ಒಲಿಸಬೇಕು ಹರಿಯ ನಾವೀಗ ಕೇಶವನನ್ನು
ಒಲಿಸಬೇಕು ಹರಿಯ ನಾವೀಗ ಪ
ಒಲಿಸಬೇಕು ಹರಿಯ ನಾವು ಪರಮ ಭಕ್ತಿಯ ಸೇವಿಯಿಂದ
ಒಲಿಸಬೇಕು ರಂಗನನ್ನು ಮೋಕ್ಷವೀವ ಹರಿಯನು1
ಭಕ್ತಿರಹಿತವಾದ ಪೂಜೆ ಸ್ತೋತ್ರ ಸ್ಮರಣೆ ಭಜನೆಯಿಂದ
ಭಕ್ತಿರಹಿತ ಶ್ರವಣದಿಂದ ಹರಿಯು ತಾನು ಒಲಿಯನಯ್ಯ 2
ಭಕ್ತಿಯಿಂದ ಪೂಜೆಮಾಡಿ ಭಕ್ತಿಯಿಂದ ಸ್ತೋತ್ರಪಾಡಿ
ಭಕ್ತಿಯಿಂದ ಶ್ರವಣ ಮಾಡಿ ಸೇವೆ ಮಾಡಲೊಲಿಯುತಾನೆ 3
ದೂರ್ವಾಪುರದಿ ನಿತ್ತ ಹರಿಗೆ ಆತ್ಮ ನೇವೇದ್ಯವನು ಮಾಡೆ
ಗರ್ವರಹಿತನಾದ ಕೇಶವ ಬೇಗದಿಂದಲೊಲಿಯುತಾನೆ 4

ಹರಿ ವಿಮುಖನಾದ ಮನುಜಶ್ವಪಚ ಶ್ರೇಷ್ಠನು |
ಹರಿವಲುಮೆ ಕಂಡ ನರನು ಪರಮ ಶಿಷ್ಠನು ಪ
ಹರಿಯ ಕಾಣದ ಕಣ್ಣು ನೌಲಗರಿಯಾ ಕಣ್ಣವು |
ಹರಿಯ ಕಥೆ ಕೇಳದ ಶ್ರವಣಾ ಬಧಿರ ಶ್ರವಣವು |
ಹರಿಯ ನಿರ್ಮಾಲ್ಯ ಕೊಳದ ಘ್ರಾಣ ಲೆತ್ತಿ ಘ್ರಾಣವು |
ಹರಿಗೆರಗದಂಗ ತ್ರಾಣ ಬೆಚ್ಚಿನ ತ್ರಾಣವು 1
ಹರಿಯನ್ನದ ಮುಖವು ರಾಜ ಬಿರದ ಮುಖಗಳು |
ಹರಿಸೇವೆ ಮಾಡದ ಕೈಯ್ಯಾ ಕೀಲಿ ಕೈಗಳು |
ಹರಿಯಾತ್ರೆ ಇಲ್ಲದ ಕಾಲು ಹೊರಸಿನ ಕಾಲ್ಗಳು |
ಹರಿ ವಿಷಯ ವಿಲ್ಲದ ವಿದ್ಯೆದೊಂಬನ ವಿದ್ಯಗಳು 2
ಹರಿಗರ್ಪಣೆ ಅಲ್ಲದಯಜ್ಞ ವೇಷಿಕ ಕರ್ಮವು |
ಬರುದೇ ಮೌನ ವೃತಗಳೆಲ್ಲ ಬಕನ ಧರ್ಮವು |
ಹರಿಭಕ್ತಿರಹಿತ ತಪದಿ ಬಿಡದು ಜನ್ಮವು |
ಗುರು ಮಹಿಪತಿಸ್ವಾಮಿ ಭೋಧಿಸಿದನು ಮರ್ಮವು 3