃಷೆಯ ತಡೆಯದೆ ಪುಸಿಯಾಡಿ ದಿನಗಳೆದೆ
ನಿಶೆಯೆಲ್ಲ ಸಂಸಾರವ್ಯಸನದೊಳು ಕಳೆದೆ
ವಸನ ಒಡೆವೆಗೆ ಮೆಚ್ಚಿ ವಸುಧೆಯೊಳ್ತಿರುತಿರುಗಿ
ಪುಸಿಯ ಮಾನವರನ್ನು ರಸನೆಯಿಂದ್ಹೊಗಳಿ 2
ವಾನರಗೆ ವಶನಾದಿ ದಾನವನ ರಕ್ಷಿಸಿದಿ
ಮಾನವಗೆ ಆಳಾದಿ ದೀನದಯಾಸಿಂಧು
ನೀನೆ ಗತಿಯೆನಗಿನ್ನು ಜ್ಞಾನಬೋಧಿಸಿ ಕಾಯೊ
ಹೀನಭವ ಗೆಲಿಸಿ ಮಮಪ್ರಾಣ ಶ್ರೀರಾಮ 3