ಭಕ್ತನಾಗೋ ಹರಿಗೆ ಓ ಮನುಜ ಪ
ನಾಲಗೆಯಲಿ ಶ್ರೀಲೋಲನ ನಿಜಗುಣ
ಜಾಲವ ಕೊಂಡಾಡೋ ಓ ಮನುಜ 1
ಮಾನಸದಲಿ ಸದಾ ಜಾನಕಿ ರಮಣನ
ಧ್ಯಾನವ ಮಾಡುತಿರೋ ಓ ಮನುಜ2
ಕರಯುಗಳಗಳಿಂ ವರಗೋಪಾಲನ
ಚರಣ ಪೂಜೆಮಾಡೋ ಓ ಮನುಜ 3
ರವಿಕುಲ ತಿಲಕನ ಸುವಿಮಲ ಚರಿತೆಯ
ಕಿವಿಯಲಿ ಕೇಳುತಿರೋ ಓ ಮನುಜ4
ಶ್ರೀಹರಿಯ ಜಗನ್ಮೋಹನ ಮೂರ್ತಿಯ
ಊಹಿಸಿ ನೋಡುತಿರೋ ಓ ಮನುಜ 5
ಶಾಸ್ತ್ರ ಸಿದ್ಧವಹ ಕ್ಷೇತ್ರತೀರ್ಥಗಳ
ಯಾತ್ರೆಯ ನೀಮಾಡೋ ಓ ಮನುಜ 6
ಶ್ರೀಶಗರ್ಚಿಸಿದ ಸುವಾಸಿತ ತುಲಸಿಯ
ನಾಸಿಕದಲಿ ಮೂಸೊ ಓ ಮನುಜ7
ಸಾಧುಜನಗಳಿಗೆ ಮೋದವೀವ ಶ್ರೀ
ಪಾದಗಳಿಗೆ ನಮಿಸೋ ಓ ಮನುಜ 8
ಭೋಗಿಶಯನಗನುರಾಗದಿಂದ ಶಿರ
ಬಾಗಿ ಸತತ ನಡೆಯೋ ಓ ಮನುಜ 9
ಈಜಗದಲಿ ತಾ ಜಾಜಿ ಶ್ರೀಶನು
ರಾಜಿಪುದನು ಕಾಣೋ ಓ ಮನುಜ 10

ಶಿವಭಕ್ತನಾಗೋ ಪ್ರಾಣೀ | ಅವನಿಯಲ್ಲಿ ಪರದಲ್ಲಿ ||ವಿವಿಧ ಭೋಗಗಳ ಕಾಂಬೀ | ಶಿವಭಕ್ತನಾಗೊ ಪ್ರಾಣೀ ಪಲಿಂಗಾಧಾರಣ ಮಾಡಿ ಜಂಗಮರಧಿಕಾರಾ ಸಾರೀ |ಹಿಂಗಿಕೊ ಭವಜನ್ನ್ಯ ದುಃಖ ||ಸಂಗಾವಾಗಿ ರುದ್ರಾಕ್ಷಿಯಂಗಾಳರ್ಚಿಸೂತಾ | ನಿಃಸಂಗನಾಗೊ ದುರ್ವಿಷಯದೀ 1ಸುವಿವೇಕಿ ಮನಸಿಲಿಂದಾ ಶಿವಶಬ್ದವ ಶೋಧಿಸಿ |ಕವಿಗಳ ಮುಖದಿಂದ ತಿಳಿಯೋ ||ನವತ್ರಿಪತ್ರಯುಕ್ತ ಬಿಲ್ವಾ ಸಮರ್ಪಣೆ ಮಾಡೊ |ಸವೆಯಾದಂಥ ಪದವೈದೂವಿ2ಭಜಿಸೋ ವೀಭೂತಿಯನ್ನು ದ್ವಿಜಸ್ತೋಮಾಕೆರಗಾದೀರೊ |ಪ್ರಜಗಳಿಗೆ ತೋರದಿರು ಭಾವಾ ||ಅಜಪ್ರಾಣೇಶ ವಿಠ್ಠಲಾನು ಅಜಿನಾಂಬರ ಸಮನೆನಬ್ಯಾಡಾ |ವಿಜಯವಂತನಾಗುವೀ ಜಗದೀ 3